1983 സിനിമിയില് അനുപ് മേനോന്റെ കഥാപാത്രം പറയുന്ന ഒരു സിനിമ ഡയലോഗ് ക്രിക്കറ്റ് പ്രേമികള്ക്ക് മറക്കാനാകാത്ത ഒന്നായിരുന്നല്ലോ. ‘സച്ചിന് എഴുപതാം വയസ്സില് കളിക്കാന് പോകുന്ന സ്ട്രൈയ്റ്റ് ഡ്രൈവ് നീയൊക്കെ നിന്റെ ആയകാലത്ത് കളിച്ചിട്ടുണ്ടോ?’
ആ ചോദ്യം വെറുമൊരു സിനിമ ഡയലോഗല്ലെന്ന് ഓര്മിപ്പിക്കുകയാണ് റോഡ് സേഫ്റ്റി സിരീസില് ഇന്ത്യ ലെജന്ഡ്സ് ക്യാപ്റ്റന് കൂടിയായ 49കാരനായ സച്ചിന് ടെന്ഡുല്ക്കറുടെ പ്രകടനം.
Backfoot punch by Sachin Tendulkar at the age of 49 years. Looks like he is still 23 yrs old guy.pic.twitter.com/InowLP9xIO
— Farrago Abdullah (@abdullah_0mar) September 19, 2022
മഴമൂലം ഉപേക്ഷിക്കപെട്ട മത്സരത്തില് 13 പന്തില് പുറത്താകാതെ 19 റണ്സാണ് സച്ചിന് നേടിയത്. നാല് മനോഹരമായ ബൗണ്ടറികളും ഈ ഹ്രസ്യ ഇന്നിംഗ്സില് സച്ചിന് കുറിച്ചിരുന്നു. ബൗണ്ടറി നേടാന് സച്ചിന് ഉപയോഗിച്ച ഷോട്ടുകള് ആ സിനിമ ഡയലോഗ് മനസ്സിലേക്ക് എത്തിക്കുന്ന വിധത്തിലായിരുന്നു.
തന്റെ പ്രതാഭകാലത്തെ പോലെ തന്നെ ലാപ് ഷോട്ടും സ്ട്രൈറ്റ് ഡ്രൈവുകളുമെല്ലാമായി സച്ചിന് ആറാടുകയായിരുന്നു. മത്സരത്തിലെ സച്ചിന്റെ ഈ ഷോട്ടുകള് സോഷ്യല് മീഡിയയും ഏറ്റെടുത്തു. സെപ്റ്റംബര് 22 ന് ഇംഗ്ലണ്ട് ലെജന്ഡ്സിനെതിരെയാണ് ഇന്ത്യ ലെജന്ഡ്സിന്റെ അടുത്ത മത്സരം.
Show a Beautiful Sight @sachin_rt ❤
#RoadSafetyWorldSeries pic.twitter.com/FQ2s3pPmU1
— Rana Shahroz || (@Shehroz_06) September 19, 2022
വിരമിച്ച കളിക്കാരുടെ ടൂര്ണമെന്റാണ് റോഡ് സേഫ്റ്റി സിരിയസ്. ആറോളം രാജ്യങ്ങളിലെ ഇതിഹാസ താരങ്ങളാണ് ടൂര്ണമെന്റില് നേര്ക്കുനേര് ഏറ്റുമുട്ടുന്നത്.