; )
എംഎൽഎസ് പുതിയ സീസൺ ഇന്ന് ആരംഭിച്ചപ്പോൾ ഇന്റർ മിയാമിക്ക് വിജയത്തുടക്കം. ഇന്ത്യൻ സമയം ഇന്ന് പുലർച്ചെ നടന്ന മത്സരത്തിൽ എതിരില്ലാത്ത രണ്ടു ഗോളുകൾക്കാണ് ഇന്റർ മിയാമി വിജയം സ്വന്തമാക്കിയത്. ഇതോടെ പ്രീ സീസണിൽ കളിച്ച എട്ടു മത്സരങ്ങളിൽ ഏഴിലും വിജയിക്കാൻ കഴിഞ്ഞില്ലെന്ന നാണക്കേടിന് ആശ്വാസം നേടാൻ ഇന്റർ മിയാമിക്ക് കഴിഞ്ഞുവെന്നതിൽ സംശയമില്ല.
മത്സരത്തിൽ ടീമിലെ പ്രധാന താരങ്ങളായ ലയണൽ മെസിയും ലൂയിസ് സുവാരസും തിളങ്ങുകയുണ്ടായി. രണ്ടു പേർക്കും ഗോൾ നേടാൻ കഴിഞ്ഞില്ലെങ്കിലും ഓരോ അസിസ്റ്റ് വീതം സ്വന്തമാക്കിയിരുന്നു. ലയണൽ മെസി തന്നെയാണ് ഇന്റർ മിയാമിയുടെ മുന്നേറ്റങ്ങൾക്ക് ചുക്കാൻ പിടിച്ചിരുന്നത്. എംഎൽഎസിലെ ആദ്യത്തെ മത്സരം തുടർച്ചയായി പതിനാലു തവണ തോറ്റിട്ടില്ലെന്ന സാൾട്ട് ലേക്കിന്റെ റെക്കോർഡാണ് ഇന്റർ മിയാമി ഇല്ലാതാക്കിയത്.
New season, same Robert Taylor bangers 😏🔥
Messi ➡️ Taylor in behind the backline who finishes it to give us the lead 👏#MIAvRSL | 1-0 pic.twitter.com/ubPUrbChva
— Inter Miami CF (@InterMiamiCF) February 22, 2024
ആദ്യപകുതിയിൽ റോബർട്ട് ടെയ്‌ലറാണ് ഇന്റർ മിയാമിയുടെ ആദ്യത്തെ ഗോൾ നേടിയത്. ലയണൽ മെസി നൽകിയ അസിസ്റ്റിൽ ഗോൾകീപ്പറുടെ പിഴവ് കൂടി വന്നപ്പോൾ ഇന്റർ മിയാമി മുന്നിലെത്തി. അതിനു ശേഷം രണ്ടാം പകുതിയുടെ എൺപത്തിമൂന്നാം മിനുട്ടിൽ മെസി നടത്തിയ മുന്നേറ്റത്തിനൊടുവിൽ സുവാരസ് നൽകിയ അസിസ്റ്റിൽ ഡീഗോ ഗോമസാണ്‌ രണ്ടാമത്തെ ഗോൾ നേടിയത്.
This 2nd goal of inter Miami created by Messi, do not let Goal or Assist fool you 🔥🔥🐐pic.twitter.com/XTnEdJQreP
— ACE (fan) (@FCB_ACEE) February 22, 2024
എംഎൽഎസിലെ ആദ്യത്തെ മത്സരത്തിൽ നേടിയ വിജയം ഇന്റർ മിയാമിക്ക് ഒരുപാട് പ്രതീക്ഷകൾ നൽകുന്ന ഒന്നാണ്. കഴിഞ്ഞ സീസണിൽ അവസാനസ്ഥാനങ്ങളിൽ ആയിരുന്നു ഇന്റർ മിയാമി നിന്നിരുന്നത്. ഈ സീസണിൽ കൂടുതൽ മെച്ചപ്പെട്ട പ്രകടനം നടത്താമെന്നും കിരീടങ്ങൾ സ്വന്തമാക്കാമെന്നുമുള്ള പ്രതീക്ഷ ഇന്റർ മിയാമിക്കുണ്ട്.