Tag Archive: James Rodriguez

  1. ഇനി കളി പ്രിയ ആശാനൊപ്പം പ്രീമിയർ ലീഗിൽ, റോഡ്രിഗസിനെ എവർട്ടൺ സ്വന്തമാക്കി

    Leave a Comment

    റയൽ മാഡ്രിഡിൽ നിന്നും ജെയിംസ് റോഡ്രിഗസിന്റെ ട്രാൻസ്ഫർ എവർട്ടൺ ഔദ്യോഗികമായി സ്ഥിരീകരിച്ചു. സോഷ്യൽ മീഡിയ വഴിയാണ് റയൽ മാഡ്രിഡിൽ നിന്നും റോഡ്രിഗസിനെ സ്വന്തമാക്കിയതായി എവർട്ടൺ ഫുട്ബോൾ ലോകത്തെ അറിയിച്ചത്. ഇരുപത്തിയൊമ്പതുകാരനായ താരത്തെ ഇരുപത് മില്യൺ പൗണ്ടിനാണ് എവർട്ടൺ സ്വന്തം കൂടാരത്തിലെത്തിച്ചത്.

    രണ്ട് വർഷത്തെ കരാറിലാണ് റോഡ്രിഗസ് എവർട്ടണുമായി ഒപ്പുവെച്ചിരിക്കുന്നത്. നിലവിലെ എവർട്ടൺ പരിശീലകൻ കാർലോ ആഞ്ചലോട്ടിയുടെ പ്രിയതാരമാണ് റോഡ്രിഗസ്. റയൽ മാഡ്രിഡിൽ ആയിരുന്ന കാലത്തും ബയേൺ മ്യൂണിക്കിൽ ആയിരുന്ന കാലത്തും താരത്തെ ടീമിലെത്തിക്കാൻ കൂടുതൽ താത്പര്യം കാണിച്ചത് ആഞ്ചലോട്ടി തന്നെയായിരുന്നു. ഇപ്പോൾ എവർട്ടണിലും താരത്തെ എത്തിച്ചു കൊണ്ട് ആ ബന്ധം ശക്തമാക്കാനും അദ്ദേഹത്തിനു കഴിഞ്ഞിരിക്കുകയാണ്.

    “എന്റെ കരിയറിലെ പുതിയൊരു വെല്ലുവിളി ആരംഭിക്കുന്നു. ഞാൻ സന്തോഷവാനാണ്. ആത്മാർത്ഥയോട് കൂടെയും ആഗ്രഹങ്ങളോട് കൂടെയും ഞാൻ ഇവിടെ പുതിയ തുടക്കം കുറിക്കും” ട്രാൻസ്ഫറിനു ശേഷം റോഡ്രിഗസ് സോഷ്യൽ മീഡിയയിൽ കുറിച്ചു. 2014-ലെ വേൾഡ് കപ്പിലെ തകർപ്പൻ പ്രകടനത്തിനു ശേഷമാണ് റോഡ്രിഗസ് ഇത്രയേറെ പ്രശസ്തിയിലേക്കുയർന്നത്. ഇതു ശ്രദ്ധയിൽപ്പെട്ട റയൽ മാഡ്രിഡ്‌ 2014-ൽ മൊണോക്കോയിൽ നിന്ന് താരത്തെ റാഞ്ചുകയായിരുന്നു.

    എന്നാൽ റയലിൽ പ്രതീക്ഷിച്ച പോലെ താരത്തിന് തിളങ്ങാനായില്ല. തുടർന്ന് 2017-ൽ താരം ബയേൺ മ്യൂണിക്കിലേക്ക് രണ്ട് വർഷത്തെ ലോൺ അടിസ്ഥാനത്തിൽ കൂടുമാറി. അതിനു ശേഷം റയലിലേക്കു തന്നെ തിരിച്ചെത്തിയെങ്കിലുംസിദാന് കീഴിൽ അവസരങ്ങൾ ലഭിക്കാത്തതിനാൽ റോഡ്രിഗസ് റയൽ മാഡ്രിഡ്‌ വിടാൻ അനുമതി ആവശ്യപ്പെടുകയായിരുന്നു. താരത്തെ ട്രാൻസ്ഫർ വിപണിയിൽ ഉൾപ്പെടുത്താൻ തന്നെയായിരുന്നു സിദാന്റെയും നീക്കം.

