ടി20 ലോകകപ്പില്‍ ദക്ഷിണാഫ്രിക്കയ്‌ക്കെതിരെ ഇന്ത്യ ആദ്യം ബാറ്റ് ചെയ്യും. ടോസ് നേടിയ ഇന്ത്യന്‍ നായകന്‍ രോഹിത്ത് ശര്‍മ്മ ബാറ്റിംഗ് തെരഞ്ഞെടുക്കുകയായിരുന്നു. സെമി ഫൈനല്‍ ഉറപ്പിക്കാന്‍ വിജയം ലക്ഷ്യമാക്കിയാണ് ഇന്ത്യ ഇറങ്ങുന്നത്. പെര്‍ത്ത് സ്റ്റേഡിയത്തിലാണ് മത്സരം.

ഇന്ത്യ മത്സരം ജയിക്കേണ്ടത് ഇന്ത്യയേക്കാള്‍ കൂടുതല്‍ ആവശ്യം പാകിസ്ഥാനും ബംഗ്ലാദേശിനുമാണ്. ഇരുടീമുകളും ഇന്ത്യയുടെ ജയത്തിനായാണ് പ്രാര്‍ത്ഥിക്കുന്നത്.

അതെസമയം നിര്‍ണ്ണായഒരു മാറ്റവുമായാണ് ഇന്ത്യ ഇറങ്ങുന്നത്. അക്‌സര്‍ പട്ടേലിന് പകരം ദീപക് ഹൂഡ ബൗളിംഗ് ഓള്‍റൗണ്ടറായി ഇന്ത്യന്‍ ടീമില്‍ ഇടംപിടിച്ചു. ഇതോടെ ഇടംകൈയ്യന്‍ ബാറ്റ്‌സ്മാന്‍മാര്‍ ഇല്ലാതെയാണ് ഇന്ത്യ കളിക്കാന്‍ ഇറങ്ങുന്നത്.

ബൗണ്‍സും പേസര്‍മാര്‍ക്ക് മൂവ്‌മെന്റും ലഭിക്കുന്ന പിച്ചാണ് പെര്‍ത്തിലേത് എന്നാണ് റിപ്പോര്‍ട്ട്. മത്സരത്തിന് മഴ ഭീഷണികളില്ല. ലോകകപ്പില്‍ മുമ്പ് അഞ്ച് തവണ നേര്‍ക്കുനേര്‍ വന്നപ്പോള്‍ നാലിലും ജയം ഇന്ത്യക്കായിരുന്നു. ഒരു തവണ ദക്ഷിണാഫ്രിക്ക വിജയിച്ചു.

ഇന്ത്യന്‍ ഇലവന്‍: Rohit Sharma(c), KL Rahul, Virat Kohli, Suryakumar Yadav, Deepak Hooda, Hardik Pandya, Dinesh Karthik(w), Ravichandran Ashwin, Bhuvneshwar Kumar, Mohammed Shami, Arshdeep Singh

ദക്ഷിണാഫ്രിക്കന്‍ ഇലവന്‍: Quinton de Kock(w), Temba Bavuma(c), Rilee Rossouw, Aiden Markram, David Miller, Tristan Stubbs, Wayne Parnell, Keshav Maharaj, Kagiso Rabada, Lungi Ngidi, Anrich Nortje