ഏറ്റവും പഴക്കം ചെന്ന എഫ്എ കപ്പ് രഹസ്യമായി സ്വന്തമാക്കിയിരിക്കുകയാണ് മാഞ്ചസ്റ്റർ സിറ്റിയുടെ അറബ് ഉടമയായ ഷെയ്ഖ് മൻസൂർ. ഏഴുലക്ഷത്തിഅറുപതിനായിരം പൗണ്ടിനാണ് മൻസൂർ എഫ്എ കപ്പ് സ്വന്തമാക്കിയിരിക്കുന്നത്. വെസ്റ്റ്ഹാമിന്റെ ഉടമയായ ഡേവിഡ് ഗോൾഡ് കഴിഞ്ഞ വർഷം ഈ പഴക്കമേറിയ വിൽക്കണമെന്ന് തീരുമാനിച്ചിരുന്നു.
1896 മുതൽ 1910 വരെ നിലവിലുണ്ടായിരുന്ന ഈ ട്രോഫി ഇംഗ്ലണ്ടിൽ നിന്നുതന്നെ നഷ്ടപ്പെടുമോയെന്നു ആ സമയത്ത് ഭയപ്പെട്ടിരുന്നു. എന്നാലിപ്പോൾ ഷെയ്ഖ് മൻസൂർ വാങ്ങിയതോടെ അത് മാഞ്ചസ്റ്റർ സിറ്റിക്ക് സ്വന്തമാവുകയായിരുന്നു. ഇംഗ്ലണ്ട് ആർട്ട് കൗൺസിൽ ചരിത്രപരമായി വളരെയധികം പ്രാധാന്യമുള്ള വസ്തുവായി കണക്കാക്കുന്ന ഒന്നാണ് ഈ എഫ്എ കപ്പ്.
We are delighted to announce we are now the proud custodian of the 1896–1910 #FACup following the recent purchase of the trophy at auction by Club owner, His Highness Sheikh Mansour bin Zayed.
— Manchester City (@ManCity) January 8, 2021
???? #ManCity | https://t.co/axa0klD5rehttps://t.co/eRBRdbTFm0
സിറ്റി ഉടമ വാങ്ങിയെങ്കിലും എഫ്എ കപ്പ് നാഷണൽ ഫുട്ബോൾ മ്യൂസിയത്തിലേക്ക് അപരിമിതമായ കാലത്തേക്ക് ലോണിൽ നൽകാനും സിറ്റി തയ്യാറായിരിക്കുകയാണ്. ഈ ട്രോഫി സിറ്റിയെ സംബന്ധിച്ചിടത്തോളം വലിയ പ്രാധാന്യമർഹിക്കുന്ന ഒന്നാണ്. 1904ൽ സിറ്റിക്ക് ആദ്യമായി ലഭിച്ച കിരീടമാണിത്. ചിരവൈരികളായ മാഞ്ചസ്റ്റർ യുണൈറ്റഡ് പോലും സിറ്റി എടുത്തതിനു ശേഷം അഞ്ചു വർഷങ്ങൾ കഴിഞ്ഞാണ് ആദ്യ എഫ്എ കപ്പ് ഉയർത്തുന്നത്.
എന്നാൽ ഇംഗ്ലണ്ടിന് നഷ്ടപ്പെടുമെന്ന് കരുതിയ നാഷണൽ ഫുട്ബോൾ മ്യൂസിയത്തിനു നൽകാൻ സിറ്റി തീരുമാനിച്ചത് ഒരു ശുഭകരമായ വാർത്തയാണെന്നാണ് മ്യൂസിയം ചീഫ് എക്സിക്യൂട്ടീവ് ആയ ടിം ഡെസ്മോൻഡ് അഭിപ്രായപ്പെട്ടത്. തങ്ങളുടെ കായികപരമായ പൈതൃകം ഉയർത്തിപ്പിടിക്കാൻ മൻസൂറിന്റെ ഈ നീക്കം സഹായിച്ചുവെന്നും അദ്ദേഹം നന്ദി അറിയിച്ചു.