; )
പാകിസ്താന്‍ വേദിയാതുന്ന ചാമ്പ്യന്‍സ് ട്രോഫി ക്രിക്കറ്റ് ടൂര്‍ണമെന്റില്‍ ഇന്ത്യ പങ്കെടുക്കില്ലെന്ന് നിലപാടെടുത്ത് ബിസിസിഐ. അടുത്ത വര്‍ഷം നടക്കുന്ന ചാമ്പ്യന്‍സ് ട്രോഫി ക്രിക്കറ്റ് ടൂര്‍ണമെന്റില്‍ ഇന്ത്യ പങ്കെടുക്കില്ലെന്ന് ബിസിസിഐ വൃത്തങ്ങളെ ഉദ്ധരിച്ച് പ്രമുഖ ഇംഗ്ലീഷ് മാധ്യമമായ ടൈംസ് ഓഫ് ഇന്ത്യ റിപ്പോര്‍ട്ട് ചെയ്തു.
ചാമ്പ്യന്‍സ് ട്രോഫിയുടെ വേദിമാറ്റുകയോ ഹൈബ്രിഡ് മോഡലില്‍ നടത്തുകയോ ചെയ്യണമെന്നാണ് ബിസിസിഐയുടെ ആവശ്യം.
ചാമ്പ്യന്‍സ് ട്രോഫി ഒരു ഐസിസി ടൂര്‍ണമെന്റാണ്. എങ്കിലും പാകിസ്താനിലേക്ക് പോകണമെങ്കില്‍ കേന്ദ്ര ഗവര്‍ണമെന്റിന്റെ അനുമതി വേണം. നിലവില്‍ ഇന്ത്യയും പാകിസ്താനും തമ്മിലുള്ള ബന്ധം മികച്ചതല്ല. ഇന്ത്യന്‍ ക്രിക്കറ്റ് ബോര്‍ഡിന് ഇക്കാര്യത്തില്‍ ഒന്നും ചെയ്യാന്‍ കഴിയില്ല. അതുകൊണ്ട് ഇന്ത്യ-പാകിസ്താന്‍ ക്രിക്കറ്റ് പരമ്പര സമീപകാലത്തേയ്ക്ക് മറന്നേക്കൂ. ചാമ്പ്യന്‍ ട്രോഫിയില്‍ പോലും പാകിസ്താനിലേക്ക് പോകാന്‍ കഴിയില്ലെന്നതാണ് വസ്തുതയെന്ന് ബിസിസിഐ വൃത്തങ്ങള്‍ വ്യക്തമാക്കി.
പാകിസ്താനുമായുള്ള ക്രിക്കറ്റ് പരമ്പരകള്‍ പുഃനസ്ഥാപിക്കണമെന്ന് ഇന്ത്യന്‍ ക്യാപ്റ്റന്‍ രോഹിത് ശര്‍മ്മ കഴിഞ്ഞ ദിവസം ആവശ്യപ്പെട്ടിരുന്നു. ഇതിന് പിന്നാലെയാണ് ചാമ്പ്യന്‍സ് ട്രോഫിയില്‍ പോലും പാകിസ്താനില്‍ കളിക്കാന്‍ തയ്യാറല്ലെന്ന് ഇന്ത്യ വ്യക്തമാക്കുന്നത്.
അ്‌തെസമയം ഇന്ത്യയുമായുള്ള ക്രിക്കറ്റ് പരമ്പരകള്‍ക്ക് തയ്യാറാണെന്നാണ് പാകിസ്താന്‍ ക്രിക്കറ്റ് ബോര്‍ഡിന്റെ നിലപാട്. ഒപ്പം ചാമ്പ്യന്‍സ് ട്രോഫിക്ക് ഇന്ത്യ അയല്‍ രാജ്യത്തേയ്ക്ക് എത്തണമെന്നും പാകിസ്താന്‍ ക്രിക്കറ്റ് ബോര്‍ഡ് അഭ്യര്‍ത്ഥിച്ചിരുന്നു.