ഇംഗ്ലണ്ട് ഏകദിന, ടി20 ടീമുകളുടെ ക്യാപ്റ്റനായി മുതിര്ന്ന താരം ജോസ് ബട്ലറെ തെരഞ്ഞെടുത്തു. കഴിഞ്ഞ ദിവസം അന്താരാഷ്ട്ര ക്രിക്കറ്റില് നിന്നും വിരമിച്ച ഓയിന് മോര്ഗന് പകരക്കാരനായാണ് ബട്ലര് ഇംഗ്ലണ്ടിന്റെ പരിമിത ഓവര് ക്രിക്കറ്റിന്റെ നായകനാകുന്നത്. നേരത്തെ ടെസ്റ്റ് ടീമിന്റെ നായകനായി ജോ റൂട്ടിന് പകരം ബെന് സ്റ്റോക്സിനേയും തെരഞ്ഞെടുത്തിരുന്നു.
ഇന്ത്യക്കെതിരായ ടെസ്റ്റിനുശേഷം ജൂലൈ ഏഴിന് തുടങ്ങഉന്ന ടി20 പരമ്പരയിലെ ആദ്യ മത്സരത്തില് ബട്ലര് നായകനായി അരങ്ങേറും. മോര്ഗന് കീഴില് വൈസ് ക്യാപ്റ്റനായിരുന്നു ബട്ലര്.
മോര്ഗനില് നിന്ന് ക്യാപ്റ്റന് സ്ഥാനം ഏറ്റെടുക്കുന്നത് ആദരമായി കാണുന്നുവെന്ന് ബട്ലര് പറഞ്ഞു. മോര്ഗന് കീഴില് കളിച്ചപ്പോള് ഒരുപാട് കാര്യങ്ങള് പഠിക്കാനായെന്നും കളിക്കാര പ്രചോദിപ്പിക്കുന്ന നായകനായിരുന്നു മോര്ഗനെന്നും ബട്ലര് പ്രതികരിച്ചു.
ഔദ്യോഗികമായി നാകനാവുന്നതിന് മുമ്പ് ഒമ്പത് ഏകദിനങ്ങളിലും അഞ്ച് ടി20 മത്സരങ്ങളിലും ഇംഗ്ലണ്ടിനെ ബട്ലര് നയിച്ചിട്ടുണ്ട്. ഈ വര്ഷം അവസാനം ഓസ്ട്രേലിയയില് നടക്കുന്ന ടി20 ലോകകപ്പാവും 31കാരനായ ബട്ലര്ക്ക് മുന്നിലെ പ്രധാന വെല്ലുവിളി. അടുത്ത വര്ഷം ഇന്ത്യയില് നടക്കുന്ന ഏകദിന ലോകകപ്പില് ഇംഗ്ലണ്ടിന്റെ കിരീടം നിലനിര്ത്തുകയെന്നതും ബട്ലറുടെ ലക്ഷ്യമാണ്.
The wins. The losses. The lessons.
They've all led you here…
Now is your time, @josbuttler 💪 pic.twitter.com/yFFHz2F0L4
— England Cricket (@englandcricket) June 30, 2022