സാഫ് ചാമ്പ്യൻഷിപ്പിന്റെ ഫൈനലിൽ കുവൈറ്റിന്റെ വെല്ലുവിളിയെ മറികടന്ന് ഇന്ത്യയാണ് കിരീടം സ്വന്തമാക്കിയത്. നിശ്ചിത സമയത്തും അധികസമയത്തും രണ്ടു ടീമുകളും ഓരോ ഗോൾ നേടി സമനിലയിൽ പിരിഞ്ഞ മത്സരത്തിൽ പെനാൽറ്റി ഷൂട്ടൗട്ടിലാണ് ഇന്ത്യ വിജയം നേടിയത്. സെമി ഫൈനലിലും ഫൈനലിലും ഇന്ത്യയുടെ രക്ഷകനായത് ഗോൾകീപ്പർ ഗുർപ്രീത് ആയിരുന്നു.
സാഫ് ചാമ്പ്യൻഷിപ്പ് വിജയത്തോടെ ഈ വർഷം പിറന്നതിനു ശേഷം മൂന്നാമത്തെ കിരീടമാണ് ഇന്ത്യൻ ഫുട്ബോൾ ടീം നേടുന്നത്. ഇന്ത്യൻ ടീം ആദ്യം നേടിയ ത്രിരാഷ്ട്ര സീരീസ് ആയിരുന്നു. കിർഗിസ്ഥാൻ, മ്യാൻമർ തുടങ്ങിയ രാജ്യങ്ങൾക്കെതിരെ കളിച്ച ടൂർണമെന്റ് മാർച്ചിലാണ് നടന്നത്. മ്യാൻമറിനെ തോൽപ്പിച്ച് ഇന്ത്യ കിരീടം സ്വന്തമാക്കി.
Hero Tri-Nation Tournament ☑️
SAFF Championship ☑️
Hero Intercontinental Cup ☑️The Blue Tigers have completed a treble of championship in 2023 🤩🇮🇳 pic.twitter.com/oohqv7a0pg
— 90ndstoppage (@90ndstoppage) July 4, 2023
അതിനു ശേഷം കഴിഞ്ഞ മാസം നടന്ന ഹീറോ ഇന്റർകോണ്ടിനെന്റൽ കപ്പിലും ഇന്ത്യ കിരീടം നേടി. ലെബനൻ, വനൗട്ട്, മംഗോളിയ ടീമുകൾ കളിച്ച ടൂർണമെന്റിൽ ലെബനനെ കീഴടക്കിയാണ് ഇന്ത്യ കിരീടം നേടിയത്. അതിനു പുറമെയാണ് ലെബനൻ, കുവൈറ്റ് എന്നീ ടീമുകളുടെ വെല്ലുവിളി മറികടന്ന് ഇന്ത്യ സാഫ് ചാമ്പ്യൻഷിപ്പും സ്വന്തമാക്കിയത്.
ഇന്ത്യൻ ഫുട്ബോൾ വലിയ മുന്നേറ്റമാണുണ്ടാക്കുന്നതെന്ന് ഇതിൽ നിന്നും വ്യക്തമാണ്. ചില ടൂർണമെന്റുകളിൽ എതിരാളികൾ ദുർബലരാണെങ്കിലും ലെബനൻ, കുവൈറ്റ് എന്നീ ടീമുകൾ ഇന്ത്യക്കൊപ്പമോ ഇന്ത്യയെക്കാളോ കറുത്ത് കാണിക്കുന്നവരാണ്. എന്തായാലും ആരാധകർക്ക് വലിയ പ്രതീക്ഷ നൽകുന്ന പ്രകടനം തന്നെയാണ് ഇന്ത്യ കാഴ്ച വെക്കുന്നതെന്ന കാര്യത്തിൽ സംശയമില്ല.