  2. ഒടുവില്‍ റയലിനോട് വിടപറഞ്ഞ് റോഡ്രിഗസ്, കൂടുമാറുന്നത് പ്രിയ പരിശീലകന് കീഴിലേക്ക്‌

    Leave a Comment

    കൊളംബിയൻ സൂപ്പർ താരം ജെയിംസ് റോഡ്രിഗസ്  റയൽ മാഡ്രിഡ്‌ വിട്ടേക്കും. പ്രീമിയർ ലീഗ് ക്ലബായ എവർട്ടണിലേക്ക് കൂടുമാറാനൊരുങ്ങുകയാണ് ഈ ഇരുപത്തിയൊമ്പതുകാരൻ. വരുന്ന ആഴ്ച്ചകളിൽ  ഔദ്യോഗികസ്ഥിരീകരണം ഉണ്ടാവുമെന്നാണ് റിപ്പോർട്ടുകൾ സൂചിപ്പിക്കുന്നത്. താരം വൈദ്യപരിശോധനക്കായി  എവെർട്ടണിലേക്ക് ഉടനെ തിരിക്കും.

    അത്‌ കഴിഞ്ഞാലുടൻ ഇരുക്ലബുകളും ഔദ്യോഗികസ്ഥിരീകരണം നടത്തുമെന്നാണ് സ്പാനിഷ് മാധ്യമമായ മാർക്ക വെളിപ്പെടുത്തുന്നത്. 25 മുതൽ 30 മില്യൺ യുറോക്കിടയിലുള്ള ഒരു തുകയായിരിക്കും എവർട്ടൺ റോഡ്രിഗസിന് വേണ്ടി മുടക്കാനുദ്ദേശിക്കുന്ന തുക.  പ്രീമിയർ ലീഗ് വമ്പന്മാരായ  മാഞ്ചസ്റ്റർ യുണൈറ്റഡും താരത്തിനു വേണ്ടി ശ്രമമാരംഭിച്ചിരുന്നുവെന്ന അഭ്യൂഹങ്ങൾ  സജീവമായിരുന്നു.പിന്നീട് യുണൈറ്റഡ് ഇതിൽ നിന്ന് പിന്മാറുകയായിരുന്നു.

    2014-ലെ വേൾഡ് കപ്പിലെ തകർപ്പൻ പ്രകടനത്തിന് ശേഷമാണ് കൊളംബിയൻ മധ്യനിരതാരമായ റോഡ്രിഗസ്  മൊണോക്കോയിൽ നിന്ന് റയൽ മാഡ്രിഡിലേക്ക് ചേക്കേറിയത്. റയൽ മാഡ്രിഡിന്റെ പരിശീലകനായ കാർലോ ആഞ്ചലോട്ടിയാണ് താരത്തെ ക്ലബിൽ എത്തിക്കാൻ മുൻകൈ എടുത്തത്. എന്നാൽ ലോകകപ്പിലെ പ്രകടനത്തിന് സമാനമായതൊന്നും റയൽ മാഡ്രിഡിൽ  കാഴ്ചവെക്കാൻ  താരത്തിനായില്ല.

