ഇംഗ്ലണ്ടിന്റെ ഏകദിന-ടി20 ടീം നായക സ്ഥാനത്ത് നിന്നും സൂപ്പര് താരം ഓയിന് മോര്ഗന് സ്ഥാനമൊഴിയുന്നു. തുടര്ച്ചയായ പരുക്കും മോശം ഫോമും കാരണം താരം വിരമിക്കാന് തീരുമാനിച്ചു എന്നാണ് പ്രമുഖ ഇംഗ്ലീഷ് ദിനപത്രമായ ഗാര്ഡിയന് റിപ്പോര്ട്ട് ചെയ്യുന്നത്.
മോര്ഗന് സ്ഥാനമൊഴിഞ്ഞാല് വിക്കറ്റ് കീപ്പര് ജോസ് ബട്ലറാവും ഇംഗ്ലണ്ടിന്റെ പുതിയ ക്യാപ്റ്റന്. ഇതോടെ ഏഴര വര്ഷത്തിന് നീണ്ട ക്യാപ്റ്റന്സി ഉത്തരവാദിത്തമാണ് മോര്ഗണ് അവസാനിപ്പിക്കുന്നത്.
ഇംഗ്ലണ്ടിന് ആദ്യമായി ഏകദിന ലോകകപ്പ് സമ്മാനിച്ച നായകനാണ് മോര്ഗന്. പരിമിത ഓവര് മത്സരങ്ങളില് ഇംഗ്ലണ്ടിന്റെ കളിശൈലിയെ മാറ്റിമറിച്ച മോര്ഗന് ക്യാപ്റ്റനെന്ന നിലയില് മികച്ചുനില്ക്കുമ്പോഴും കഴിഞ്ഞ ഏതാനും വര്ഷങ്ങളായി അദേഹം മോശം ഫോമിലാണ്.
നെതര്ലന്ഡിനെതിരായ ഏകദിന പരമ്പരയിലെ ആദ്യ രണ്ട് മത്സരങ്ങളില് പൂജ്യത്തിനു പുറത്തായ മോര്ഗന് മൂന്നാമത്തെ ഏകദിനത്തില് വിട്ടുനിന്നു. മോശം ഫോമിനൊപ്പം ഫിറ്റ്നസ് പ്രശ്നങ്ങളും മോര്ഗനെ അലട്ടുന്നുണ്ട്. അവസാനത്തെ 28 ടി-20യിലും ഏകദിനങ്ങളില് നിന്നുമായി രണ്ട് അര്ധസെഞ്ചുറികള് മാത്രമാണ് മോര്ഗന് നേടിയിട്ടുള്ളത്.