; )
ടി20 ലോകകപ്പിനായി ഇന്ത്യ കളിക്കേണ്ട 11 അംഗ ടീമിനെ തെരഞ്ഞെടുത്തിരിക്കുകയാണ് മുന്‍ ഇന്ത്യന്‍ ഓള്‍റൗണ്ടര്‍ ഇര്‍ഫാന്‍ പത്താന്‍. റിഷഭ് പന്തിനെ തഴഞ്ഞുകൊണ്ടുള്ള ടീമിനെയാണ് ഇര്‍ഫാന്‍ തെരഞ്ഞെടുത്തിരിക്കുന്നത് എ്‌നതാണ് ഏറ്റവും ശ്രദ്ധേയമായ കാര്യം.
ഓപ്പണര്‍മാരായി രോഹിത് ശര്‍മയും കെ എല്‍ രാഹുലിനെയുമാണ് ഇര്‍ഫാന്‍ പത്താന്‍ തെരഞ്ഞെടുത്തിരിക്കുന്നത്. മൂന്നാം നമ്പറില്‍ വിരാട് കോഹ്ലിക്കാണ് സ്ഥാനം.
നാലാം നമ്പറില്‍ സൂര്യകുമാര്‍ യാദവ് തന്നെ തുടരണമെന്നാണ് ഇര്‍ഫാന്‍ പറയുന്നത്. അഞ്ചാം നമ്പറില്‍ റിഷഭ് പന്തിനെയാണ് എല്ലാവരും പ്രതീക്ഷിക്കുന്നത്. എന്നാല്‍ സ്പിന്‍ ഓള്‍റൗണ്ടറായ ഹൂഡയെയാണ് ഇര്‍ഫാന്‍ പത്താന്‍ തെരഞ്ഞെടുത്തിരിക്കുന്നത്.
ആറാം നമ്പറില്‍ ഇന്ത്യ പേസ് ഓള്‍റൗണ്ടര്‍ ഹര്‍ദിക് പാണ്ഡ്യയെ പരിഗണിക്കണമെന്ന് നിര്‍ദേശിച്ച ഇര്‍ഫാന്‍ അക്ഷര്‍ പട്ടേലിനെ ഒഴിവാക്കി. പകരം ഫിനിഷറായി ദിനേഷ് കാര്‍ത്തിക് മതിയെന്നാണ് ഇര്‍ഫാന്‍ പറയുന്നത്. എട്ടാം നമ്പറില്‍ ഭുവനേശ്വര്‍ കുമാറും ഒമ്പതാം നമ്പറില്‍ ഹര്‍ഷല്‍ പട്ടേലും ഇറങ്ങുമ്പോള്‍ 10ാം നമ്പറില്‍ ജസ്പ്രീത് ബുംറക്കാണ് സ്ഥാനം. 11ാമനായി യുസ് വേന്ദ്ര ചഹാലിനെയും ഇര്‍ഫാന്‍ പരിഗണിച്ചു.
ഇര്‍ഫാന്റെ ഇന്ത്യന്‍ 11-രോഹിത് ശര്‍മ (ക്യാപ്റ്റന്‍), കെ എല്‍ രാഹുല്‍, വിരാട് കോഹ്ലി, സൂര്യകുമാര്‍ യാദവ്, ദീപക് ഹൂഡ, ഹര്‍ദിക് പാണ്ഡ്യ, ദിനേഷ് കാര്‍ത്തിക്, യുസ് വേന്ദ്ര ചഹാല്‍, ഭുവനേശ്വര്‍ കുമാര്‍, ഹര്‍ഷല്‍ പട്ടേല്‍, ജസ്പ്രീത് ഭുംറ