; )
ഐപിഎല്‍ ആവേശത്തിന് ഇനി ഏതാനും മണിക്കൂറുകള്‍ മാത്രമാണ് അവശേഷിക്കുന്നത്. 31ന് നിലവിലെ നിലവിലെ ചാമ്പ്യന്‍മാരായ ഗുജറാത്ത് ടൈറ്റന്‍സ്-ചെന്നൈ സൂപ്പര്‍ കിംഗ്‌സ് മത്സരത്തോടെയാണ് ഐപിഎല്ലിന്റെ പതിനാറാം സീസണ് തുടക്കമാകുന്നത്.
ഐപിഎല്ലില്‍ ഏറ്റവും അധികം ആരാധക പിന്തുണയുള്ള ടീമുകളിലൊന്നായ ചെന്നൈ സൂപ്പര്‍ കിംഗ്‌സ് തങ്ങളുടെ നായകന്‍ എം എസ് ധോണിയുടെ അവസാന ഐപിഎല്‍ അവിസ്മരണീയമാക്കാനുള്ള ഒരുക്കത്തിലുമാണ്. കഴിഞ്ഞ സീസണിലാണ് ധോണി അടുത്ത സീസണില്‍ ചെന്നൈയുടെ ഹോം ഗ്രൗണ്ടില്‍ സ്വന്തം ആരാധകര്‍ക്ക് മുമ്പില്‍ മത്സരിച്ച് വിരമിക്കാനാണ് ആഗ്രഹമെന്ന് തുറന്നു പറഞ്ഞത്.
എന്നാല്‍ ഈ സീസണോടെ വിരമിക്കുമെന്ന് ധോണി ഔദ്യോഗികമായി പറഞ്ഞിട്ടില്ലെങ്കിലും ഇത്തവണ ധോണിയുടെ അവസാന ഐപിഎല്‍ ആകുമെന്നാണ് ക്രിക്കറ്റ് ലോകം വിശ്വസിക്കുന്നത്.
ഇതിനിടെ ഇത് ധോണിയുടെ അവസാന ഐപിഎല്ലാണോ എന്ന ചോദ്യത്തിന് മറുപടിയുമായി രംഗത്തെത്തിയിരിക്കുകയാണ് മുംബൈ ഇന്ത്യന്‍സ് നായകമായ രോഹിത് ശര്‍മ. ഇത് എം എസ് ധോണിയുടെ അവസാന ഐപിഎല്‍ ആയിരിക്കുമെന്നത് കഴിഞ്ഞ രണ്ടോ മൂന്നോ വര്‍ഷമായി താന്‍ കേള്‍ക്കുന്ന കാര്യമാണെന്ന് രോഹിത് വാര്‍ത്താസമ്മേളനത്തില്‍ പറഞ്ഞു. എന്നാല്‍ ഇനിയും രണ്ടോ മൂന്നോ വര്‍ഷം കൂടി കളിക്കാനുള്ള കായികക്ഷമത ധോണിക്കുണ്ടെന്നും രോഹിത് വ്യക്തമാക്കി.
ഇതോടെ ധോണി ഇനി ഐപിഎല്‍ കളിച്ചേക്കുമോയെന്ന ആകാംക്ഷയിലാണ് ക്രിക്കറ്റ് ലോകം. ഈ സീസണിലെ ധോണിയുടെ പ്രകടനം ഇക്കാര്യത്തില്‍ നിര്‍ണ്ണായകമാകുമെന്നാണ് സൂചന.