ഇന്ത്യന് ഫുട്ബോള് ടീം നായകന് സുനില് ഛേത്രി ബംഗളൂരു എഫ്സിയില് തുടരും. ക്ലബുമായി രണ്ട് വര്ഷത്തെ പുതിയ കരാറിലാണ് സുനില് ഛേത്രി ഒപ്പുവച്ചിരിക്കുന്നത്. വിവരം ക്ലബ് ഔദ്യോഗികമായി സ്ഥിരീകരിച്ചിട്ടുണ്ട്. ഇതോടെ ഛേത്രി ക്ലബ് വിട്ടേയ്ക്കും എന്ന അഭ്യൂഹങ്ങള്ക്കാണ് അറുതിയായത്.
2013 ലാണ് ഛേത്രി ബെംഗളൂരുവില് എത്തുന്നത്. ഈ സീസണ് അവസാനത്തോടെ ബംഗളൂരു എഫ്സിയുമായുള്ള താരത്തിന്റെ കരാര് അവസാനിച്ചിരുന്നു.
ഇതോടെ താരം മറ്റ് ഏതെങ്കിലും ക്ലബിലേക്ക് കൂടുമാറുമെന്ന് അഭ്യൂഹങ്ങള് ഉയര്ന്നു. എന്നാല്, അതിനൊക്കെ വിരാമമിട്ടാണ് താരം ഇപ്പോള് പുതിയ കരാറില് ഒപ്പുവച്ചിരിക്കുന്നത്.
We're getting your week underway with a friendly reminder that Sunil Chhetri's going nowhere! #Chhetri2023 pic.twitter.com/JWCAGsWydn
— Bengaluru FC (@bengalurufc) June 21, 2021
ബംഗളൂരുവിനായി ഏറ്റവുമധികം മത്സരങ്ങള് കളിച്ച താരമാണ് ഛേത്രി. 203 മത്സരങ്ങളില് മുന് ചാമ്പ്യന്മാര്ക്കു വേണ്ടി കളത്തിലിറങ്ങിയ താരം 101 ഗോളുകളാണ് ക്ലബ് ജഴ്സിയില് നേടിയത്. ബെംഗളൂരുവിനായി ഏറ്റവുമധികം ഗോളുകള് നേടിയ താരവും ഛേത്രിയാണ്.
രണ്ട് ഐലീഗ്, രണ്ട് ഫെഡറേഷന് കപ്പ്, ഐഎസ്എല്, സൂപ്പര് കപ്പ് എന്നീ കിരീടനേട്ടങ്ങളാണ് ഇതുവരെ ബെംഗളൂരുവിനൊപ്പം ഛേത്രി നേടിയത്.