അർജന്റീന ദേശീയ ടീമിന്റെ ഹീറോയായ എമിലിയാനോ മാർട്ടിനസ് ഈ അവർക്കൊപ്പം സാധ്യമായ എല്ലാ കിരീടങ്ങളും സ്വന്തമാക്കിയിട്ടുണ്ട്. എന്നാൽ ക്ലബ് തലത്തിൽ വലിയ നേട്ടങ്ങളൊന്നും താരത്തിനില്ല. ആഴ്‌സണൽ വിട്ട എമിലിയാനോ കുറച്ചു വർഷങ്ങളായി ആസ്റ്റൺ വില്ലക്ക് വേണ്ടിയാണ് കളിക്കുന്നത് എന്നതിനാലാണ് വലിയ നേട്ടങ്ങളൊന്നും സ്വന്തമാക്കാൻ താരത്തിന് കഴിയാതിരുന്നത്.

യൂറോപ്യൻ ടൂർണമെന്റിൽ കളിക്കണമെന്നും കിരീടം സ്വന്തമാക്കണമെന്നുമുള്ള ആഗ്രഹം എമിലിയാനോ മാർട്ടിനസ് പലപ്പോഴും വ്യക്തമാക്കിയിട്ടുണ്ട്. ഇപ്പോൾ അതിനു താരത്തിന് വലിയൊരു അവസരമാണ് ലഭിച്ചിരിക്കുന്നത്. കഴിഞ്ഞ സീസണിൽ ചാമ്പ്യൻസ് ലീഗ് ഫൈനൽ കളിച്ച ഇറ്റാലിയൻ ക്ലബായ ഇന്റർ മിലാൻ താരത്തെ സ്വന്തമാക്കാനുള്ള നീക്കങ്ങൾ ആരംഭിച്ചിട്ടുണ്ട്.

(🌕) BREAKING: Inter Milan have made a €15M offer to Aston Villa for Emiliano Martinez and it was straightly rejected by Aston Villa. Italian club are planning to make another higher proposal, talks are also taking place on player side. @gastonedul 🚨🔵⚫️ pic.twitter.com/VoPwMlfNPL

— Sports Status (@sportsstatus24) July 24, 2023

ഇന്റർ മിലാൻ കഴിഞ്ഞ സീസണിൽ മികച്ച പ്രകടനം നടത്തുന്നതിൽ നിർണായക പങ്കു വഹിച്ച ഗോൾകീപ്പർ ആന്ദ്രേ ഒനാന ക്ലബ് വിട്ടു മാഞ്ചസ്റ്റർ യുണൈറ്റഡിലേക്ക് ചേക്കേറിയിരുന്നു. അതിനു പകരക്കാരനായി മികച്ചൊരു ഗോൾകീപ്പർക്കായി അവർ നടത്തുന്ന അന്വേഷണമാണ് എമിലിയാനോ മാർട്ടിനസിലേക്ക് എത്തിയത്. താരത്തിനായി പതിനഞ്ചു മില്യൺ യൂറോ അവർ ഓഫർ ചെയ്യുകയും ചെയ്‌തു.

എന്നാൽ ഇന്റർ മിലാന്റെ ഓഫർ ആസ്റ്റൺ വില്ല തഴഞ്ഞുവെന്നാണ് റിപ്പോർട്ടുകൾ വ്യക്തമാക്കുന്നത്. ലോകകപ്പും ഫിഫ ബെസ്റ്റും സ്വന്തമാക്കിയ താരത്തിനായി കൂടുതൽ മികച്ച ഓഫറാണ് വില്ല പ്രതീക്ഷിക്കുന്നത്. ഇന്റർ മിലാൻ അതിനുള്ള നീക്കങ്ങൾ ആരംഭിക്കുകയും ചെയ്‌തിട്ടുണ്ട്. ട്രാൻസ്‌ഫർ നടന്നാൽ തന്റെ സ്വപ്‌നങ്ങൾ സാക്ഷാത്കരിക്കാനുള്ള അവസരമാണ് എമിലിയാനോക്ക് ലഭിക്കുക.