; )
എഫ്‌സി ഗോവയുടെ മൊറോക്കൻ താരമായ നോവ സദൂയിയെ സ്വന്തമാക്കാൻ ബ്ലാസ്റ്റേഴ്‌സ് ശ്രമം നടത്തുന്നുണ്ടെന്ന വാർത്തകൾ ഇന്നലെ മുതൽ സോഷ്യൽ മീഡിയയിൽ പടരുന്നുണ്ട്. ഈ സീസണോടെ കരാർ അവസാനിക്കുന്ന താരത്തിന് ഗോവയിൽ തുടരാൻ താൽപര്യമില്ല. ഫ്രീ ഏജന്റായി താരത്തെ സ്വന്തമാക്കാനുള്ള അവസരം മുതലെടുക്കാനുള്ള പദ്ധതിയാണ് കേരള ബ്ലാസ്റ്റേഴ്‌സിന്റേത്.
എന്തായാലും ബ്ലാസ്റ്റേഴ്‌സിന്റെ പദ്ധതികൾ വിജയം കാണുന്നുണ്ടെന്നാണ് ഏറ്റവും പുതിയ റിപ്പോർട്ടുകൾ പറയുന്നത്. റിപ്പോർട്ടുകൾ പ്രകാരം നോവ സദൂയിയും ബ്ലാസ്റ്റേഴ്‌സും തമ്മിൽ നടത്തുന്ന കരാർ ചർച്ചകൾ അവസാന ഘട്ടത്തിലാണ്. ഒരു ചുവടു കൂടി മുന്നോട്ടു പോയാൽ താരവുമായി ബ്ലാസ്റ്റേഴ്‌സ് കരാറിലെത്തുമെന്ന് വിവിധ മാധ്യമങ്ങൾ റിപ്പോർട്ട് ചെയ്യുന്നു.
🥇💣 Kerala Blasters are in final stage of negotiations with Noah Sadaoui 🇲🇦 @ManoramaDaily #KBFC pic.twitter.com/oo5ROoY700
— KBFC XTRA (@kbfcxtra) March 10, 2024
അതിനിടയിൽ താരവുമായി ബ്ലാസ്റ്റേഴ്‌സ് കരാറിലെത്തിയെന്ന വാർത്തകളും വരുന്നുണ്ടെങ്കിലും അതൊന്നും സ്ഥിരീകരിക്കപ്പെട്ടിട്ടില്ല. എന്തായാലും മൊറോക്കൻ താരം കേരള ബ്ലാസ്റ്റേഴ്‌സിന്റെ ഓഫറിനെ വളരെ താല്പര്യത്തോടെയാണ് പരിഗണിക്കുന്നതെന്നാണ് മനസിലാക്കാൻ കഴിയുന്നത്. താരം ടീമിലെത്തിയാൽ അത് കേരള ബ്ലാസ്റ്റേഴ്‌സ് ടീമിനൊരു മുതൽക്കൂട്ടുമായിരിക്കും.
രണ്ടു വർഷമായി ഐഎസ്എല്ലിലുള്ള സദൂയി ആദ്യത്തെ സീസണിൽ പതിനെട്ടു ഗോളുകളിലാണ് പങ്കാളിയായത്. ഈ സീസണിൽ ആ നിലവാരത്തിലേക്ക് ഉയരാൻ കഴിഞ്ഞില്ലെങ്കിലും അഞ്ചു ഗോളും രണ്ട് അസിസ്റ്റും താരത്തിന്റെ പേരിലുണ്ട്. ലെഫ്റ്റ് വിങ്ങാണ് പ്രധാനപ്പെട്ട പൊസിഷനെങ്കിലും മധ്യനിരയിലടക്കം കളി മെനയാൻ കഴിവുള്ള താരം തന്നെയാണ് സദൂയി.