; )
ലെജന്‍ഡ്‌സ് ലീഗ് ക്രിക്കറ്റിലെ ആവേശക്കാഴ്ച്ചകളില്‍ മതിമറന്നിരിക്കുകയാണ് ക്രിക്കറ്റ് ലോകം. ഒരു കാലത്ത് തങ്ങളുടെ ഏറ്റവും പ്രിയപ്പെട്ടവര്‍ വീണ്ടും പ്യാഡണിഞ്ഞ് മൈതാനത്തിറങ്ങിയപ്പോള്‍ ക്രിക്കറ്റ് ലോകത്തിന് അത് മറക്കാനാകാത്ത ആകാഴ്ച്ചയായത്.
ആറ് മത്സരങ്ങളുടെ ഗ്രൂപ്പ് ഘട്ടം കഴിഞ്ഞതോടെ ജനുവരി 29നാണ് ഫൈനല്‍. ഏഷ്യ ലയണ്‍സും വേള്‍ഡ് ജയന്റ്‌സും ഫൈനലില്‍ ഏറ്റുമുട്ടും. വേള്‍ഡ് ജയന്റ്‌സിനെതിരായ പോരാട്ടത്തില്‍ ഇന്ത്യ മഹാരാജാസ് പരാജയപ്പെട്ടു പുറത്തായി.
ആദ്യം ബാറ്റു ചെയ്ത വേള്‍ഡ് ജയന്റ്‌സ് 20 ഓവറില്‍ അഞ്ച് വിക്കറ്റ് നഷ്ടത്തില്‍ നേടിയത് 228 റണ്‍സ്. മറുപടി ബാറ്റിങ്ങില്‍ മഹാരാജാസിന് നിശ്ചിത ഓവറില്‍ ഏഴു വിക്കറ്റ് നഷ്ടത്തില്‍ 223 റണ്‍സെടുക്കാനേ സാധിച്ചുള്ളൂ.
ഇന്ത്യ മഹാരാജാസ് ക്യാപ്റ്റനായിരുന്ന യൂസഫ് പത്താന്റെ തകര്‍പ്പന്‍ ബാറ്റിങ് ആയിരുന്നു സെമി പോരാട്ടത്തിലെ ഹൈലൈറ്റ്. 22 പന്തുകളില്‍നിന്ന് താരം 45 റണ്‍സെടുത്തു. രണ്ടു ഫോറുകളും അഞ്ച് സിക്‌സും പറത്തിയായിരുന്നു യൂസഫ് പത്താന്റെ തകര്‍പ്പന്‍ പ്രകടനം.
— Sports Hustle (@SportsHustle3) January 27, 2022
മത്സരത്തിനിടെ ഓസ്‌ട്രേലിയയുടെ സൂപ്പര്‍ താരമായിരുന്ന ബ്രെറ്റ് ലീയുടെ ഓവറില്‍ യൂസഫ് പറത്തിയ സിക്‌സില്‍ പന്ത് ചെന്നുവീണത് 95 മീറ്റര്‍ അപ്പുറത്തായിരുന്നു. യൂസഫ് പത്താന്റെ ഈ പ്രകടനത്തില്‍ ഡഗ്ഔട്ടില്‍ ഇരിക്കുകയായിരുന്ന സഹോദരന്‍ ഇര്‍ഫാന്‍ എഴുന്നേറ്റു നൃത്തം ചെയ്യുന്ന വിഡിയോ വൈറലായി.
മത്സരത്തില്‍ ഇര്‍ഫാന്‍ പത്താനും മികച്ച ബാറ്റിങ് പ്രകടനമാണ് പുറത്തെടുത്തത്. ടൂര്‍ണമെന്റിലെ വേഗതയേറിയ അര്‍ധസെഞ്ചുറി നേട്ടം ഈ മത്സരത്തില്‍ ഇര്‍ഫാന്‍ സ്വന്തമാക്കി. 18 പന്തുകളില്‍നിന്നാണ് താരം 50 തികച്ചത്. 21 പന്തുകള്‍ നേരിട്ട ഇര്‍ഫാന്‍ 56 റണ്‍സെടുത്തു.