    ശേഷം ബയേൺ പരിശീലകനായ  കാർലോ ആഞ്ചലോട്ടി റോഡ്രിഗസിനെ അങ്ങോട്ട് വിളിക്കുകയായിരുന്നു. 2017ൽ ലോണിലായിരുന്നു റോഡ്രിഗസ് ബയേണിലെത്തിയത്. പിന്നീട് 2019-ൽ റയലിലേക്കുതന്നെ തിരിച്ചെത്തി. എന്നാൽ താരത്തിന് സിദാന് കീഴിൽ അവസരം കൂടുതൽ അവസരങ്ങളൊന്നും താരത്തിനു ലഭിച്ചില്ല. ഈ ട്രാൻസ്ഫർ വിപണിയിൽ താരത്തെ റയൽ ലഭ്യമാക്കിയതോടെ പഴയ ആശാനൊപ്പമെത്താൻ വീണ്ടും റോഡ്രിഗസിനു അവസരം ലഭിച്ചിരിക്കുകയാണ്. നിലവിൽ എവർട്ടന്റെ പരിശീലകനാണ് ആഞ്ചലോട്ടി.

  3. ബെയ്‌ലും റോഡ്രിഗസും പുറത്ത്, ചാമ്പ്യൻസ് ലീഗ് സ്‌ക്വാഡ് പ്രഖ്യാപിച്ച് സിദാൻ

    Leave a Comment

    ഓഗസ്റ്റ് 8നു നടക്കാനിരിക്കുന്ന ചാമ്പ്യൻസ് ലീഗ് പ്രീക്വാർട്ടർ രണ്ടാം പാദമത്സരത്തിൽ മാഞ്ചസ്റ്റർ സിറ്റിയെ നേരിടാനുള്ള തയ്യാറെടുപ്പിലാണ് റയൽ മാഡ്രിഡ്‌. കൂടാതെ മത്സരത്തിനായുള്ള തങ്ങളുടെ ഇരുപത്തിനാലംഗ സ്‌ക്വാഡ് പുറത്ത് വിട്ടിരിക്കുകയാണ് സിനദിൻ സിദാൻ. സൂപ്പർ താരങ്ങളായ ഗാരെത് ബെയ്‌ലിനെയും ജെയിംസ് റോഡ്രിഗസിനെയും ഒഴിവാക്കിയാണ് സിദാൻ സ്‌ക്വാഡ് പുറത്തുവിട്ടിരിക്കുന്നത്.

    ഗാരെത് ബെയ്‌ലിന്റെ ക്ലബ്ബിനോടുള്ള സമീപനം അടുത്തിടെ വൻവിവാദങ്ങൾക്ക് വഴി വെച്ചിരുന്നു. എങ്കിലും താരം കരാർ തീരും വരെ റയലിൽ തന്നെ തുടരുമെന്ന തീരുമാനത്തിൽ ഉറച്ചു നിൽക്കുകയാണ്.

    അതേസമയം റെഡ് കാർഡ് കണ്ടു സസ്പെൻഷനിലായിട്ട് പോലും സെർജിയോ റാമോസിനെ സിദാൻ കൂടെകൂട്ടിയിട്ടുണ്ട്. ചെറിയ തോതിൽ പരിക്കുകൾ അലട്ടുന്ന ഈഡൻ ഹസാർഡിനെയും സ്‌ക്വാഡിൽ സ്ഥാനം നൽകിയിട്ടുണ്ട്.

    ആദ്യപാദത്തിൽ സ്വന്തം തട്ടകമായ സാന്റിയാഗോ ബെർണബ്യുവിൽ വെച്ച് ഒന്നിനെതിരെ രണ്ട് ഗോളുകൾക്ക് സിറ്റിയോട് റയൽ തോറ്റിരുന്നു. അതിനാൽ തന്നെ എതിരില്ലാത്ത രണ്ടു ഗോളിന്റെ വിജയം മാത്രമാണ് റയലിന് മുന്നിലുള്ള പോംവഴി. എന്നിരുന്നാലും പരിചയസമ്പന്നനായ നായകൻ സെർജിയോ റാമോസിന്റെ അഭാവം റയലിന് വൻ തിരിച്ചടിയാവുമെന്നു തീർച്ചയാണ്.

