ഐഎസ്എല് ഏഴാം സീസണില് ശേഷിക്കുന്ന മത്സരങ്ങളില് കേരള ബ്ലാസ്റ്റേഴ്സിനെ ഇടക്കാല കോച്ച് ഇഷ്ഫാഖ് പരിശീലിപ്പിക്കും. പകരക്കാരനായി സ്ഥിരം കോച്ചിനെ പ്രഖ്യാപിക്കുന്നതുവരെ, ഇടക്കാല അടിസ്ഥാനത്തില് അസിസ്റ്റന്റ് കോച്ച് ഇഷ്ഫാഖ് അഹമ്മദ് കേരള ബ്ലാസ്റ്റേഴ്സ് എഫ്സിയുടെ മുഖ്യ പരിശീലകനായി ചുമതലയേല്ക്കുന്നത്.
കഴിഞ്ഞ ദിവസമാണ് പരസ്പര ധാരണയോടെ, മുഖ്യപരിശീലകന് കിബു വികുനയുമായി ബന്ധം കേരള ബ്ലാസ്റ്റേഴ്സ് ഉപേക്ഷിച്ചത്. പൊതുവേ കിബു വികുന എന്ന് അറിയപ്പെടുന്ന, ജോസ് അന്റോണിയോ വികുന ഒചന്ദൊറേന എന്ന സ്പാനിഷ് ഫുട്ബോള് മാനേജര്, പെഡ്രോ മറ്റാസിലെ എല് റെഡിന് സ്കൂളില് നിന്നാണ് തന്റെ കാല്പന്ത് ജീവിതം ആരംഭിച്ചത്. ഒരു യൂണിവേഴ്സിറ്റി താരത്തില് നിന്ന് ടീം പരിശീലകനായി വരെ അദ്ദേഹം തന്റെ ഔദ്യോഗിക കാല്പന്ത് ജീവിതം അത്യന്തികമായി വിപുലീകരിച്ചു. എഫ്കെ റിറ്റീരിയ, വിസ പിയോക്ക്, മോഹന് ബഗാന് എന്നിവയാണ് കേരള ബ്ലാസ്റ്റേഴ്സിന് മുമ്പ് അദ്ദേഹം പരിശീലിപ്പിച്ച ടീമുകള്. 2020 ഏപ്രില് 22നാണ് കിബു വികുന കേരള ബ്ലാസ്റ്റേഴ്സ് എഫ്സിയുടെ മുഖ്യപരിശീലകനായി നിയമിതനായത്.
എന്തുകൊണ്ട് ബ്ലാസ്റ്റേഴ്സ് വിടുന്നു, നിലപാട് വ്യക്തമാക്കി കിബു വികൂന
കേരള ബ്ലാസ്റ്റേഴ്സിന്റെ ഈ സീസണിലെ മോശം പ്രകടനത്തിന്റെ ഉത്തരവാദി താനാണെന്നും അതിനാലാണ് താന് ബ്ലാസ്റ്റേഴ്സിന്റെ പരിശീലക സ്ഥാനം ഒഴിയുന്നതെന്നും സ്പാനിഷ് കോച്ച് കിബു വികൂന. ക്ലബും താരങ്ങളും ആരാധകരും തനിയ്ക്ക് തന്ന പിന്തുണ മറക്കാനാകാത്തതാണെന്നും കിബു കൂട്ടിചേര്ത്തു.
നിര്ഭാഗ്യവശാല്, അസാധാരണവും അപ്രതീക്ഷിതവുമായ സീസണായിരുന്നു ഇതെന്ന് വേര്പിരിയില് തീരുമാനത്തെക്കുറിച്ച് സംസാരിച്ച കിബു വികുന പറഞ്ഞു. ഞാന് ചെയ്യുന്ന കാര്യങ്ങളില് സ്വയം ഉത്തരവാദിത്വം ഉണ്ടാവണമെന്നാണ് എന്റെ മാതാപിതാക്കള് എന്നെ പഠിപ്പിച്ചത്. അതിനാല് ഞാന് എല്ലായ്പ്പോഴും എന്റെ പരമാവധി അതിനായി നല്കി, ഒരു ഒഴിവുകഴിവും അക്കാര്യത്തിലുണ്ടായില്ല’ കിബു പറഞ്ഞു.
കരോളിസിന് പറയാനുളളത്
‘മാനേജ്മെന്റ്, താരങ്ങള്, കോച്ചിങ് സ്റ്റാഫ്, ക്ലബ് അംഗങ്ങള് എന്നിവരുടെ തൊഴില്പരമായ വൈശിഷ്ട്യം, അനുകമ്പ, ആത്മബന്ധം എന്നിവയ്ക്ക് ഞാന് നന്ദി പറയുന്നു. പ്രത്യേകിച്ചും, ആദ്യം മുതല് അവസാന ദിവസം വരെ പിന്തുണ നല്കിയതിന്, കേരള ബ്ലാസ്റ്റേഴ്സ് ആരാധകര്ക്ക് എന്റെ നന്ദി അറിയിക്കാനും ഞാന് ആഗ്രഹിക്കുന്നു, ഇത് നിങ്ങളെ വിശിഷ്ടവും വിസ്മയകരവുമാക്കി. നിങ്ങള്ക്കും ക്ലബ്ബിനും ഭാവിയില് എല്ലാവിധ ആശംസകളും നേരുന്നു. നിങ്ങള് അത് അര്ഹിക്കുന്നു’ കിബു വികുന കൂട്ടിചേര്ത്തു.
ഈ തീരുമാനത്തിലെ സത്യസന്ധതയ്ക്കും ഉത്തരവാദിത്തത്തിനും കിബുവിന് നന്ദി പറയാന് ഞാന് ആഗ്രഹിക്കുന്നതായി കേരള ബ്ലാസ്റ്റേഴ്സ് എഫ്സി സ്പോര്ട്ടിങ് ഡയറക്ടര് നിലപാട് പറഞ്ഞ് കരോലിസ് സ്കിന്കിസും