Tag Archive: Virgil Van Dijk

  1. വാൻ ഗാലിനെ തള്ളിക്കളഞ്ഞ് നെതർലാൻഡ്‌സ് താരങ്ങൾ, അദ്ദേഹം പറഞ്ഞതല്ല ഞങ്ങൾ ചിന്തിക്കുന്നത്

    Leave a Comment

    ഖത്തർ ലോകകപ്പ് മുൻകൂട്ടി തയ്യാറാക്കിയ തിരക്കഥയാണെന്നും മെസിക്കും അർജന്റീനക്കും കിരീടം നേടിക്കൊടുക്കാൻ ഒത്തുകളി നടന്നുവെന്നുമുള്ള വാൻ ഗാലിന്റെ അഭിപ്രായങ്ങളെ തള്ളിക്കളഞ്ഞ് വിർജിൽ വാൻ ഡൈക്ക്. കഴിഞ്ഞ ദിവസം നൽകിയ അഭിമുഖത്തിലാണ് അദ്ദേഹം ഈ അഭിപ്രായങ്ങൾ പറഞ്ഞത്. എന്നാൽ അതദ്ദേഹത്തിന്റെ മാത്രം അഭിപ്രായമാണെന്നും തങ്ങളങ്ങിനെ ചിന്തിക്കുന്നില്ലെന്നുമാണ് വാൻ ഡേയ്ക്ക് പറഞ്ഞത്.

    അഭിമുഖത്തിൽ ഖത്തർ ലോകകപ്പിന്റെ ക്വാർട്ടർ ഫൈനൽ മത്സരത്തിൽ അർജന്റീനക്ക് അനുകൂലമായി ഒരുപാട് തീരുമാനങ്ങൾ ഉണ്ടായിയെന്നാണ് വാൻ ഗാൽ ആരോപണമുന്നയിച്ചത്. ലയണൽ മെസിക്ക് ലോകകപ്പ് നേടിക്കൊടുക്കുക പലരുടെയും ആവശ്യമായിരുന്നുവെന്നും അതിനുള്ള സഹായങ്ങൾ ലഭിച്ചിട്ടുണ്ടെന്നും അദ്ദേഹത്തിന്റെ വാക്കുകളിൽ നിന്നും വ്യക്തമായിരുന്നു. എന്നാൽ ഓറഞ്ചു പടയുടെ നായകൻ തങ്ങളുടെ മുൻ പരിശീലകനെ പൂർണമായും തള്ളിക്കളഞ്ഞു.

    “അദ്ദേഹത്തിന്റെ വാക്കുകൾ ഞാൻ രാവിലെയാണ് കേട്ടത്. തീർച്ചയായും അത് അദ്ദേഹത്തിന്റെ വാക്കുകളും അഭിപ്രായങ്ങളും മാത്രമാണ്. എല്ലാവർക്കും അവരുടേതായ അഭിപ്രായങ്ങൾ ഉണ്ടാവുക സ്വാഭാവികമായ കാര്യമാണ്. ഞാനാ അഭിപ്രായത്തിൽ വിശ്വസിക്കുന്നില്ല. അദ്ദേഹത്തിന്റെ അഭിപ്രായങ്ങളെ ഹോളണ്ട് ദേശീയ ടീമിലെ താരങ്ങളും പിന്തുണക്കുന്നില്ല.” മാധ്യമങ്ങളോട് സംസാരിക്കുമ്പോൾ വാൻ ഡൈക്ക് പറഞ്ഞു.

    അതിനു പുറമെ ഹോളണ്ട് ദേശീയ ടീമിലെ മറ്റൊരു താരമായ മാർക്ക് ഫ്ലെക്കാനും വാൻ ഗാലിന്റെ ആരോപണങ്ങളെ തള്ളിക്കളഞ്ഞു. ലോകകപ്പിന് ശേഷം വാൻ ഗാൽ ഹോളണ്ട് ദേശീയ ടീമിന്റെ സ്ഥാനം ഒഴിഞ്ഞിരുന്നു. 2014 ലോകകപ്പിലും 2022 ലോകകപ്പിലും ഹോളണ്ടിന്റെ വഴി മുടക്കിയത് അർജന്റീന ആയിരുന്നു. അതിന്റെ കലിപ്പാണ് വാൻ ഗാലിനെന്നാണ് സോഷ്യൽ മീഡിയ പ്രതികരിക്കുന്നത്.