    റയൽ മാഡ്രിഡ്‌ സ്‌ക്വാഡ് ഇങ്ങനെയാണ്: ഗോൾകീപ്പർമാർ: തിബോട് കോർട്‌വ, അൽഫോൻസ് അരിയോള, ഡീഗോ ആൽറ്റൂഡ്. പ്രതിരോധം: കർവഹാൾ, മിലിറ്റാവോ, റാമോസ്, നാച്ചോ, മാഴ്‌സെലോ, മെന്റി, ജാവി ഹെർണാണ്ടസ്. മധ്യനിര: ടോണി ക്രൂസ്, ലൂക്ക മോഡ്രിച്, കാസെമിരോ,ഫെഡെ വാൽവെർദേ, ഇസ്കോ. മുന്നേറ്റനിര: ഹസാർഡ്, ബെൻസിമ, വാസ്‌കസ്, ജോവിച്ച്, അസെൻസിയോ, ബ്രാഹിം ഡയസ്, വിനീഷ്യസ്, റോഡ്രിഗോ

     

  4. ബാഴ്സയിൽ നിന്നും ഹമേസിനു പിന്തുണ, സിദാനെതിരെ വിമർശനം

    Leave a Comment

    കൊളംബിയൻ സൂപ്പർതാരമായ ഹമേസ് റോഡ്രിഗസിനു പിന്തുണയുമായി ബാഴ്സലോണ മിഡ്ഫീൽഡർ അർതുറോ വിദാൽ. റയലിൽ ഈ സീസണിൽ അവസരങ്ങൾ വളരെ കുറവുള്ള താരം മറ്റേതെങ്കിലും ക്ലബിലേക്കു ചേക്കേറുന്ന കാര്യം പരിഗണിക്കണമെന്നു പറഞ്ഞ താരം സിദാനെതിരെ പരോക്ഷമായി വിമർശനം നടത്തുകയും ചെയ്തു. സ്പാനിഷ് മാധ്യമം മാർക്കയാണിതു വെളിപ്പെടുത്തിയത്.

    “ഹമേസ് എനിക്കു സഹോദരനെ പോലെയാണ്. ബയേൺ മ്യൂണിക്കിൽ ഉണ്ടായിരുന്ന സമയത്ത് ഞങ്ങൾ രണ്ടു പേരും മികച്ച സൗഹൃദം സൃഷ്ടിച്ചിരുന്നു. എപ്പോഴും സംസാരിക്കുന്ന ഞങ്ങൾ ഒഴിവുദിവസങ്ങളും ഒരുമിച്ചു ചിലവഴിച്ചിരുന്നു. റയൽ പരിശീലകനുമായി ഹമേസിനു പ്രശ്നങ്ങൾ ഉണ്ടെന്ന വാർത്തകൾ അസ്വസ്ഥത ഉണ്ടാക്കുന്നതാണ്.”

    “റയൽ മാഡ്രിഡിന്റെ ആദ്യ ഇലവനിൽ തന്നെ കളിക്കാൻ മികവുള്ള ഹമേസിന് ഈ വർഷം ഒരവസരം പോലും നൽകാത്തത് എന്തു കൊണ്ടാണെന്നു മനസിലാകുന്നില്ല. അദ്ദേഹം കളിക്കളത്തിൽ തുടരാൻ ഒരു ശരിയായ തീരുമാനമെടുക്കുമെന്ന് ഞാൻ പ്രതീക്ഷിക്കുന്നു. ഹമേസ് തിരിച്ചു വരാൻ ആരാധകരും കാത്തിരിക്കുകയാണ്.” വിദാൽ പറഞ്ഞു.

    കഴിഞ്ഞ സീസണിൽ അറ്റ്ലറ്റികോ മാഡ്രിഡ് തനിക്ക് ഓഫർ നൽകിയെങ്കിലും അതിനു റയൽ അനുവദിച്ചില്ലെന്ന് താരം വെളിപ്പെടുത്തിയിരുന്നു. അടുത്ത വർഷം കരാർ അവസാനിക്കുന്ന താരം ഈ സീസണു ശേഷം റയൽ വിടുമെന്നുറപ്പാണ്. മാഞ്ചസ്റ്റർ യുണൈറ്റഡുൾപ്പെടെ നിരവധി ക്ലബുകൾ താരത്തിനായി ശ്രമം നടത്തുന്നുണ്ട്.

