; )
പുതിയ സീസണിന് മുന്നോടിയായി നടന്ന പ്രീ സീസൺ മത്സരത്തിൽ പോർച്ചുഗീസ് ക്ലബായ ബെൻഫിക്കയോട് തോൽവി വഴങ്ങി ക്രിസ്റ്റ്യാനോ റൊണാൾഡോയുടെ ടീമായ അൽ നസ്ർ. ഇന്നലെ നടന്ന മത്സരത്തിൽ ഒന്നിനെതിരെ നാല് ഗോളുകൾക്കാണ് അൽ നസ്ർ തോൽവി വഴങ്ങിയത്. കഴിഞ്ഞ മത്സരത്തിൽ സെൽറ്റ വിഗോയോട് അഞ്ചു ഗോളുകൾക്ക് തോറ്റ അൽ നസ്‌റിന്റെ തുടർച്ചയായ രണ്ടാമത്തെ തോൽവിയായിരുന്നു ഇന്നലത്തേത്.
മത്സരത്തിന്റെ ഇരുപത്തിരണ്ടാം മിനുട്ടിൽ തന്നെ ബെൻഫിക്കയിലേക്ക് തിരിച്ചെത്തിയ ഏഞ്ചൽ ഡി മരിയ ക്ലബ്ബിനെ മുന്നിലെത്തിച്ചു. മനോഹരമായ ഗോളാണ് താരം നേടിയത്. ബെൻഫിക്കയിലേക്ക് തിരിച്ചു വന്നതിനു ശേഷം കളിച്ച രണ്ടാമത്തെ മത്സരത്തിലും ഗോൾ നേടാൻ താരത്തിന് കഴിഞ്ഞു. അതിനു ശേഷം പോർച്ചുഗൽ താരം ഗോൺകാലോ റാമോസ് നേടിയ ഇരട്ടഗോളിൽ ആദ്യപകുതിയിൽ തന്നെ ബെൻഫിക്ക മൂന്നു ഗോളുകൾക്ക് മുന്നിലെത്തും.
🔥
— All About Argentina 🛎🇦🇷 (@AlbicelesteTalk) July 20, 2023
ആദ്യപകുതിയിൽ അൽ നസ്ർ ഒരു ഗോൾ തിരിച്ചടിക്കുമെങ്കിലും രണ്ടാം പകുതിയിൽ ബെൻഫിക്ക ഒരു ഗോൾ കൂടി നേടി മത്സരം സ്വന്തമാക്കുകയായിരുന്നു. മത്സരത്തിൽ ഏഞ്ചൽ ഡി മരിയ റൊണാൾഡോയെ വട്ടം കറക്കിയ ഒരു സ്‌കിൽ പുറത്തെടുത്തത് സോഷ്യൽ മീഡിയയിൽ വൈറലാകുന്നുണ്ട്. ഡി മരിയയെ തടുക്കാൻ കഴിയാത്ത റൊണാൾഡോയാണോ മെസിയുമായി ഏറ്റുമുട്ടാൻ പോകുന്നതെന്നാണ് ആരാധകർ ചോദിക്കുന്നത്.
DI MARIA WHAT A GOAL AGAINST AL-NASSR! 🇦🇷🇦🇷🇦🇷 pic.twitter.com/3xQjUjKLlT
— All About Argentina 🛎🇦🇷 (@AlbicelesteTalk) July 20, 2023
പ്രീ സീസണിൽ റൊണാൾഡോ കളിച്ച രണ്ടാമത്തെ മത്സരമായിരുന്നു കഴിഞ്ഞ ദിവസം നടന്നത്. റൊണാൾഡോ ഇല്ലാതെ ഇറങ്ങിയ ആദ്യത്തെ രണ്ടു മത്സരങ്ങളിലും വിജയം നേടിയ അൽ നസ്ർ റൊണാൾഡോ ഇറങ്ങിയ രണ്ടു മത്സരത്തിലും തോൽവി വഴങ്ങി. റൊണാൾഡോക്ക് ഗോൾ നേടാൻ കഴിഞ്ഞതുമില്ല. ഇനി പിഎസ്‌ജി, ഇന്റർ മിലാൻ എന്നിവരുമായി അൽ നസ്ർ ഏറ്റുമുട്ടും.