; )
ഈ വർഷത്തെ യുവേഫ യൂറോപ്പ ലീഗ് ഫൈനലിൽ ഇന്ന് വിയ്യാറയലും മാഞ്ചേസ്റ്റർ യുണൈറ്റഡും ഏറ്റുമുട്ടനൊരുങ്ങുകയാണ്. പോളണ്ടിലെ സ്റ്റേഡിയൊൻ എനർജ ഡാൻസ്ക്കയിലാണ് മത്സരം. ഇന്നു രാത്രി ഇന്ത്യൻ സമയം 12.30ക്ക് ആണ് മത്സരം നടക്കുക.
2017ൽ കിരീടം നേടിയതിനു ശേഷം മാഞ്ചസ്റ്റർ യുണൈറ്റഡിന്റെ രണ്ടാമത്തെ യൂറോപ്പ ലീഗ് ഫൈനലാണിത് . 2017ലെ ഫൈനലിൽ ഡച്ച് ക്ലബ്ബായ അജാക്സിനെ തോൽപ്പിച്ചുകൊണ്ടാണ് യുണൈറ്റഡ് കീരീടം ഉയർത്തിയത്. സെമിയിൽ ഇറ്റാലിയൻ വമ്പന്മാരായ റോമയെ തോൽപ്പിച്ചാണ് യുണൈറ്റഡ് ഫൈനലിൽ പ്രേവേശിച്ചത്.
It’s four years since Manchester United’s last trophy but Ole Gunnar Solskjaer predicts victory against Villarreal | @ChrisWheelerDM https://t.co/z7ddyQW7nb
— MailOnline Sport (@MailSport) May 26, 2021
സ്പാനിഷ് ക്ലബ്ബായ വിയ്യാറയൽ ആദ്യമായാണ് യൂറോപ്പ ലീഗ് ഫൈനലിൽ പ്രവേശിക്കുന്നത്. പ്രീമിയർലീഗ് വമ്പന്മാരായ ആഴ്‌സണലിനെ തോൽപ്പിച്ചാണ് വിയ്യാറയൽ ഫൈനലിലെത്തുന്നത്. പരിശീലകൻ ഉനൈ എമ്രിക്കു കീഴിൽ മികച്ച പ്രകടനമാണ് വിയ്യാറയൽ കാഴ്ചവെക്കുന്നത്.
പ്രീമിയർ ലീഗിൽ സിറ്റിക്കു കീഴെ രണ്ടാം സ്ഥാനം കൊണ്ടു തൃപ്തിപ്പെടേണ്ടി വന്നെങ്കിലും ഈ സീസണിൽ ഒരു കിരീടം നേടുകയെന്ന ലക്ഷ്യത്തോടെയാണ് യുണൈറ്റഡ് ഇന്നിറങ്ങുന്നത്. പരിശീലകനായ ഒലെ ഗണ്ണാർ സോൽക്ഷേറുടെ ഭാവിയും ഈ കിരീടത്തെ ആശ്രയിച്ചായിരിക്കും. എന്തായാലും ആദ്യ യൂറോപ്പ കിരീടം ലക്ഷ്യമിട്ടിറങ്ങുന്ന വിയ്യാറയലുമായി മികച്ച പോരാട്ടം തന്നെ നടക്കുമെന്നതിൽ സംശയമില്ല.