  5. റയൽ സൂപ്പർതാരം അത്ലറ്റികോയിലേക്ക്, സൂചനകളിങ്ങനെ

    Leave a Comment

    സ്പാനിഷ് വമ്പന്‍മാരായ റയൽ മാഡ്രിഡിൽ അവസരങ്ങൾ കുറഞ്ഞുകൊണ്ടിരിക്കെ കൊളംബിയൻ സൂപ്പർതാരം ജെയിംസ് റോഡ്രിഗ്വസിന്റെ ഭാവിയെക്കുറിച്ചു വാചാലനാവുകയാണ് താരത്തിന്റെ വളർത്തച്ഛനായ യുവാൻ കാർലോ റെസ്ട്രെപ്പോ. റയൽ മാഡ്രിഡിലെ ഭാവിയെ സംബന്ധിച്ചു ധൃതിപിടിച്ചൊരു തീരുമാനവും അവൻ എടുക്കില്ലെന്നാണ് വളർത്തച്ഛൻ അഭിപ്രായപ്പെട്ടത്.

    “എന്റെ കാഴ്ചപ്പാടിൽ ജെയിംസ് ഒരു മികച്ച പ്രൊഫഷണലാണ്. ഇതുവരെ അതങ്ങനെ തന്നെ അവനു നിലനിർത്താൻ സാധിച്ചിട്ടുണ്ട്. കഠിനാധ്വാനം ചെയ്യുകയും തന്റെ കഴിവുകളുടെ പരമാവധി ട്രെയിനിങ് സമയത്തു പ്രതിഫലിപ്പിക്കാൻ അവനു സാധിക്കുന്നുണ്ട്. അവന്റെ ഏജന്റായ ജോർജെ മെൻഡസിന്റെ ഉപദേശങ്ങൾ കണക്കിലെടുത്തുകൊണ്ട് ഭാവിയിലേക്ക് മികച്ച തീരുമാനങ്ങളെടുക്കും.” കൊളംബിയൻ മാധ്യമത്തിനു നൽകിയ അഭിമുഖത്തിൽ ജെയിംസിനെക്കുറിച്ച് വളർത്തച്ഛൻ അഭിപ്രായപ്പെട്ടു.

    “എനിക്ക് അവന്റെ സന്തോഷം കാണുന്നതിനാണ് താത്പര്യം. കൂടാതെ ആദ്യ ടീമിൽ തന്നെ പതിവായി കളിക്കുന്നതിനും കഴിയണം. ധാരാളം മികച്ച ക്ലബ്ബുകൾ അവന്റെ സേവനങ്ങൾക്കായി താത്പര്യപ്പെടുന്നുണ്ട്. ഞാൻ സ്പാനിഷ് ഫുട്ബോളിന്റെ വലിയ ആരാധകനാണ്. സ്പാനിഷ് ക്ലബ്ബായ അത്ലറ്റികോ മാഡ്രിഡുമായി ഇപ്പോൾ ബന്ധപ്പെട്ടിട്ടുണ്ട്.

    അത്ലറ്റികോക്ക് മികച്ച ആരാധകക്കൂട്ടവും വളരെ മികച്ച പുതിയ സ്റ്റേഡിയവുമുണ്ട്. എന്നാൽ ഭാവിയിൽ എന്തു സംഭവിക്കുമെന്ന് പറയാൻ സാധിക്കില്ല കാരണം പ്രീമിയർ ലീഗിൽ നിന്നും ഇറ്റാലിയൻ ലീഗിൽ നിന്നും ഓഫറുകൾ വരുന്നുണ്ട്. ” ജയിംസ് ഭാവിയിൽ കൂടുമാറിയേക്കാവുന്ന ക്ലബ്ബുകളെക്കുറിച്ച് ചോദിച്ചപ്പോൾ റെസ്‌ട്രെപ്പോ വ്യക്‌തമാക്കി.

