; )
ലയണൽ മെസിയുടെ തിരിച്ചുവരവിനായി കാത്തിരിക്കുകയാണ് ബാഴ്‌സലോണ ആരാധകർ. സാമ്പത്തിക പ്രതിസന്ധിയെ തുടർന്ന് രണ്ടു വർഷം മുൻപ് ക്ലബ് വിട്ട ലയണൽ മെസിയുടെ പിഎസ്‌ജി കരാർ അവസാനിച്ചതോടെയാണ് താരത്തെ സ്വന്തമാക്കാൻ ബാഴ്‌സ ശ്രമം തുടങ്ങിയത്. പിഎസ്‌ജി പുതിയ കരാർ മെസിക്ക് വാഗ്‌ദാനം ചെയ്‌തെങ്കിലും ആരാധകർ എതിരായതോടെ താരം അത് നിഷേധിക്കുകയായിരുന്നു.
മെസി പിഎസ്‌ജി കരാർ പുതുക്കാതെ വന്നതോടെ താരത്തെ സ്വന്തമാക്കാൻ ബാഴ്‌സലോണ ശ്രമങ്ങൾ ആരംഭിച്ചു. ഇപ്പോഴും സാമ്പത്തിക പ്രതിസന്ധിയിലൂടെ മുന്നോട്ടു പോവുകയാണെങ്കിലും അതിനെ മറികടക്കാനുള്ള ശ്രമങ്ങൾ ബാഴ്‌സലോണ ആരംഭിച്ചിട്ടുണ്ട്. അതിനിടയിൽ ലയണൽ മെസി ബാഴ്‌സലോണയിലേക്ക് തന്നെ വരുമെന്ന സൂചനകൾ മെസിയുടെ അടുത്ത സുഹൃത്തായ സുവാരസ് നൽകിയത്.
Luis Suarez on his IG story: "Back Leo Messi"
— FC Barcelona Fans Nation (@fcbfn_live) April 20, 2023
ലയണൽ മെസിയും ലൂയിസ് സുവാരസും ബാഴ്‌സലോണയിൽ ഉണ്ടായിരുന്ന സമയത്ത് അവർ ഗോളുകൾ ആഘോഷിക്കുന്നതിന്റെ ചിത്രം കഴിഞ്ഞ ദിവസം ബാഴ്‌സലോണ പോസ്റ്റ് ചെയ്‌തിരുന്നു. അതു ഇൻസ്റ്റാഗ്രാം സ്റ്റോറിയാണ് ഷെയർ ചെയ്‌ത സുവാരസ് അതിൽ ലയണൽ മെസിയെ മെൻഷൻ ചെയ്‌തതിനു ശേഷം “ബാക്ക്” എന്ന സ്റ്റിക്കർ ഇട്ടതാണ് താരം മെസി തിരിച്ചു വരുമെന്ന വലിയ സൂചന നൽകിയെന്ന് ആരാധകർ വിശ്വസിക്കാൻ കാരണം.
ലയണൽ മെസിയുടെ അടുത്ത സുഹൃത്താണ് ലൂയിസ് സുവാരസെന്ന കാര്യം ഏവർക്കും അറിയാവുന്നതാണ്. മെസിയുടെ സ്വകാര്യജീവിതത്തിലെ പല കാര്യങ്ങളും സുവാരസിന് അറിയുന്നുമുണ്ടാകാം. അതുകൊണ്ടു തന്നെ താരം നൽകിയ സൂചന മെസി ബാഴ്‌സയിലേക്ക് തിരിച്ചു വരുമെന്നതിൽ വ്യക്തത വരുത്തുന്നുവെന്നാണ് ആരാധകർ കരുതുന്നത്. ബാഴ്‌സലോണ താരത്തെ തിരിച്ചെത്തിക്കാനുള്ള ശ്രമങ്ങളും ആരംഭിച്ചിട്ടുണ്ട്.