; )
സാവിയുടെ കീഴിൽ പുതിയൊരു ബാഴ്‌സലോണ ടീം തയ്യാറെടുത്തു കൊണ്ടിരിക്കുകയാണ്. ക്ലബിന്റെ പരിശീലകനായതിനു ശേഷം നിരവധി താരങ്ങളെ അദ്ദേഹം ഒഴിവാക്കിയെങ്കിലും അതിനു പകരക്കാരായി മികച്ച താരങ്ങളെ സ്വന്തമാക്കുകയും വാർത്തെടുക്കുകയും ചെയ്‌തിട്ടുണ്ട്‌. കഴിഞ്ഞ സീസണിൽ ക്ലബിനു വേണ്ടി മികച്ച പ്രകടനം നടത്തിയ യുവതാരങ്ങളിൽ പലരും സാവിയുടെ പരിശീലനമികവിന്റെ ഉദാഹരണങ്ങളാണ്.
ചാമ്പ്യൻസ് ലീഗിൽ തിരിച്ചടികൾ നേരിട്ട ബാഴ്‌സലോണ അടുത്ത സീസണിൽ അതിനെ മറികടന്നു പോകാനുള്ള പദ്ധതികൾ തയ്യാറാക്കുകയാണ്. ഇതിന്റെ ഭാഗമായി മാഞ്ചസ്റ്റർ സിറ്റി താരത്തെ ബാഴ്‌സലോണ സ്വന്തമാക്കിയെന്നാണ് പുതിയ റിപ്പോർട്ടുകൾ. സിറ്റി മധ്യനിരയിൽ കളിക്കുന്ന ജർമൻ മധ്യനിര താരമായ ഇൽകെയ് ഗുൻഡോഗനാണു ബാഴ്‌സലോണയിലേക്ക് ചേക്കേറാൻ സമ്മതമറിയിച്ചിരിക്കുന്നത്.
🚨 İlkay Gündoğan is close to signing with Barcelona, on a three-year contract. 🇩🇪
The German will share his decision after the Champions League final.
(Source: SPORT) pic.twitter.com/zv3FKIAcWV
— Transfer News Live (@DeadlineDayLive) June 2, 2023
ഈ സീസണോടെ ജർമൻ താരവും മാഞ്ചസ്റ്റർ സിറ്റിയും തമ്മിലുള്ള കരാർ അവസാനിക്കുകയാണ്. മികച്ച പ്രകടനം നടത്തുന്ന താരത്തിന് പുതിയ കരാർ മാഞ്ചസ്റ്റർ സിറ്റി വാഗ്‌ദാനം ചെയ്‌തെങ്കിലും ഗുണ്ടോഗൻ അത് നിരസിക്കുകയുണ്ടായി. പുതിയ വെല്ലുവിളികൾ ഏറ്റെടുക്കുന്നതിനായി മാഞ്ചസ്റ്റർ സിറ്റി വിടാനാണ് താരം ആഗ്രഹിക്കുന്നത്. ഫ്രീ ഏജന്റായ താരത്തിന് വേണ്ടി ബാഴ്‌സലോണ ഉടനെ ശ്രമങ്ങൾ ആരംഭിക്കുകയും ചെയ്‌തു.
റിപ്പോർട്ടുകൾ പ്രകാരം രണ്ടു വർഷത്തെ കരാറാണ് ഗുൻഡോഗനു ബാഴ്‌സലോണ ഓഫർ ചെയ്‌തിരിക്കുന്നത്‌. അത് ഒരു വർഷത്തേക്ക് കൂടി നീട്ടാൻ കഴിയുമെന്ന ഉടമ്പടിയും കരാറിലുണ്ട്. സെർജിയോ ബുസ്‌ക്വറ്റ്സ് ക്ലബ് വിട്ടതിനാൽ അതിനു പകരക്കാരനായി കളിക്കാൻ കഴിയുന്ന താരമാണ് ഗുൻഡോഗൻ. വളരെയധികം പരിചയസമ്പത്തുള്ള താരമായതിനാൽ ബാഴ്‌സലോണക്ക് ഗുണം ചെയ്യുന്ന ട്രാൻസ്‌ഫർ തന്നെയാണ് ജർമൻ താരത്തിന്റേത്.