     

     

  6. ഈ പിറന്നാൾ കയ്പേറിയത്! റയലിൽ അവസരങ്ങളില്ലാതെ ലോകകപ്പ് സൂപ്പർതാരം

    Leave a Comment

    റയല്‍ മാഡ്രിഡ്ടീമില്‍ ഈ സീസണില്‍ കൂടുതല്‍ അവസരങ്ങള്‍ ലഭിക്കാതെവിഷമിക്കുകയാണ്കൊളംബിയന്‍ സൂപ്പര്‍താരം ജെയിംസ് റോഡ്രിഗസ്. ഇരുപത്തൊമ്പതാം പിറന്നാള്‍ആഘോഷിക്കുമ്പോഴും റോഡ്രിഗസിനോട് സിദാന്റെസമീപനംതാരത്തിന്റെ പിറന്നാള്‍ മധുരം കയ്‌പേറിയതാക്കുകയാണ്.

    2014 ലോകകപ്പിലെ മികച്ച പ്രകടനമാണ്ജെയിംസ് റോഡ്രിഗസിനെ റയല്‍മാഡ്രിഡിലെത്തിക്കുന്നത്. ആ ലോകകപ്പില്‍ ഏറ്റവും മികച്ച താരമായി റോഡ്രിഗസ് തിരഞ്ഞെടുക്കപ്പെടുകയും ചെയ്തിരുന്നു. ബയേണ്‍മ്യൂണിക്കില്‍ ലോണില്‍ കളിച്ചിരുന്ന താരം ഈ സീസണില്‍റയല്‍ മാഡ്രിഡില്‍ തിരിച്ചെത്തുകയായിരുന്നു.

    സീസണില്‍ പരിക്കു മൂലം കുറെ നാളുകള്‍ റോഡ്രിഗ്വസിനു കളിക്കാന്‍ കഴിഞ്ഞിരുന്നില്ല. പരിക്കിനും കൊറോണക്കും ശേഷം റയല്‍ സോസിഡാഡിനെതിരെ ആദ്യമായി കളിക്കളത്തിലിറങ്ങിയെങ്കിലും അതിനു ശേഷം ജെയിംസ് റോഡ്രിഗ്വസിന് കാര്യമായി അവസരങ്ങള്‍ ലഭിച്ചിട്ടില്ല. പിറന്നാള്‍ ദിനത്തിനെങ്കിലും അവസരം കിട്ടുമെന്നു പ്രതീക്ഷിച്ച റോഡ്രിഗസിനെ ഗെറ്റാഫെക്കെതിരെയുള്ള സ്‌ക്വാഡില്‍ സിദാന്‍ ഉള്‍പ്പെടുത്തിയിട്ടില്ല.

    പരിശീലകനായ സിനദിന്‍ സിദാന്‍ താരത്തില്‍ കാര്യമായ വിശ്വാസമര്‍പ്പിക്കാത്തത് ജെയിംസ് റോഡ്രിഗ്വസിനെ മാനസികമായി തളര്‍ത്തിയിരിക്കുകയാണ്. ഇത്തരത്തിലാണ് കാര്യങ്ങളുടെ പോക്കെങ്കില്‍ അടുത്ത സീസണ്‍ തന്റെ ഇഷ്ട ക്ലബ്ബിനോട് താരം വിടപറയുമെന്നാണ് റിപോര്‍ട്ടുകള്‍ സൂചിപ്പിക്കുന്നത്.. ഈ സീസണില്‍ കൂടുതല്‍ അവസരങ്ങള്‍ക്ക് വേണ്ടി പ്രതീക്ഷയിലാണ് താരം.