; )
അറ്റലാന്റയുമായി നടന്ന കോപ്പ ഇറ്റാലിയ ഫൈനലിൽ ഒന്നിനെതിരെ രണ്ടു ഗോളുകൾക്ക് തോൽപ്പിച്ച് കിരീടം സ്വന്തമാക്കിയിരിക്കുകയാണ് യുവന്റസ്. അറ്റലാന്റക്കായി മാലിനോവ്സ്കി ഗോൾ നേടിയപ്പോൾ യുവൻ്റസിനായി ദേജൻ കുലുസേവ്സ്കിയും ഫെഡറിക്കോ കിയേസ വിജയഗോൾ കണ്ടെത്തുകയായിരുന്നു. സൂപ്പർതാരം ക്രിസ്ത്യാനോ റൊണാൾഡോക്ക് ഗോളുകളൊന്നും നേടാനായില്ലെങ്കിലും മികച്ച പ്രകടനം കാഴ്ചവെക്കാൻ സാധിച്ചിരുന്നു.
ഇത്തവണ ലീഗ് കിരീടം നിലനിർത്താനായില്ലെങ്കിലും രണ്ടു വർഷമായി കൈവിട്ടു പോയ കോപ്പ ഇറ്റാലിയ കിരീടം തിരിച്ചു പിടിക്കാനായത് ആശ്വാസമായിട്ടുണ്ട്. പിർലോയുടെ യുവൻ്റസ് പരിശീലക ജീവിതത്തിലെ രണ്ടാമത്തെ കിരീടമാണിത്.
White & black ribbons on the #TIMVISIONCUP ⚪⚫ 🏆@juventusfcen@TIM_Official @TIM_vision#WeAreCalcio pic.twitter.com/e3oPG8sUrg
— Lega Serie A (@SerieA_EN) May 20, 2021
യുവൻ്റസിലെത്തിയതിനു ശേഷം കോപ്പ ഇറ്റാലിയ കിരീടം കൂടി നേടിയതോടെ മൂന്ന് വ്യത്യസ്ത ലീഗുകളിൽ മൂന്നു ആഭ്യന്തരകിരീടങ്ങളും നേടുന്ന ഏക താരമെന്ന നേട്ടം ക്രിസ്ത്യാനോക്ക് സ്വന്തമായിരിക്കുകയാണ്. ഇതോടെ തൻ്റെ കരിയറിലെ 42ആം കിരീടത്തിലാണ് ക്രിസ്ത്യാനോ മുത്തമിടുന്നത്.
.@federicochiesa is @CocaCola MVP of the match 🌟⚽🔝#TIMVISIONCUP #AtalantaJuve #WeAreCalcio pic.twitter.com/4Yj9CAHvJB
— Lega Serie A (@SerieA_EN) May 19, 2021
കോപ്പ ഇറ്റാലിയ കിരീടം സ്വന്തമാക്കിയെങ്കിലും പിർേലോയുടെ യുവന്റസിലെ നിലനിൽപ് അത്ര തൃപ്തികരമല്ലെന്നാണ് റിപ്പോർട്ടുകൾ. ഇത്തവണ ചാമ്പ്യൻസ്‌ലീഗ് യോഗ്യത നേടാനായില്ലെങ്കിൽ യുവന്റസിൽ നിന്നും പിർലോക്ക് പുറത്തു പോകേണ്ടി വരുമെന്നാണ് അഭ്യൂഹങ്ങൾ. യോഗ്യത നേടാനായില്ലെങ്കിൽ ക്രിസ്ത്യാനോയും ക്ലബ്ബ് വിട്ടേക്കുമെന്നും റിപ്പോർട്ടുകളുണ്ട്.