പരിക്കിന്റെ പ്രശ്നങ്ങൾ വലച്ചിരുന്നെങ്കിലും അർജന്റീന താരമായ ദിബാലയെ സംബന്ധിച്ച് മികച്ച സീസണായിരുന്നു കടന്നു പോയത്. ക്ലബിനൊപ്പം കിരീടങ്ങൾ സ്വന്തമാക്കാൻ കഴിഞ്ഞില്ലെങ്കിലും യൂറോപ്പ ലീഗ് ഫൈനലിലേക്ക് ടീമിനെ നയിക്കാൻ താരത്തിന് കഴിഞ്ഞിരുന്നു. അർജന്റീനക്കൊപ്പം ലോകകപ്പ് കിരീടം നേടുന്നതിൽ പ്രധാന പങ്കു വഹിക്കാനും താരത്തിന് കഴിഞ്ഞു.
റോമ ആരാധകരുടെ മനസ് കവരാൻ ഡിബാലക്ക് കഴിഞ്ഞെങ്കിലും അടുത്ത സീസണിൽ താരം ക്ലബിനൊപ്പം ഉണ്ടാകുമോ എന്ന കാര്യത്തിൽ സംശയമുണ്ട്. റിപ്പോർട്ടുകൾ പ്രകാരം വെറും പന്ത്രണ്ടു മില്യൺ യൂറോയാണ് താരത്തിന്റെ റിലീസിംഗ് ക്ലോസ്. ഡിബാലയുമായി ധാരണയിൽ എത്തിയാൽ ഏതു ക്ലബിനും ഈ തുക നൽകി അർജന്റീന താരത്തെ സ്വന്തമാക്കാൻ കഴിയും.
❗️Paulo Dybala has rejected Al-Hilal’s approach. @ilmessaggeroit ❌🇸🇦 pic.twitter.com/xJ9PWla9jY
— All About Argentina 🛎🇦🇷 (@AlbicelesteTalk) July 4, 2023
അതിനിടയിൽ ഡിബാലയെ സ്വന്തമാക്കാൻ സൗദി അറേബ്യൻ ക്ലബായ അൽ ഹിലാൽ ശ്രമം നടത്തിയിരുന്നു. റിലീസിംഗ് ക്ലോസായ കുറഞ്ഞ തുക നൽകി താരത്തെ സ്വന്തമാക്കാനുള്ള നീക്കമാണ് അൽ ഹിലാൽ നടത്തിയത്. എന്നാൽ ഡിബാല ഈ നീക്കം വേണ്ടെന്നു വെക്കുകയായിരുന്നു. യൂറോപ്പിൽ തന്നെ തുടരാനാണ് അർജന്റീന താരത്തിന് താൽപര്യം.
🚨 EXCL – Chelsea had the first contacts with Paulo #Dybala agent. 🔵🇦🇷 #CFC
The Argentine player has a release clause of €12m for foreign clubs. pic.twitter.com/9lnuREDlAd
— Pedro Almeida (@pedrogva6) July 5, 2023
അതിനിടയിൽ അർജന്റീന താരത്തെ സ്വന്തമാക്കാൻ ഇംഗ്ലീഷ് പ്രീമിയർ ലീഗ് ക്ലബായ ചെൽസി ശ്രമങ്ങൾ ആരംഭിച്ചിട്ടുണ്ട്. അർജന്റൈൻ പരിശീലകനായ മൗറീസിയോ പോച്ചട്ടിനോക്ക് താരത്തെ ടീമിലെത്തിക്കാൻ വലിയ താൽപര്യമുണ്ട്. എന്നാൽ ചെൽസിക്ക് ചാമ്പ്യൻസ് ലീഗ് യോഗ്യത ഇല്ലെന്നതിനാൽ ഈ ഓഫറിനെ ഡിബാല പരിഗണിക്കുമോയെന്നു തീർച്ചയില്ല.