Tag Archive: Donny Van De Beek

  1. യുണൈറ്റഡിലേക്ക് പോയതിൽ വാൻ ഡി ബീക്ക് ദുഃഖിക്കും, ഡച്ച് ഇതിഹാസം വാൻ ബാസ്റ്റൻ പറയുന്നു.

    Leave a Comment

    ഇത്തവണത്തെ സമ്മർ ട്രാൻസ്ഫറിലാണ് ഹോളണ്ട് വമ്പന്മാരായ അയാക്സിൽ നിന്നും ഇംഗ്ലീഷ് വമ്പന്മാരായ മാഞ്ചസ്റ്റർ യുണൈറ്റഡിലേക്ക് ഡോണി വാൻ ഡി ബീക് ചേക്കേറുന്നത്. 40മില്യൺ യൂറോക്കാണ് താരത്തെ യുണൈറ്റഡ് സ്വന്തമാക്കുന്നത്. എന്നാൽ മാഞ്ചസ്റ്റർ യുണൈറ്റഡിലേക്ക് ചേക്കേറാമെന്ന വാൻ ഡി ബീക്കിന്റെ തീരുമാനത്തിൽ താരം ദുഃഖിക്കുമെന്ന അഭിപ്രായവുമായി രംഗത്തെത്തിയിരിക്കുകയാണ് ഹോളണ്ട് ഇതിഹാസതാരം മാർക്കോ വാൻ ബാസ്റ്റൻ.

    അടുത്തിടെ ചെൽസിയുമായി നടന്ന പ്രീമിയർ ലീഗ് മത്സരത്തിലും താരത്തെ ബെഞ്ചിലിരുത്തിയത്തോടെയാണ് താരത്തിന്റെ യുണൈറ്റഡിലെ അവസ്ഥ കണ്ട് തന്റെ അഭിപ്രായം വ്യക്തമാക്കിയത്. ഈ സീസണിൽ വെറും 61 മിനുറ്റ് മാത്രമാണ് യുണൈറ്റഡ് ജേഴ്സിയിൽ വാൻ ഡി ബീക്കിന് കളിക്കാനായത്. റയൽ മാഡ്രിഡ്‌ പോലുള്ള വമ്പൻ ക്ലബ്ബുകൾ താരത്തിൽ താത്പര്യം പ്രകടിച്ചിരുന്ന താരമാണ് യുണൈറ്റഡ് ബെഞ്ചിലിരിക്കുന്നത്.

    ഡച്ച് ടെലിവിഷൻ ചാനലായ സിഗ്ഗോ സ്പോർട്സിന്റെ റോണ്ടോ എന്ന പ്രോഗ്രാമിലാണ് മാർകോ വാൻ ബാസ്റ്റൻ ഹോളണ്ട് പ്രതിഭയെക്കുറിച്ച് വാചാലനായത്. മാഞ്ചസ്റ്റർ യുണൈറ്റഡിലേക്ക് എടുത്തു ചാടുന്നതിനു മുൻപ് മറ്റു ക്ലബ്ബുകളിൽ നിന്നുള്ള അവസരങ്ങളെക്കുറിച്ച് വിലയിരുത്താമായിരുന്നുവെന്നാണ് വാൻ ബാസ്റ്റൻ ചൂണ്ടിക്കാണിക്കുന്നത്.

    “ഡോണി ഒരിക്കലും മാഞ്ചസ്റ്റർ യുണൈറ്റഡിലേക്ക് പോവരുതായിരുന്നു. നിങ്ങൾ ഒരു മികച്ച താരമായാൽ എല്ലാ ആഴ്ചയിലും തീർച്ചയായും കളിച്ചിരിക്കണം. ഡോണിയെപ്പോലുള്ള മികച്ചതാരം വർഷത്തിൽ ആറോ എഴോ മത്സരങ്ങളിൽ മാത്രം കളിക്കുന്നത് വളരെ മോശം കാര്യമാണ്. മത്സരങ്ങളിലെ നിന്റെ താളത്തെ അത് ബാധിക്കും. എനിക്കറിയാം നീ മുമ്പത്തേക്കാൾ ധാരാളം സമ്പാദിക്കുന്നുണ്ടെന്നു എനിക്കറിയാം. എന്നാൽ ഒരു പുതിയ ക്ലബ്ബിലേക്ക് പോവുമ്പോൾ അവസരങ്ങളെക്കുറിച്ച് കൂടി ചിന്തിക്കണം. ” വാൻ ബാസ്റ്റൻ വ്യക്തമാക്കി.

