; )
ഈ വര്‍ഷം ഓസ്‌ട്രേലിയയില്‍ വെച്ച് നടക്കുന്ന ടി20 ക്രിക്കറ്റ് ലോകകപ്പിലേക്കുളള ഇന്ത്യന്‍ ടീമിനെ തെരഞ്ഞെടുത്ത് മുന്‍ ഇന്ത്യന്‍ താരം ഇര്ഫാന് പത്താന്‍. മലയാളി താരം സഞ്ജു സാംസണിനേയും ഇന്ത്യന്‍ സൂപ്പര്‍ താരം റിഷഭ് പന്തിനേയും ഒഴിവാക്കിയുളള ലോകകപ്പ് ടീമാണ് ഇര്ഫാന് തെരഞ്ഞെടുത്തിരിക്കുന്നത്.
ഇരുയുവതാരങ്ങള്‍ക്കും പകരം വെറ്ററല്‍ താരം ദിനേഷ് കാര്‍ത്തികിനെയാണ് ഇന്ത്യന്‍ വിക്കറ്റ് കീപ്പറായി ഇര്ഫാന് പത്താന്‍ ടീമിലേക്ക് പരിഗണിച്ചിരിക്കുന്നത്. കാര്‍ത്തികിനെ ടീം ഇന്ത്യയിലേക്ക് പരിഗണിക്കാനുളള കാരണം ഇര്ഫാന് പറയുന്നത് ഇപ്രകാരമാണ്.
‘കാര്‍ത്തിക്ക് പോലെ വെറൈറ്റി ഷോട്ടുകള്‍ കളിക്കാന്‍ കഴിയുന്ന താരങ്ങള്‍ വളരെ അപൂര്‍വ്വമാണുളളത്. അതിനാല്‍ തന്നെ ഞാന്‍ അദ്ദേഹത്തെ ലോകകപ്പിനുള്ള ഇന്ത്യന്‍ സ്‌ക്വാഡില്‍ ആദ്യമേ സെലക്ട് ചെയ്യുന്നു. പേസ് ആന്‍ഡ് സ്പിന്‍ ഒരുപോലെ കളിക്കുന്ന ദിനേശ് കാര്‍ത്തിക്ക് ക്രീസിലേക്ക് എത്തി ആദ്യത്തെ ബോള്‍ മുതല്‍ റണ്‍സ് കണ്ടെത്താന്‍ കഴിവുള്ള ഒരു താരവും ആണ്’ ഇര്ഫാന് പത്താന്‍ പറഞ്ഞു.
കെഎല്‍ രാഹുലും രോഹിത്തുമാണ് ഇര്‍ഫാന്റെ ലോകകപ്പ് ടീമിലെ ഓപ്പണര്‍മാര്‍. കോഹ്ലി, സൂര്യകുമാര്‍, ഹാര്‍ദ്ദിക്ക്, കാര്‍ത്തിക്, ജഡേജ വരെ നീളുന്ന ബാറ്റ്‌സ്മാന്‍മാരും. ഹര്‍ഷല്‍, ചഹല്‍, ഭുംറ, ഭുവനേശ്വര്‍ വരെ നീളുന്ന ബൗളര്‍മാരുമാണ് ഇര്‍ഫാന്റെ ടീമില്‍ ഇടംപിടിച്ച താരങ്ങള്‍.
ഇര്ഫാന് പത്താന്റെ ഇന്ത്യന്‍ ടീം : ലോകേഷ് രാഹുല്‍, രോഹിത് ശര്‍മ്മ, വിരാട് കോഹ്ലി, സൂര്യകുമാര്‍ യാദവ്,ഹാര്‍ദിക്ക് പാണ്ട്യ, ദിനേശ് കാര്‍ത്തിക്ക്, രവീന്ദ്ര ജഡേജ,ഹര്‍ഷല്‍ പട്ടേല്‍, ചാഹല്‍, ബുംറ, ഭുവനേശ്വര്‍ കുമാര്‍