ഷിയാസ് കെഎസ്
ഇന്ത്യ ഉയര്ത്തിയ 179 എന്ന above par സ്കോറിനെതിരെ കിവികളുടെ ചേസിംഗ്..
ഒപ്പം നിന്നവരെല്ലം ഇന്ത്യന് ബൗളിംഗ് നിരയ്ക്ക് മുന്നില് എരിഞ്ഞമര്ന്നപ്പോള് അവരുടെ രക്ഷകനായി കിവികളുടെ വീരനായകന് സാക്ഷാല് കെയിന് വില്യംസണിന്റ ഒറ്റയാള് പോരാട്ടം..
അവസാന ഓവറില് 6 പന്തില് നിന്ന് 9 റണ്സ് എന്ന ലക്ഷ്യത്തിലേക്ക് പന്തെറിഞ്ഞ ഷമിയെ സിക്സുമായി വരവേല്ക്കുന്ന റോസ് ടൈലര്..
4 പന്തില് നിന്ന് 2 റണ്സ് എന്ന നിലയില് നിന്ന് ആദ്യം വില്യംസണിന്റെയും , അവസാനപന്തില് ടൈലറെയും കൂടാരം കയറ്റിക്കൊണ്ടു ഇന്ത്യക്കായി ഷമിയുടെ തിരിച്ചടി, കളി സൂപ്പര് ഓവറിലേക്
ഇന്ത്യന് പേസ് പടയുടെ നായകന് ജസ്പ്രീത് ബുമ്രയ്ക്ക് സര്വ്വതും പിഴച്ചപ്പോള് ഇന്ത്യയ്ക്ക് മുന്നില് വീണ്ടും വില്യംസണ് എന്ന കിവിപക്ഷി ചിറകടിച്ചുയര്ന്നു…
ഇന്ത്യന് ജയം 6 പന്തുകള്ക്കപ്പുറം 18 റണ്സ് എന്ന നിലയില്
ആദ്യമായി നേരിടുന്ന അന്താരാഷ്ട്ര സൂപ്പര് ഓവറിന്റ സമ്മര്ദ്ദത്തില്പെട്ട ഇന്ത്യന് ബാറ്സ്മാന്മാര്ക്ക് കത്തിപടരാന് അവസരം നല്കാതെ ടിം സൗത്തിയുടെ ബൗളിംഗ് ആദ്യ 4 പന്തുകള് പിന്നിടുന്നു..
നേടിയത് വെറും 8 റണ്സ്
വിജയത്തിലേക്കുള്ള equation കൂടുതല് കഠിനമായി
2 പന്തുകള് 10 റണ്സ് വേണമെന്ന അവസ്ഥയില് , നിഴല് വീണു തുടങ്ങിയ ഇന്ത്യന് ജയപ്രതീക്ഷകള്ക്ക് ജീവന് നല്കികൊണ്ട് സാക്ഷാല് ഹിറ്റ്മാന്റ് അവസാന രക്ഷാപ്രവര്ത്തനം..
അഞ്ചാം പന്ത് , സൗത്തിയ്ക്ക് പിഴച്ചു , സൗത്തിയുടെ juicy half volley ഹാമില്ട്ടന്റെ ആകാശത്തെ ചുംബിച്ചു കൊണ്ട് ലോങ്ങ് ഓണ് ബൗണ്ടറിയില്.. ‘സിക്സര്’
last ball , ന്യൂസീലന്ഡ് ഉയര്ത്തിയ സമ്മര്ദ്ദങ്ങളുടെ കെട്ടുപാടുകളെ തൊട്ട് മുമ്പത്തെ ബോളില് പൊട്ടിച്ചെറിഞ്ഞു കൊണ്ട് ക്രീസില് അക്ഷോഭ്യനായി അതേ ഹിറ്റ്മാന്..
ജയത്തിലേക്ക് 4 , സമനിലയ്ക്ക് 3
യോര്ക്കറിന് ശ്രമിച്ച സൗത്തിയ്ക്ക് വീണ്ടും പിഴയ്ക്കുന്നു , ഇന്ത്യന് വിജയം എന്ന ഒരൊറ്റ ലക്ഷ്യത്തിലേക്ക് ആ full length ഡെലിവെറിയ്ക്ക് നേരെ രോഹിത്തിന്റ കനത്ത പ്രഹരം…
ബൗണ്ടറി തടയുക എന്ന ഒരൊറ്റ ലക്ഷ്യതിനായി വില്യംസണ് വിന്യസിച്ച തന്റെ കാവല്ക്കാരെ സാക്ഷിയാക്കി കൊണ്ട് ആ ഷോട്ട് , അവരുടെ തലയ്ക്ക് മുകളിലൂടെ long off ബൗണ്ടറിയില് , അകന്നു പോയ ഇന്ത്യന് വിജയം വെട്ടിപിടിച്ചു കൊണ്ട് പറന്നിറങ്ങി..
”SIXER ‘
നേട്ടങ്ങളുടെ കൊടുമുടിയില് ഇന്ത്യയും ഇന്ത്യയുടെ രോഹിത്ത് ശര്മയും
ഹാമില്ട്ടണിലെ ആ രാത്രിയില് , കിവികളുടെ ജയം സ്വപ്നം കണ്ട ആയിരങ്ങളുടെ മുന്നില് കാഴ്ചയില് അലസന് എന്ന് തൊന്നിയ്ക്കുന്ന രോഹിത്ത് , മുമ്പ് ഒരുപാട് തവണത്തെ പോലെ ഇന്ത്യയുടെ രക്ഷകനായി മാറുകയായിരുന്നു.. പുഞ്ചിരി നഷ്ടപെട്ട അവര്ക്ക് മുന്നില് നഷ്ടസാമ്രാജ്യം ഒറ്റയ്ക്ക് പൊരുതിനേടിയ രാജാവിന്റ പ്രൗഢിയോടെ ഇന്ത്യന് ക്രിക്കറ്റിന്റ തിലകക്കുറി തലയുയര്ത്തി നിന്നു…
അവിശ്വസനീയമായത് അതിമാനുഷികതയോടെ പൊരുതി നേടുന്നതാണ് അയാളുടെ ശീലം , കാരണം അതിജീവനതിനായി പൊരുതാന് തുനിഞ്ഞിറങ്ങിയാല് ഹിറ്റ്മാനോളം വരില്ല ഒരാളും
രോഹിത്ത് ഗുരുനാഥ് ശര്മ്മ
കടപ്പാട്: മലയാളി ക്രിക്കറ്റ് സോണ്