  2. വാൻ ഡൈക് ഈ സീസണിൽ കളിക്കാൻ അത്ഭുതം സംഭവിക്കേണ്ടിവരും, തിരിച്ചു വരവിനെക്കുറിച്ച് ക്ലോപ്പ് പറയുന്നു

    Leave a Comment

    ഈ സീസണിൽ പ്രതിരോധത്തിലെ നെടുംതൂണായ വിർജിൽ വാൻ ഡൈക്കിനെ പരിക്കുമൂലം ദീർഘകാലത്തേക്ക് നഷ്ടപ്പെട്ടത് ലിവർപൂൾ പ്രതിരോധത്തിൽ വലിയ തിരിച്ചടി സൃഷ്ടിച്ചിരുന്നു. യുവതാരങ്ങളെ പ്രതിരോധത്തിൽ ക്ലോപ്പിനു പരീക്ഷിക്കേണ്ടി വരുന്ന സാഹചര്യം വരെ ഉയർന്നു വന്നിരുന്നു. കഴിഞ്ഞ ഒക്ടോബറിൽ കാൽമുട്ടിലെ ലിഗമെൻ്റിനു പരിക്കേറ്റതോടെയാണ് വാൻഡൈക്കിനെ ദീർഘകാലത്തേക്ക് കോപ്പിനു നഷ്ടമാകുന്നത്.

    നിലവിൽ ദുബായിൽ തിരിച്ചുവരവിനുള്ള ചികിത്സയിലാണ് താരം. ഈ വരുന്ന ഏപ്രിലിൽ താരത്തിനു കളിക്കളത്തിലേക്ക് തിരിച്ചുനാകുമെന്ന് അഭ്യൂഹങ്ങളുയർന്നു വന്നിരുന്നു. എന്നാൽ ഇത്തരം അഭ്യൂഹങ്ങൾക്ക് മറുപടി നൽകിയിരിക്കുകയാണ് പരിശീലകനായ യർഗൻ ക്ലോപ്പ്.

    “എവിടെ നിന്നാണ് ഇത്തരം കാര്യങ്ങൾ ഉയർന്നു വരുന്നതെന്ന് എനിക്കു മനസിലാലാകുന്നില്ല. ഈ സീസണിൽ ഇനി വിർജിൽ കളിക്കുമെന്ന് ഒരു ഡോക്ടറും എന്നോട് പറഞ്ഞിട്ടില്ല. അത് അസാധ്യമായ കാര്യമാണെന്ന് ഞാൻ പറയുന്നില്ല എങ്കിലും സാധ്യത വളരെ കുറവാണ്. ശരിക്കും ഈ കാര്യങ്ങൾ ചർച്ച ചെയ്യേണ്ട അവശ്യമേയില്ല. സ്ഥലമുണ്ടെങ്കിൽ മെഡിക്കൽ ഉദ്യോഗസ്ഥർ വേണ്ടെന്നു പറഞ്ഞാലും ഞങ്ങൾ എല്ലാവരെയും സ്‌ക്വാഡിൽ ഉൾപ്പെടുത്തിയേനെ.”

    ” അത്ഭുതങ്ങൾ സംഭവിക്കും എന്നു കരുതി തന്നെയാണ് ഞങ്ങൾ അവരെ ഇറക്കുന്നത്. സ്ഥലമില്ലെങ്കിൽ ഞങ്ങൾ വേറെ പല കാര്യങ്ങളും ചിന്തിക്കേണ്ടി വരികയും തീരുമാനമെടുക്കേണ്ടി വരികയും ചെയ്യും. അവരെ ഞങ്ങൾ ലിസ്റ്റിൽ ഉൾപ്പെടുത്തിയെങ്കിൽ അതിനർത്ഥം ഞങ്ങൾ വെറും അത്ഭുതങ്ങൾ മാത്രമാണ് പ്രതീക്ഷിക്കുന്നതെന്നാണ്.” ക്ലോപ്പ് പറഞ്ഞു.