  2. കൂമാന്റെ പ്രിയതാരവും നഷ്ടമാവുന്നു, ബാഴ്‌സക്കിത് തിരിച്ചടികളുടെ കാലം

    Leave a Comment

    ബാഴ്സയുടെ പുതിയ പരിശീലകനായ റൊണാൾഡ് കൂമാന്റെ പ്രിയതാരങ്ങളിലൊരാളാണ് ഡോണി വാൻ ഡി ബീക്ക്. കൂമാൻ ബാർസയിലേക്കെത്തിക്കാൻ നോട്ടമിട്ട താരമാണ് വാൻ ഡി ബീക്കെന്നു അഭ്യൂഹങ്ങൾ സജീവമായിരുന്നു. എന്നാൽ താരത്തെ ബാഴ്സക്ക് നഷ്ടമായതായാണ് പുതിയ റിപ്പോർട്ടുകൾ.

    അയാക്സിന്റെ ഈ ഡച്ച് മധ്യനിര താരം ഇനി പ്രീമിയർ ലീഗ് വമ്പൻമാരായ മാഞ്ചസ്റ്റർ യുണൈറ്റഡിലേക്ക് കൂടുമാറിയേക്കും. ഈ വിവരം താരം തന്നെ അയാക്സിലെ തന്റെ സഹതാരങ്ങളെ അറിയിച്ചെന്നാണ് പുതിയ വിവരം. അധികം വൈകാതെ തന്നെ ഔദ്യോഗികസ്ഥിരീകരണം വന്നേക്കും.

    യുണൈറ്റഡ് പരിശീലകൻ സോൾക്ഷർ മധ്യനിരയുടെ കരുത്ത് വർധിപ്പിക്കാനായി ഏറ്റവും കൂടുതൽ പിന്തുടർന്ന താരമായിരുന്നു ഡോണി വാൻ ഡി ബീക്ക്. മാഞ്ചസ്റ്റർ യുണൈറ്റഡും അയാക്‌സും തമ്മിൽ അനൗദ്യോഗികകരാറിൽ എത്തിയതായി ബിബിസി സ്പോർട്ട് റിപ്പോർട്ട്‌ ചെയ്യുന്നു.

    ബാഴ്‌സയെ കൂടാതെ മറ്റു അനേകം ക്ലബുകൾ നോട്ടമിട്ട താരമാണ് വാൻ ഡി ബീക്. റയൽ മാഡ്രിഡും താരത്തിന് വേണ്ടി ശ്രമങ്ങൾ നടത്തിയിരുന്നു. എന്നാൽ കോറോണക്ക് ശേഷം അത് ഉപേക്ഷിക്കുകയായിരുന്നു. നാല്പത് മില്യൺ പൗണ്ട് ആണ് താരത്തിന് വേണ്ടി യുണൈറ്റഡ് മുടക്കിയേക്കുക. ഇരുപത്തിമൂന്നുകാരനായ താരം അഞ്ച് വർഷത്തെ കരാറാണ് യുണൈറ്റഡിനൊപ്പം ഒപ്പുവെക്കുക.സാഞ്ചോക്ക് വേണ്ടി യുണൈറ്റഡ് കഠിനശ്രമം നടത്തിയിരുന്നുവെങ്കിലും അത്‌ നടക്കാതെ പോവുകയായിരുന്നു.