; )
ഇംഗ്ലീഷ് പ്രീമിയർ ലീഗിൽ ആധിപത്യം വീണ്ടെടുക്കാനുള്ള ശ്രമം നടത്തുന്ന ന്യൂകാസിൽ യുണൈറ്റഡ് അതിനു വളരെ കൃത്യമായാണ് മുന്നോട്ടു പോകുന്നത്. സൗദി പബ്ലിക്ക് ഇൻവെസ്റ്റ്‌മെന്റ് ഫണ്ട് ഏറ്റെടുത്തതിനു ശേഷം ലോകത്തിലെ തന്നെ ഏറ്റവും പണമുള്ള ക്ലബായി മാറിയ ന്യൂകാസിൽ കഴിഞ്ഞ സീസൺ പകുതിയാകുമ്പോൾ അവസാന സ്ഥാനങ്ങളിൽ ആയിരുന്നെങ്കിൽ ഈ സീസണിൽ ടോപ് ഫോറിലാണ് നിൽക്കുന്നത്.
ചാമ്പ്യൻസ് ലീഗ് യോഗ്യത ടോട്ടനത്തെ തകർത്തെറിഞ്ഞ് ന്യൂകാസിൽ ഒന്നുകൂടി ഉറപ്പിച്ചിട്ടുണ്ട്. ഈ സീസണിൽ ചാമ്പ്യൻസ് ലീഗ് യോഗ്യത നേടിയാൽ അടുത്ത സീസണിൽ കൂടുതൽ മികച്ച താരങ്ങളെ എത്തിച്ച് ടീമിനെ വീണ്ടും മെച്ചപ്പെടുത്താനുള്ള ശ്രമങ്ങൾ ന്യൂകാസിൽ നടത്തുമെന്നുറപ്പാണ്. സമ്മർ ജാലകത്തിലെ ഏറ്റവും വലിയ ട്രാൻസ്‌ഫർ ലക്ഷ്യത്തേയും അവർ തീരുമാനിച്ചിട്ടുണ്ട്.
🚨 Newcastle are planning to bring Barcelona winger Raphinha back to the Premier League. 🇧🇷
They also want to sign Fenerbahçe duo Arda Guler and Ferdi Kadioglu. 🇹🇷
(Source: Daily Mirror) pic.twitter.com/XVdToJ7mKc
— Transfer News Live (@DeadlineDayLive) April 25, 2023
ബാഴ്‌സലോണയ്ക്ക് വേണ്ടി കളിക്കുന്ന ബ്രസീലിയൻ മുന്നേറ്റനിര താരമായ റാഫിന്യയാണ് ന്യൂകാസിൽ യുണൈറ്റഡിന്റെ പ്രധാന ലക്‌ഷ്യം. കഴിഞ്ഞ സമ്മറിൽ തന്നെ താരത്തെ സ്വന്തമാക്കാൻ ന്യൂകാസിൽ ശ്രമം നടത്തിയിരുന്നെങ്കിലും റാഫിന്യ ബാഴ്‌സലോണയെ തിരഞ്ഞെടുത്തു. സാവിയുടെ പദ്ധതികളിൽ പ്രധാനിയായി മാറാൻ കഴിഞ്ഞ താരം ഈ സീസണിൽ പതിനെട്ടു ഗോളുകളിൽ പങ്കാളിയായിട്ടുണ്ട്.
ലോകകപ്പിന് ശേഷം ഗംഭീര ഫോമിൽ കളിക്കുന്ന റാഫിന്യയെ വിൽക്കാൻ ബാഴ്‌സലോണയ്ക്ക് താൽപര്യമില്ലെങ്കിലും ടീമിന്റെ സാമ്പത്തിക പ്രതിസന്ധി കാരണം അവരതിന് മുതിരുമെന്നു റിപ്പോർട്ടുകളുണ്ട്. പ്രീമിയർ ലീഗിലെ ക്ലബുകൾക്ക് താരത്തെ വിറ്റാൽ വലിയ തുക ലഭിക്കുമെന്നതിലും ബാഴ്‌സക്ക് കണ്ണുണ്ട്. ലീഡ്‌സ് യുണൈറ്റഡിൽ മുൻപ് കളിച്ചിട്ടുള്ള റാഫിന്യക്ക് പ്രീമിയർ ലീഗിൽ വളരെയധികം പരിചയസമ്പത്തുണ്ട്.