പോയിന്റ് ടേബിളിൽ ഒന്നാം സ്ഥാനത്തു നിന്നിരുന്ന ടീമായിരുന്നു കേരള ബ്ലാസ്റ്റേഴ്സ് എങ്കിലും കഴിഞ്ഞ ദിവസം നടന്ന മത്സരത്തിൽ വിജയം അർഹിച്ചിരുന്നത് ഗോവ തന്നെയാണെന്ന് ടീമിന്റെ പരിശീലകൻ മനോലോ മാർക്വസ്. ഇന്നലെ നടന്ന മത്സരത്തിന് ശേഷം മാധ്യമങ്ങളോട് സംസാരിക്കുമ്പോൾ മത്സരത്തിൽ ലഭിച്ച വമ്പൻ അവസരങ്ങൾ മുതലെടുക്കാൻ തങ്ങൾക്ക് കഴിഞ്ഞില്ലെന്നും അദ്ദേഹം വ്യക്തമാക്കി.
“എല്ലായ്പ്പോഴും ടേബിൾ പരിശോധിച്ച് ടീം ഒന്നാം സ്ഥാനത്തുണ്ടെന്ന് കാണുന്നത് സന്തോഷകരമാണ്. ഇതിൽ കുറവ് ഗെയിമുകൾ കളിച്ച ടീമുകൾ ഉള്ളതിനാൽ പോയിന്റ് ടേബിൾ ഒരു യാഥാർഥ്യമല്ല. എന്നാൽ ലീഗിൽ ഞങ്ങൾക്ക് രണ്ട് പോയിന്റ് മാത്രമാണ് നഷ്ടമായത് എന്നതിനാൽ മോഹൻ ബഗാൻ സൂപ്പർ ജയന്റിന് മാത്രമേ ഞങ്ങളെ മറികടക്കാൻ കഴിയൂ.” അദ്ദേഹം പറഞ്ഞു.
"We created more chances than them and deserved to win the game." @FCGoaOfficial head coach @2014_manel reacts to his team's win against #KeralaBlasters #ISL #ISL10 #LetsFootball #FCGKBFC #FCGoa https://t.co/AAOonjknFZ
— Indian Super League (@IndSuperLeague) December 3, 2023
“ഞങ്ങൾ ആക്രമണത്തിന്റർ കാര്യത്തിൽ വളരെ മികച്ച ടീമിനെ നേരിട്ടതിനാൽ ഞാൻ സന്തോഷവാനാണ്. പെപ്ര, ലൂണ, രാഹുൽ കെപി തുടങ്ങിയ മുൻനിര താരങ്ങൾ അവർക്കുണ്ട്. സെറ്റ് പീസുകളിൽ, അവ വളരെ അപകടകരമാണ്. അവർ ധാരാളം അവസരങ്ങൾ സൃഷ്ടിച്ചില്ല, ഞങ്ങൾ കൂടുതൽ അവസരങ്ങൾ സൃഷ്ടിച്ചു, മത്സരം വിജയിക്കാൻ ഞങ്ങൾ അർഹരായിരുന്നു.” അദ്ദേഹം പറഞ്ഞു.
“ഗെയിമുകൾ പൂർണമായും സ്വന്തമാക്കുന്നതിൽ ഞങ്ങൾ പ്രശ്നങ്ങൾ നേരിടുന്നുന്ദ്. ഞങ്ങൾക്ക് വ്യക്തമായ ചില അവസരങ്ങൾ ഉണ്ടായിരുന്നു, അത് മുതലെടുക്കാൻ കഴിഞ്ഞില്ല. തുടർന്ന് അവർക്ക് സമനില നേടാനുള്ള അവസരങ്ങൾ ലഭിക്കുകയും ചെയ്തു.” അദ്ദേഹം പറഞ്ഞു.
ബ്ലാസ്റ്റേഴ്സിനെ അപേക്ഷിച്ച് കൂടുതൽ മികച്ച അവസരങ്ങൾ ഉണ്ടാക്കിയത് ഗോവ തന്നെയാണ്. എന്നാൽ ഫിനിഷിങ്ങിലുള്ള പോരായ്മയും ബ്ലാസ്റ്റേഴ്സ് പ്രതിരോധവും അതിനെ തടഞ്ഞു. ലഭിച്ച അവസരങ്ങൾ ഗോവ കൃത്യമായി മുതലെടുത്തിരുന്നു എങ്കിൽ മത്സരത്തിൽ നാല് ഗോളുകളെങ്കിലും ഗോവ നെടുമായിരുന്നു.