; )
ഇന്ത്യന്‍ പ്രീമിയര്‍ ലീഗിന്റെ പതിനാറാം സീസണിലെ ഏറ്റവും വാശിയേറിയ പോരാട്ടങ്ങളില്‍ ഒന്നായിരുന്നു മുംബൈ ഇന്ത്യന്‍സും റോയല്‍ ചലഞ്ചേഴ്സ് ബാംഗ്ലൂരും തമ്മില്‍ കഴിഞ്ഞ ദിവസം വാംഖഡെയില്‍ നടന്നത്. മത്സരത്തില്‍ ആവേശജയമാണ് മുംബൈ ഇന്ത്യന്‍സ് സ്വന്തമാക്കിയത്.
ആദ്യം ബാറ്റ് ചെയ്ത ആര്‍സിബി നായകന്‍ ഫാഫ് ഡുപ്ലസിസ്, ഓള്‍റൗണ്ടര്‍ ഗ്ലെന്‍ മാക്സ്വെല്‍ എന്നിവരുടെ മികവില്‍ 199 റണ്‍സെടുത്തപ്പോള്‍ മറുപടി ബാറ്റിംഗില്‍ 35 പന്തില്‍ 83 നേടിയ സൂര്യകുമാര്‍ യാദവ് മുംബൈക്ക് ആറ് വിക്കറ്റിന്റെ തകര്‍പ്പന്‍ ജയമൊരുക്കി.
ജയത്തിന് നേരിയ മാത്രം അകലെ സ്‌കൈ പുറത്തായെങ്കിലും താരത്തെ അനുമോദിച്ച ആര്‍സിബി സൂപ്പര്‍ താരം വിരാട് കോഹ്ലിയുടെ മാതൃക ക്രിക്കറ്റ് പ്രേമികള്‍ ആഘോഷിക്കുകയാണ്. മുംബൈ ഇന്ത്യന്‍സ് സ്‌കോര്‍ 15.4 ഓവറില്‍ 192 റണ്‍സില്‍ നില്‍ക്കുമ്പോഴാണ് സൂര്യകുമാര്‍ യാദവ് പുറത്തായത്. ഇതിനകം 35 പന്തില്‍ ഏഴ് ഫോറും ആറ് സിക്സറും സഹിതം സൂര്യ 83 റണ്ണടിച്ചിരുന്നു.
സൂര്യയുടെ ഏറ്റവും മികച്ച ഐപിഎല്‍ ഇന്നിംഗ്സുകളില്‍ ഒന്നായി ഇത്. പുറത്തായി ഡ്രസിംഗ് റൂമിലേക്ക് മടങ്ങുമ്പോള്‍ ഗംഭീര ഇന്നിംഗ്സിന് സൂര്യയെ ആലിംഗനം ചെയ്ത് പ്രശംസിക്കാന്‍ കോഹ്ലി മറന്നില്ല. നേരത്തെ ഈ ഐപിഎല്ലില്‍ നിരവധി വിവാദങ്ങളുണ്ടാക്കിയ കോഹ്ലിയുടെ പ്രവര്‍ത്തി ക്രിക്കറ്റ് ലോകത്തിന്റെ മനംകവര്‍ന്നിരിക്കുകയാണ്.
Beautiful moment of the day.
Virat Kohli 🤝 Suryakumar Yadav.@sachin_rt @imVkohli @SKY_14 @surya_14kumar @Mr360 #SuryakumarYadav pic.twitter.com/gjPY6gwIur— Vinay Yadav (@Vinay_Yadav_Sp) May 9, 2023