പ്രതിരോധത്തിലേക്ക് 50 മില്യൺ യൂറോക്ക് ലൈസസ്റ്റർ സിറ്റിയിൽ നിന്നും ചെൽസി സ്വന്തമാക്കിയ ഇംഗ്ലീഷ് താരമാണ് ബെൻ ചിൽവെൽ. ചിൽവെല്ലിന്റെ വരവോടെ ലാംപാർഡിന്റെ ടീമിൽ അവസരങ്ങൾ കുറഞ്ഞ സ്പാനിഷ് പ്രതിരോധതാരമാണ് മാർക്കോസ് അലോൺസോ. ഈ സീസണിൽ പ്രീമിയർലീഗിൽ ആകെ മൂന്നു മത്സരങ്ങളിൽ മാത്രമേ അലോൺസോക്ക് കളിക്കാൻ സാധിച്ചിട്ടുള്ളൂ.
ഇറ്റാലിയൻ ക്ലബ്ബായ ഫിയോരെന്റിനയിൽ നിന്നും 2016ൽ ചെൽസിയിലേക്ക് ചേക്കേറിയ താരത്തിനു ചെൽസിക്കൊപ്പം അവസാന പതിനൊന്നു മത്സരങ്ങളിൽ കളിക്കാം സാധിച്ചിട്ടില്ല.അതിനാൽ തന്നെ ഈ ജനുവരി ട്രാൻസ്ഫറിൽ ചെൽസിയിൽ നിന്നും പുറത്തു പോവാനുള്ള സാധ്യതയാണ് തെളിഞ്ഞു വരുന്നത്. പുതിയ റിപ്പോർട്ടുകൾ പ്രകാരം ലാലിഗ വമ്പന്മാരായ അത്ലറ്റിക്കോ മാഡ്രിഡ് താരത്തിനായി ശ്രമം തുടങ്ങിയതായാണ് അറിയാനാകുന്നത്.
Inter Linked Marcos Alonso Will Join Atletico Madrid Next Month, Italian Media Report https://t.co/TuUbrJC1pl #FCIM #InterFans #ForzaInter pic.twitter.com/MUweufPQn1
— SempreInter (@SempreIntercom) December 26, 2020
സ്പാനിഷ് ടീവി പരിപാടിയായ എൽ ചിരിങ്യുറ്റോയുടെ റിപ്പോർട്ടുകൾ പ്രകാരം 29കാരൻ താരത്തിനായി അത്ലറ്റിക്കോ മാഡ്രിഡ് ലോണിൽ വിട്ടുകിട്ടാനായി ശ്രമങ്ങൾ ആരംഭിച്ചുവെന്നാണ്. താരത്തിന്റെ ശമ്പളമായ ഒരു ലക്ഷം പൗണ്ടിന്റെ 50 ശതമാനം അത്ലറ്റിക്കോ മാഡ്രിഡ് നൽകാമെന്നുമുള്ള നിബന്ധനയും അത്ലറ്റിക്കോ മാഡ്രിഡ് മുന്നോട്ടു വെക്കുന്നുണ്ട്. അത്ലറ്റിക്കോ മാഡ്രിഡിനു പിന്നാലെ ഇന്റർമിലാനും താരത്തിനായി ശ്രമമരംഭിച്ചിട്ടുണ്ട്.
അന്റോണിയോ കോണ്ടേയുടെ പ്രിയതാരമായ അലോൺസോയെ സ്ഥിര കരാറിൽ സ്വന്തമാക്കാനാണ് ഇന്റർ മിലാന്റെ ശ്രമം. എന്നാൽ ഇറ്റലിയിലേക്ക് താരത്തെ വിടുന്നതിൽ ലാംപാർഡ് എതിർപ്പ് പ്രകടിപ്പിച്ചിരുന്നു. പരിശീലനത്തിൽ താരത്തിന്റെ പ്രകടനത്തിൽ നിരാശ പ്രകടിപ്പിച്ച ലാംപാർഡ് അത്ലറ്റിക്കോ മാഡ്രിഡിലേക്കുള്ള ലോൺ ഡീലിനെ പരിഗണിക്കുമെന്ന് തന്നെയാണ് പ്രതീക്ഷിക്കുന്നത്.