; )
ഇന്ത്യൻ സൂപ്പർ ലീഗിൽ കഴിഞ്ഞ ദിവസം നടന്ന മത്സരത്തിൽ നേടിയ വിജയത്തിന്റെ മുഴുവൻ ക്രെഡിറ്റും ടീമിലെ താരങ്ങൾക്ക് നൽകി ബ്ലാസ്റ്റേഴ്‌സ് പരിശീലകനായ ഇവാൻ വുകോമനോവിച്ച്. പതിനേഴാം മിനുട്ടിൽ തന്നെ രണ്ടു ഗോളുകൾക്ക് പിന്നിലായതിനു ശേഷം രണ്ടാം പകുതിയിൽ നാല് ഗോളുകൾ തിരിച്ചടിച്ചാണ് ബ്ലാസ്റ്റേഴ്‌സ് ഐതിഹാസികമായ വിജയം സ്വന്തം മൈതാനത്ത് നേടിയത്.
“മത്സരത്തിൽ വിജയം നേടാനുള്ള ആഗ്രഹവും അതിനുള്ള സ്വഭാവവും ബ്ലാസ്റ്റേഴ്‌സ് താരങ്ങൾ കാണിച്ചു, വിജയത്തിന്റെ മുഴുവൻ ക്രെഡിറ്റും അവർക്ക് മാത്രമാണ്. അവരുടെയും ആരാധകരുടെയും കാര്യത്തിൽ ഞാൻ വളരെയധികം സന്തോഷത്തിലാണ്.” മത്സരത്തിന് ശേഷം മാധ്യമങ്ങളോട് സംസാരിക്കുമ്പോൾ ഇവാൻ വുകോമനോവിച്ച് പ്രതികരിച്ചു.
Ivan Vukomanović 🗣️ “Full credits to the players today, they showed good character and the intent to win. Very happy for the boys and fans.” @90ndstoppage #KBFC pic.twitter.com/H6SvZZNzhp
— KBFC XTRA (@kbfcxtra) February 25, 2024
അതേസമയം മതിമറന്ന് ആഘോഷിക്കാനുള്ള സമയമായിട്ടില്ലെന്ന് ഇവാൻ വുകോമനോവിച്ച് ഓർമപ്പെടുത്തി. ഇനിയുള്ള ആറു മത്സരങ്ങൾ ആറു പ്രധാന ചുവടുകളാണെന്നും അവ ശ്രദ്ധയോടെ വെച്ച് മുന്നോട്ടു പോകേണ്ടത് അനിവാര്യമാണെന്നും ഇവാൻ പറഞ്ഞു. നിലവിൽ ബ്ലാസ്റ്റേഴ്‌സ് എവിടെയും എത്തിയിട്ടില്ലെന്നും കൂടുതൽ ശ്രദ്ധ പുലർത്തേണ്ടത് അനിവാര്യമാണെന്നും അദ്ദേഹം ഓർമിപ്പിച്ചു.
ഇന്നലത്തെ മത്സരത്തിൽ ഡൈസുകെയാണ് കേരള ബ്ലാസ്റ്റേഴ്‌സ് ടീമിന്റെ തിരിച്ചുവരവിന് തുടക്കമിട്ടത്. അതിനു ശേഷം ദിമിത്രിയോസിന്റെ ഇരട്ടഗോളുകളും ഫെഡോർ സെർണിച്ച് നേടിയ മനോഹരമായ ഗോളും ടീമിന് വിജയം നേടിക്കൊടുത്തു. ഈ വിജയത്തോടെ ആരാധകർക്ക് ടീമിലുള്ള പ്രതീക്ഷ വർധിച്ചുവെന്ന കാര്യത്തിൽ സംശയമില്ല.