അടുത്തിടെയായി മത്സരങ്ങളിൽ ഗോൾ കണ്ടെത്താൻ വിഷമിക്കുന്ന ഒരു ടീമായി മാറിയിരിക്കുകയാണ് പ്രീമിയർ ലീഗ് വമ്പന്മാരായ മാഞ്ചസ്റ്റർ സിറ്റി. മുന്നേറ്റത്തിൽ സൂപ്പർസ്‌ട്രൈക്കറായ സെർജിയോ അഗ്വേറോ പരിക്കു പറ്റി പുറത്തിരിക്കുന്നതും ഒരു മികച്ച സ്‌ട്രൈക്കറില്ലാതെ കളിക്കേണ്ടി വരുന്നതും ഗോളടിയെ വലിയ രീതിയിൽ ബാധിച്ചിട്ടുണ്ടെന്നതാണ് വാസ്തവം. അതു കൊണ്ടു തന്നെ 33കാരന് പകരക്കാരനെ കണ്ടെത്താനുള്ള നീക്കമാരംഭിച്ചിരിക്കുകയാണ്‌ പെപ്‌ ഗാർഡിയോള.

ഡോർട്മുണ്ടിന്റെ സൂപ്പർതാരം എർലിംഗ് ഹാളണ്ടിനെ മാഞ്ചസ്റ്റർ സിറ്റി പരിഗണിക്കുന്നുണ്ടെങ്കിലും സെർജിയോ അഗ്വേറോക്ക് പകരക്കാരനായി സിറ്റി കൂടുതൽ പരിഗണന നൽകുന്നത് പ്രീമിയർ ലീഗിൽ പരിചയസമ്പന്നനായ ഹാരി കെയ്‌നിനെയാണെന്നാണ് പുതിയ റിപ്പോർട്ടുകൾ ഉയർന്നു വരുന്നത്. സെർജിയോ അഗ്വേറോയുടെ ദീർഘകാല പകരക്കാരനായാണ് ഹാരി കെയ്നെ സിറ്റി നോക്കിക്കാണുന്നത്.

Manchester City are plotting a £90 million move for Harry Kane, claims the Daily Mail ???? pic.twitter.com/YC6tJQ4GQH

— Goal (@goal) January 1, 2021

വരുന്ന സമ്മറിലാണ് താരത്തെ സ്വന്തമാക്കാൻ സിറ്റി പദ്ധതിയിടുന്നത്. റെക്കോർഡ് തുകയായ 90 മില്യൺ യൂറോക്ക് താരത്തെ സ്വന്തമാക്കാനാണ് സിറ്റിയുടെ നീക്കം. പരിചയസമ്പന്നനായ ഹാരി കെയ്ൻ ഒരുവിധം എല്ലാ സീസണുകളിലും ഇരുപതിലധികം ഗോളുകൾ സ്വന്തമാക്കുന്ന താരത്തിനു രണ്ടു പ്രീമിയർ ലീഗ് ഗോൾഡൻ ബൂട്ടുകളും സ്വന്തമാക്കാൻ സാധിച്ചിട്ടുണ്ട്.

ഈ സീസണിലും സൺ ഹ്യുങ് മിന്നിനൊപ്പം ഒരു മികച്ച കൂട്ടുകെട്ടോടെ ഗോളടിച്ചു കൂട്ടാൻ കെയ്നിനു സാധിച്ചിട്ടുണ്ട്. പതിനഞ്ചു മത്സരങ്ങളിൽ നിന്നായി 9 ഗോളുകൾ നേടിയ കെയ്ൻ 10 അസിസ്റ്റുകളുമായി പ്രീമിയർ മികച്ച പ്രകടനം തുടരുകയാണ് കെയ്ൻ. ഈ സീസണിലും ടോട്ടനത്തിനു ഒന്നും നേടാനായില്ലെങ്കിൽ ക്ലബ്ബ് വിടുമെന്ന് കഴിഞ്ഞ മാർച്ചിൽ തന്നെ കെയ്ൻ ക്ലബിനോട് സൂചിപ്പിച്ചിരുന്നു. ഈ സാഹചര്യം മുതലെടുക്കാനാണ് സിറ്റിയുടെ നീക്കം