  3. വാൻഡൈക്കിന് രൂക്ഷ പരിഹാസം, ലിവര്‍പൂളിന് എന്താണ് സംഭവിക്കുന്നത്

    Leave a Comment

    ഇന്നലെ നടന്ന പ്രീമിയർ ലീഗിൽ ലിവർപൂളിനെതിരെ ഒന്നിനെതിരെ രണ്ടു ഗോളുകൾക്ക് ആഴ്‌സണൽ വിജയം നേടിയിരുന്നു. എന്നാൽ ലിവർപൂളിന്റെ ഏറ്റവും മികച്ച പ്രതിരോധനിരതാരം വിർജിൽ വാൻഡൈകിന്റെ പിഴവുകളാണ് ട്വിറ്ററിൽ ഇപ്പോൾ ചർച്ചയായിരിക്കുന്നത്.

    മത്സരത്തിൽ ലിവർപൂളാണ് ആദ്യം ഗോൾ നേടിയതെങ്കിലും ഗോൾകീപ്പർ അലിസന്റെയും വിർജിൽ വാൻഡൈകിന്റെയും ഗുരുതര പിഴവുകൾ ആഴ്സണലിന്റെ രണ്ടു ഗോളുകൾക്ക് വഴിയൊരുക്കുകയായിരുന്നു. ഇതോടെ കോറോണക്ക് ശേഷം രണ്ടാമത്തെ മത്സരമാണ് ലിവർപൂൾ തോൽവിയറിഞ്ഞത്.

    ലിവർപൂളിന് വേണ്ടി സീസൺ മുഴുവൻ മികച്ച പ്രകടനം കാഴ്ച വെച്ച വിർജിൽ വാൻഡൈകിന്റെ പിഴവിലാണ് ആഴ്സണൽ സമനില ഗോൾ നേടുന്നത്. ലിവർപൂളിന് വേണ്ടി സാഡിയോ മാനെ ആദ്യഗോൾ നേടിയപ്പോൾ ആഴ്സനലിന്റ റെയ്‌സ് നെൽസന്റെ സമ്മർദത്തിൽ വാൻഡൈക് നൽകിയ അലസമായ പുറകിലോട്ടുള്ള പാസ്സ് ആഴ്‌സണൽ സ്‌ട്രൈക്കറായ അലക്സന്ദ്രെ ലാക്കസറ്റേക്ക് ലഭിക്കുകയും മികച്ച ഒരു ഗോളിലൂടെ ആഴ്സണലിനു സമനില നേടികൊടുക്കുകയായിരുന്നു.

    ആദ്യ പകുതിക്കു മുൻപ് തന്നെ അലിസൺ മുന്നോട്ട് നൽകിയ പന്ത് ആഴ്‌സണൽ താരത്തിനു ലഭിക്കുകയും റെയ്‌സ് നെൽസൺ അത് ഭംഗിയായി ഗോൾവലയിലെത്തിക്കുകയായിരുന്നു. രണ്ടു ഗോളുകളോടെ വിജയം കണ്ടെത്തിയ ആഴ്‌സണൽ യൂറോപ്പ ലീഗ് യോഗ്യതക്ക് വേണ്ടി ശ്രമിക്കുകയാണ്. നിലവിൽ 54 പോയിന്റുമായി ഒൻപതാം സ്ഥാനത്താണ് ആഴ്സണലെങ്കിലും അഞ്ചാം സ്ഥാനത്തുള്ള യൂണൈറ്റഡുമായി 5 പോയിന്റിന്റെ വ്യത്യാസമേയുള്ളൂ.