പിഎസ്ജിയും ലില്ലെയും തമ്മിൽ ഇന്നലെ ഫ്രഞ്ച് ലീഗ് മത്സരത്തിൽ രണ്ടു ഗോളുകൾ നേടിയത് കിലിയൻ എംബാപ്പെ ആയിരുന്നെങ്കിലും മത്സരത്തിനു ശേഷം താരമായത് ലയണൽ മെസിയാണ്. ഒരു ഘട്ടത്തിൽ പരാജയമേറ്റു വാങ്ങുന്നതിന്റെ അരികിൽ എത്തിയെങ്കിലും മൂന്നിനെതിരെ നാല് ഗോളുകൾക്ക് പിഎസ്ജി മത്സരത്തിൽ വിജയം നേടിയിരുന്നു. അവസാന മിനിറ്റുകളിൽ ലയണൽ മെസി നേടിയ ഫ്രീകിക്ക് ഗോളാണ് മത്സരത്തിൽ പിഎസ്ജിക്ക് വിജയം സമ്മാനിച്ചത്.
മത്സരത്തിന്റെ ഇഞ്ചുറി ടൈമിലാണ് ലയണൽ മെസിയുടെ മനോഹരമായ ഫ്രീ കിക്ക് ഗോൾ പിറന്നത്. മികച്ചൊരു ഡിഫെൻസിവ് വാൾ ഒരുക്കിയിരുന്നെങ്കിലും ചെറിയൊരു വിടവ് മുതലെടുത്ത് മെസിയുതിർത്ത കിക്ക് പോസ്റ്റിൽ തട്ടിയതിനു ശേഷം വലക്കുള്ളിലേക്ക് കയറുകയായിരുന്നു. തോൽവിയിൽ നിന്നും പൊരുതി വിജയം നേടിയ പിഎസ്ജിക്കായി ലയണൽ മെസി നേടിയ ഗോളിനെ വളരെ വൈകാരികമായാണ് പിഎസ്ജി താരങ്ങൾ ആഘോഷിച്ചത്.
❗️🗣️ Sergio Ramos: "I'm not surprised anymore, Messi since Barça is used to deciding games like he did today. I'm glad he's on MY team now." [amazon prime]
— mx ⭐️⭐️⭐️ (@MessiMX30iiii) February 19, 2023
പിഎസ്ജി ടീമിലും ബെഞ്ചിലുമുണ്ടായിരുന്ന താരങ്ങൾക്കൊപ്പം പരിശീലകൻ ക്രിസ്റ്റഫെ ഗാൾട്ടിയറും ഗോളാഘോഷിക്കാൻ വന്നത് കൗതുകകരമായ കാര്യമായിരുന്നു. മത്സരത്തിന്റെ ഫൈനൽ വിസിൽ മുഴങ്ങിയതിനു ശേഷം സെർജിയോ റാമോസ് മെസിയുടെ അടുത്തെത്തി വീണ്ടും താരത്തെ ആലിംഗനം ചെയ്ത് എടുത്തു പൊക്കിയത് ആരാധകർക്ക് കൂടുതൽ ആവേശം നൽകിയ കാഴ്ചയായി. മെസിയുടെ ഗോളിനെക്കുറിച്ച് താരം സംസാരിക്കുകയും ചെയ്തു.
“ലയണൽ മെസിയുടെ ഗോൾ എനിക്ക് ആശ്ചര്യമൊന്നും നൽകിയില്ല. ബാഴ്സലോണയിൽ ഉണ്ടായിരുന്ന സമയത്ത് ഇന്ന് ചെയ്തതു പോലെ താരം മത്സരങ്ങളുടെ ഗതി സ്വയം തീരുമാനിക്കുന്നത് സ്വാഭാവികമായിരുന്നു. ഇപ്പോൾ താരം എന്റെ ടീമിലാണെന്നതിൽ എനിക്ക് വളരെ സന്തോഷമുണ്ട്.” സെർജിയോ റാമോസ് പറഞ്ഞു.
Look at how happy Ramos is man, Messi really changed him 😭pic.twitter.com/C3xlXxtutD
— Messiah🐐🇦🇷 (@Messiah__SZN) February 19, 2023
ബാഴ്സലോണ, റയൽ മാഡ്രിഡ് ടീമിൽ എതിരാളികളായിരുന്നെങ്കിലും പിഎസ്ജിയിൽ എത്തിയതിനു ശേഷം റാമോസും മെസിയും വളരെയധികം അടുത്തിട്ടുണ്ട്. ഇന്നലെ മെസി ഫ്രീ കിക്ക് ഗോൾ നേടിയതിനു ശേഷം റാമോസ് ആഘോഷിച്ച രീതി തന്നെ അതിന്റെ തെളിവാണ്. ആരാധകർക്കും ഇരുവരുടെയും അടുപ്പം വളരെ സന്തോഷം നൽകുന്നുണ്ട്.