ലയണൽ മെസി ഇന്റർ മിയാമിയിൽ ഒറ്റക്കല്ല, മറ്റൊരു സൈനിങ് കൂടി പ്രഖ്യാപിച്ച് എംഎൽഎസ് ക്ലബ്
Leave a Commentകഴിഞ്ഞ ദിവസമാണ് ലയണൽ മെസിയുടെ സൈനിങ് അമേരിക്കൻ ക്ലബായ ഇന്റർ മിയാമി പ്രഖ്യാപിച്ചത്. പിഎസ്ജി കരാർ അവസാനിച്ച താരം ഇന്റർ മിയാമിയിലേക്ക് ചേക്കേറാനുള്ള തീരുമാനമാണ് എടുത്തത്. അതേസമയം ലയണൽ മെസി ഇന്റർ മിയാമിയിൽ എത്തിയത് ഒറ്റക്കല്ല. താരത്തിന് പിന്നാലെ മറ്റൊരു വമ്പൻ സൈനിങ് കൂടി ബെക്കാമിന്റെ ക്ലബ് പ്രഖ്യാപിച്ചിട്ടുണ്ട്.
ലയണൽ മെസിയുടെ മുൻ സഹതാരവും ബാഴ്സലോണയുടെ നായകനായിരുന്ന സെർജിയോ ബുസ്ക്വറ്റ്സിന്റെ സൈനിങാണ് ഇന്റർ മിയാമി കഴിഞ്ഞ ദിവസം പ്രഖ്യാപിച്ചത്. മുപ്പത്തിയഞ്ചുകാരനായ താരത്തിന്റെ കരാർ പുതുക്കാൻ ബാഴ്സലോണയ്ക്ക് താൽപര്യം ഉണ്ടായിരുന്നെങ്കിലും അതിനു മുതിരാതെ ബുസ്ക്വറ്റ്സ് അമേരിക്കൻ ലീഗിലേക്ക് മെസിയോടൊപ്പം ചേക്കേറുകയായിരുന്നു.
Inter Miami officially unveil Sergio Busquets. He’s reunited with Leo Messi. Jordi Alba incoming 🔜🏖️ pic.twitter.com/euRl7UJQCY
— Ben Jacobs (@JacobsBen) July 16, 2023
ബുസ്ക്വറ്റ്സ് കൂടിയെത്തിയതോടെ ക്ലബ് തലത്തിലും ദേശീയ ടീമിന് വേണ്ടിയും സാധ്യമായ നേട്ടങ്ങളെല്ലാം സ്വന്തമാക്കിയ രണ്ടു താരങ്ങൾ ഇന്റർ മിയാമിക്ക് സ്വന്തമായിട്ടുണ്ട്. ബുസ്ക്വറ്റ്സും മെസിയും ബാഴ്സക്കായി എല്ലാ നേട്ടങ്ങളും സ്വന്തമാക്കിയിട്ടുള്ള താരമാണ്. ബുസ്ക്വറ്റ്സ് സ്പെയിൻ ദേശീയ ടീമിനൊപ്പം രണ്ടു യൂറോ കപ്പും ഒരു ലോകകപ്പും സ്വന്തമാക്കിയിട്ടുണ്ട്.
ബുസ്ക്വറ്റ്സിന്റെ വരവിൽ ഇന്റർ മിയാമി അവസാനിപ്പിക്കാനുള്ള സാധ്യതയില്ല. ബാഴ്സലോണ വിട്ട ജോർദി ആൽബയും ഇവർക്കൊപ്പം ചേരുമെന്നാണ് റിപ്പോർട്ടുകൾ. അതിനു പുറമെ മറ്റു ചില സൈനിംഗുകളും അവർ ലക്ഷ്യമിടുന്നുണ്ട്. മെസി വരാൻ തീരുമാനിച്ചതിനു പിന്നാലെ അവർ പരിശീലകനെ മാറ്റിയിരുന്നു. ആകെ മൊത്തത്തിൽ ഒരു അഴിച്ചുപണി ഇന്റർ മിയാമിയിൽ നടന്നു കൊണ്ടിരിക്കയാണ്.