ജനുവരി ട്രാൻസ്ഫർ ജാലകം തുറന്നതോടെ തുടങ്ങിയ എംബാപ്പെ ട്രാൻസ്ഫർ അഭ്യൂഹങ്ങൾ പുതിയൊരു ട്വിസ്റ്റിലെത്തിയത് കഴിഞ്ഞ ദിവസങ്ങളിലായിരുന്നു. റയൽ മാഡ്രിഡ് മുന്നോട്ടു വെച്ച ഓഫർ താരം ആദ്യം തള്ളിയെന്നും പിന്നീടത് സ്വീകരിച്ചുവെന്നും റിപ്പോർട്ടുകൾ വ്യക്തമാക്കി. ഇതോടെ എംബാപ്പെ അടുത്ത സീസണിൽ റയൽ മാഡ്രിഡിൽ തന്നെ കളിക്കുമെന്ന് ഏവരും ഉറപ്പിച്ചു.
എന്നാൽ കഴിഞ്ഞ ദിവസം എംബാപ്പയുടെ പ്രതിനിധികൾ ഇതുമായി ബന്ധപ്പെട്ടു നടത്തിയ പ്രതികരണം ഈ അഭ്യൂഹങ്ങൾ പൂർണമായും തള്ളിക്കളയുന്ന ഒന്നായിരുന്നു. എംബാപ്പെ റയൽ മാഡ്രിഡിലേക്ക് ചേക്കേറാൻ കരാറിലെത്തിയെന്ന വാർത്തയിൽ യാതൊരു വസ്തുതയുമില്ലെന്നും അത് തെറ്റാണെന്നും അവർ വ്യക്തമാക്കി. അതിനു പുറമെ എംബാപ്പെ ഒരു ക്ലബുമായും ചർച്ചകൾ നടത്തിയിട്ടില്ലെന്നും അവർ പറഞ്ഞു.
🚨🇫🇷 Kylian Mbappé’s camp statement.
“There’s NO agreement on Kylian future. There have been no discussions about his future”.
“No type of influence could dictate the timing of Kylian's discussions, reflections, decisions”.@rmcsport @fabricehawkins 📥 pic.twitter.com/5hhweuxT9M
— Fabrizio Romano (@FabrizioRomano) January 8, 2024
ഈ പ്രതികരണം റയൽ മാഡ്രിഡ് ആരാധകരെ നിരാശരാക്കുന്ന ഒന്നാണ്. ഒരുപാട് തവണ താരത്തെ സ്വന്തമാക്കാൻ ശ്രമിച്ച് അതിനു കഴിയാതെ വന്ന ക്ലബാണ് റയൽ മാഡ്രിഡ്. ഇത്തവണയും അതുണ്ടായാൽ അവർക്കത് വലിയ നാണക്കേട് തന്നെയാണ്. മാത്രമല്ല, എംബാപ്പെ കൂടിയെത്തിയാൽ അടുത്ത സീസണിൽ റയൽ മാഡ്രിഡിനെ തകർക്കാൻ ആർക്കും കഴിയില്ലെന്നുറപ്പാണ്.
എംബാപ്പയുടെ ഈ വെളിപ്പെടുത്തൽ പിഎസ്ജിക്ക് പ്രതീക്ഷ നൽകുന്നതാണ്. താരവുമായി കരാർ പുതുക്കാനുള്ള ചർച്ചകൾ അവർക്ക് മുന്നോട്ടു കൊണ്ടുപോകാം. അതേസമയം റയൽ മാഡ്രിഡ് മാത്രമല്ല പിഎസ്ജിക്കു മുന്നിൽ ഭീഷണിയായി നിൽക്കുന്നത്. റിപ്പോർട്ടുകൾ പ്രകാരം ഇംഗ്ലീഷ് പ്രീമിയർ ലീഗ് ക്ലബായ ലിവർപൂളും താരത്തിന് വേണ്ടി സജീവമായിത്തന്നെ രംഗത്തുണ്ട്.