ഐപിഎല്ലില്‍ പഞ്ചാബ് കിംഗ്‌സിനെതിരെ വിജയവുമായി ഗുജറാത്ത് ടൈറ്റന്‍സ്. മൂന്ന് വിക്കറ്റിനാണ് പഞ്ചാബ് കിംഗ്‌സിനനെ ഗുജറാത്ത് ടൈറ്റന്‍സിനെ തകര്‍ത്തത്. പഞ്ചാബ് കിംഗ്‌സ് ഉയര്‍ത്തിയ 143 റണ്‍സ് വിജയലക്ഷ്യം ഗുജറാത്ത് ടൈറ്റന്്#സ് 19.1 ഓവറില്‍ ഏഴ് വിക്കറ്റ് നഷ്ടത്തില്‍ ഗുജറാത്ത് ടൈറ്റന്‍സ് മറികടക്കുകയായിരുന്നു.

ഒരു ഘട്ടത്തില്‍ പഞ്ചാബ് വിജയ പ്രതീക്ഷ പുലര്‍ത്തിയെങ്കിലും 18 പന്തില്‍ ഏഴ് ഫോറടക്കം പുറത്താകാതെ 36 റണ്‍സെടുത്ത രാഹുല്‍ തെവാത്തിയ ഗുജറാത്തിന് ജയം എളുപ്പമാക്കി. ക്യാപ്റ്റന്‍ ശുഭ്മാന്‍ ഗില്‍ 29 പന്തില്‍ അഞ്ച് ഫോറടക്കം 35ഉം സായ് സുദര്‍ശന്‍ 34 പന്തില്‍ മൂന്ന് ഫോറടക്കം 31 റണ്‍സും സ്വന്തമാക്കി.

പഞ്ചാബിനായി ഹര്‍ഷല്‍ പട്ടേല്‍ മൂന്ന് ഓവറില്‍ 15 റണ്‍സ് മാത്രം വഴങ്ങി മൂന്ന് വിക്കറ്റ് വീഴ്ത്തി. ലിയാം ലിവിംഗ്സ്റ്റണ്‍ രണ്ടും അര്‍ഷദീപ് സിംഗും സാം കുറണും ഓരോ വിക്കറ്റ് വീതം സ്വന്തമാക്കി.

നേരത്തെ ടോസ് നേടി ആദ്യം ബാറ്റ് ചെയ്ത പഞ്ചാബിനായി പ്രഭ്‌സിമ്രാന്‍ സിംഗ് ആണ് ടോപ് സ്‌കോററായത്. 21 പന്തില്‍ മൂന്ന് ഫോറും മൂന്ന് സിക്‌സും സഹിതം 35 റണ്‍സാണ് പ്രഭ്‌സിമ്രാന്‍ നേടിയത്. ഹര്‍പ്രീത് സിംഗ് 12 പന്തില്‍ നാല് ഫോറും ഒരു സിക്‌സും സഹിതം 29 റണ്‍സും നേടി.

ഗുജറാത്തിനായി സായ് കിഷോര്‍ നാല് ഓവറില്‍ 33 റണ്‍സ് വഴങ്ങി നാല് വിക്കറ്റ് വീഴ്ത്തി. നൂര്‍ അഹമ്മദും മൊഹിത്ത് ശര്‍മ്മയും രണ്ട് വിക്കറ്റ് വീതം വീഴ്ത്തിയപ്പോള്‍ റാഷിദ് ഖാന്‍ ഒരു വിക്കറ്റും സ്വന്തമാക്കി.