ഈ സീസണിൽ മോശം ഫോമിലായിരുന്ന ലിവർപൂൾ ഒരു ഘട്ടം കഴിഞ്ഞപ്പോൾ തങ്ങളുടെ പ്രകടനം മെച്ചപ്പെടുത്തി വന്നിരുന്നു. അതുകൊണ്ടു തന്നെ അടുത്ത സീസണിൽ ചാമ്പ്യൻസ് ലീഗിൽ കളിക്കാമെന്ന പ്രതീക്ഷയും അവർക്കുണ്ടായി. എന്നാൽ കഴിഞ്ഞ ദിവസം നടന്ന മത്സരത്തിൽ മാഞ്ചസ്റ്റർ യുണൈറ്റഡ് ചെൽസിക്കെതിരെ വിജയം നേടിയതോടെ ലിവർപൂളിന്റെ ചാമ്പ്യൻസ് ലീഗ് യോഗ്യതക്കുള്ള സാധ്യതയെല്ലാം ഇല്ലാതായി.

അടുത്ത സീസണിൽ ലിവർപൂൾ യൂറോപ്പ ലീഗിലേക്ക് വീണത് വലിയ നിരാശയാണ് ടീമിലെ സൂപ്പർതാരമായ മൊഹമ്മദ് സലാക്ക് നൽകിയത്. മാഞ്ചസ്റ്റർ യുണൈറ്റഡ് വിജയിച്ച് ലിവർപൂളിന് ചാമ്പ്യൻസ് ലീഗ് യോഗ്യത നേടാൻ കഴിയില്ലെന്നുറപ്പായതോടെ താരം സോഷ്യൽ മീഡിയയിൽ ഇട്ട പോസ്റ്റിൽ നിന്നും ഇത് വ്യക്തമാണ്.

I’m totally devastated. There’s absolutely no excuse for this. We had everything we needed to make it to next year’s Champions League and we failed. We are Liverpool and qualifying to the competition is the bare minimum. I am sorry but it’s too soon for an uplifting or optimistic… pic.twitter.com/qZmA9WsueM

— Mohamed Salah (@MoSalah) May 25, 2023

“ഞാൻ വളരെയധികം തകർന്നു പോയിരിക്കുകയാണ്. ഇതിനു യാതൊരു ഒഴികഴിവും പറയാൻ കഴിയില്ല. അടുത്ത  ലീഗിന് യോഗ്യത നേടാനുള്ള എല്ലാം ഞങ്ങളുടെ കയ്യിൽ ഉണ്ടായിരുന്നെങ്കിലും അതിൽ ഞങ്ങൾ പരാജയപ്പെട്ടു. ലിവർപൂൾ അതിനു യോഗ്യത നേടുന്നത് ഏറ്റവും ചെറിയ കാര്യമാണ്. പ്രചോദനം നൽകുന്ന ഒരു പോസ്റ്റ് ഇടുന്നത് നേരത്തെയാണെന്ന് അറിയാം, പക്ഷെ ഞങ്ങൾ നിങ്ങളെ നിരാശരാക്കിയതിനു സോറി.” സലാ കുറിച്ചു.

വിജയം നേടിയ മാഞ്ചസ്റ്റർ യുണൈറ്റഡ് മൂന്നാം സ്ഥാനത്തേക്ക് മുന്നേറിയപ്പോൾ ചാമ്പ്യൻസ് ലീഗ് യോഗ്യത നേടിയ മറ്റൊരു ക്ലബ് പുതിയ ശക്തികളായ ന്യൂകാസിൽ യുണൈറ്റഡാണ്‌. ലിവർപൂൾ ബ്രൈറ്റൻ എന്നിവർ യൂറോപ്പ ലീഗിന് യോഗ്യത നേടിയപ്പോൾ ഒരു മത്സരം ബാക്കി നിൽക്കെ ആസ്റ്റൺ വില്ല, ടോട്ടനം, ബ്രെന്റഫോഡ് എന്നിവർ കോൺഫറൻസ് ലീഗ് യോഗ്യതക്കായി പോരാടും.