; )
ഐപിഎല്ലില്‍ നിന്നും ഉള്‍പ്പെടെ വിരമിക്കല്‍ പ്രഖ്യാപിച്ചതിന് പിന്നാലെ റോഡ് സേഫ്റ്റി ലോക സീരിസില്‍ കളിക്കുന്ന സുരേഷ് റെയ്ന തകര്‍പ്പന്‍ ഫില്‍ഡിംഗ് പ്രകടനവുമായി ക്രിക്കറ്റ് ലോകത്തിന്റെ മനംകവരുകയാണ്. റോഡ് സേഫ്റ്റി ലോക സീരീസിലെ ഇന്ത്യ ലെജന്‍ഡ്സും ഓസ്ട്രേലിയ ലെജന്‍ഡ്സും ഏറ്റുമുട്ടിയ സെമി ഫൈനല്‍ പോരിലാണ് റെയ്നയുടെ ക്യാച്ച് വന്നത്.
ഓസീസ് താരം ബെന്‍ ഡങ്കിനെ പുറത്താക്കാന്‍ സുരേഷ് റെയ്ന തന്റെ ഇടത്തേക്ക് ഡൈവ് ചെയ്ത് ക്യാച്ച് എടുത്തത്. 25 പന്തില്‍ നിന്ന് 46 റണ്‍സ് എടുത്ത് നില്‍ക്കെയാണ് ഡങ്കിനെ റെയ്ന പോയിന്റില്‍ ക്യാച്ച് എടുത്ത് മടക്കിയത്. വായുവില്‍ ഉയര്‍ന്ന് ചാടിയായിരുന്നു റെയ്നയുടെ തകര്‍പ്പന്‍ ക്യാച്ച്.
What a dive. What a catch 😱✨@ImRaina you beauty ♥️
Dekhte rahiye @India__Legends vs @aussie_legends in the #RoadSafetyWorldSeries now, only on @Colors_Cineplex, @justvoot, Colors Cineplex Superhits and @Sports18. pic.twitter.com/gXMHxd1KTy
— Colors Cineplex (@Colors_Cineplex) September 28, 2022
മഴ കളി മുടക്കിയതിനെ തുടര്‍ന്ന് സെമി ഫൈനല്‍ മത്സരം അടുത്ത ദിവസത്തെക്ക് മാറ്റി വെക്കേണ്ടതായി വന്നു.
കഴിഞ്ഞ ഐപിഎല്‍ സീസണില്‍ ഫ്രാഞ്ചൈസികള്‍ സ്വന്തമാക്കാന്‍ മുന്‍പോട്ട് വരാതിരുന്നതോടെയാണ് റെയ്നക്ക് സീസണ്‍ നഷ്ടമായത്. പിന്നാലെ താരം കമന്ററി ബോക്സിലേക്ക് എത്തി. റോഡ് സേഫ്റ്റി ലോക സീരിസ് ആരംഭിക്കുന്നതിന് മുന്‍പായി ഡൊമസ്റ്റിക് ക്രിക്കറ്റില്‍ നിന്നും റെയ്ന വിരമിക്കല്‍ പ്രഖ്യാപിക്കുകയായിരുന്നു.