; )
വെല്ലിംഗ്ടണില്‍ നടന്ന രണ്ടാം ടെസ്റ്റില്‍ ശ്രീലങ്കയ്ക്കെതിരെ ന്യൂസിലന്‍ഡ് ആധിപത്യം തുടരുന്നു. കിവീസിന്റെ ഒന്നാം ഇന്നിംഗ്സ് സ്‌കോറായ നാലിന് 580 റണ്‍സിന് മറുപടിയായി ശ്രീലങ്ക, അവരുടെ ആദ്യ ഇന്നിംഗ്സില് 164 റണ്‍സിന് പുറത്തായി. ഇതോടെ ഫോളോ-ഓണ്‍ ചെയ്യാന്‍ നിര്‍ബന്ധിതരായ ലങ്ക മൂന്നാം ദിനം കളി നിര്‍ത്തുമ്പോള്‍ രണ്ടാം ഇന്നിംഗ്സില് രണ്ട് വിക്കറ്റ് നഷ്ടത്തില്‍ 113 റണ്‍സ് എന്ന നിലയിലാണ്.
ഇതോടെ എട്ട് വിക്കറ്റ് അവശേഷിക്കെ ഇന്നിംഗ്സ് തോല്‍വി ഒഴിവാക്കാന്‍ ശ്രീലങ്കയ്ക്ക് 303 റണ്‍സ് ഇനിയും വേണം.
ടോസ് നേടിയ ന്യൂസിലന്‍ഡ് ക്യാപ്റ്റന്‍ ടിം സൗത്തി ആദ്യം ബാറ്റിംഗ് തിരഞ്ഞെടുക്കുകയായിരുന്നു. ഓപ്പണര്‍മാരായ ടോം ലാഥമും ഡെവണ്‍ കോണ്‍വെയും ചേര്‍ന്ന് 87 റണ്‍സിന്റെ കൂട്ടുകെട്ടില്‍ ആതിഥേയരെ മികച്ച തുടക്കം നല്‍കിയതോടെ തീരുമാനം ശരിയായിരുന്നു. ലാഥം 21 റണ്‍സിന് വീണപ്പോള്‍, കെയ്ന്‍ വില്യംസണ്‍ ക്രീസില്‍ കോണ്‍വെയ്ക്കൊപ്പം ചേര്‍ന്നു, ഇരുവരും ബാറ്റിംഗില്‍ മികച്ച പ്രകടനം കാഴ്ചവച്ചു.
തന്റെ 24-ാം ടെസ്റ്റ് സെഞ്ചുറിയും ആറാം ഡബിള്‍ സെഞ്ചുറിയും നേടിയ വില്യംസണ്‍ 296 പന്തില്‍ 23 ഫോറും 2 സിക്‌സും ഉള്‍പ്പെടെ 215 റണ്‍സ് നേടി. 240 പന്തില്‍ 15 ബൗണ്ടറികളും 4 സിക്സറുകളും ഉള്‍പ്പെടെ പുറത്താകാതെ 200 റണ്‍സ് നേടി ഡബിള്‍ സെഞ്ച്വറി നേടിയ ഹെന്റി നിക്കോള്‍സ് അദ്ദേഹത്തിന് മികച്ച പിന്തുണ നല്‍കി. ശ്രീലങ്കന്‍ ബൗളര്‍മാരായ കസുന്‍ രജിതയും ധനഞ്ജയ ഡി സില്‍വയും രണ്ട് വിക്കറ്റ് വീതം വീഴ്ത്തിയെങ്കിലും ഫലമുണ്ടായില്ല.
മറുപടിയായി, ശ്രീലങ്കക്ക് വന്‍ തകര്‍ച്ചയായിരുന്നു. ഓഷാദ ഫെര്‍ണാണ്ടോയെ ആറ് റണ്‍സെടുത്ത് പെട്ടെന്ന് പുറത്തായി. എന്നാല്‍ ക്യാപ്റ്റന്‍ ദിമുത് കരുണരത്നെ 89 റണ്‍സ് എടുത്ത് പിടിച്ച് നിന്നെങ്കിലും മറ്റാരും പിന്തുണ കൊടുത്തില്ല. 37 റണ്‍സ് നേടിയ ദിനേശ് ചണ്ഡിമല്‍ മാത്രമാണ് പൊരുതിയ ഏക ശ്രീലങ്കന്‍ ബാറ്റ്‌സ്മാന്‍. ന്യൂസിലന്‍ഡ് ബൗളര്‍മാരായ മാറ്റ് ഹെന്റിയും മിച്ചല്‍ ബ്രേസ്വെല്ലും മൂന്ന് വിക്കറ്റ് വീതവും ടിം സൗത്തിയും ഡാരില്‍ മിച്ചലും ഓരോ വിക്കറ്റും വീഴ്ത്തി.
ഇതോടെ ശ്രീലങ്കയെ കിവീസ് ഫോളോ-ഓണിന് അയച്ചു. ഒന്നാം ഇന്നിംഗ്സില് നിന്ന് വ്യത്സത്മായി രണ്ടാം ഇന്നിംഗ്സില് ലങ്ക പെരുതുന്നുണ്ട്. മൂന്നാം ദിനം അവസാനിക്കുമ്പോള്‍ രണ്ടിന് 113 റണ്‍സ് എന്ന നിലയിലാണ് ശ്രീലങ്ക. 51 റണ്‍സെടുത്ത കരുണരത്നെ പുറത്താപ്പോള്‍ 50 റണ്‍സുമായി കുശാല്‍ മെന്‍ഡിസ് ക്രീസിലുണ്ട്.
നാലാം ദിവസം ന്യൂസിലന്‍ഡ് മത്സരം വേഗത്തില്‍ അവസാനിപ്പിക്കാന്‍ നോക്കും, അതേസമയം സമനില നേടാനാകും ശ്രീലങ്കയുടെ ശ്രമം.