Tag Archive: Ronaldo de lima

  1. ചാമ്പ്യൻസ്‌ലീഗ് ഗോൾ വേട്ടയിൽ സിദാനെയും റൊണാൾഡോയെയും മറികടന്ന് ഹാളണ്ട്, ഗോൾഡൻ ബോയ് കുതിക്കുകയാണ് 

    Leave a Comment

    അടുത്തിടെ 2020 ഗോൾഡൻ ബോയ് ആയി  തിരഞ്ഞെടുക്കപ്പെട്ട വളർന്നു വരുന്ന  സൂപ്പർതാരമാണ് നോർവീജിയൻ യുവതാരമായ എർലിംഗ് ഹാളണ്ട്. സുവർണതലമുറയിലെ പുതു വാഗ്ദാനമാണ് താനെന്നു അടിവരയിടുന്ന പ്രകടനം  തുടർന്നു കൊണ്ടിരിക്കുകയാണ് ഈ ഇരുപതുകാരൻ. ഇന്നു പുലർച്ചെ നടന്ന ചാമ്പ്യൻസ്‌ലീഗ് മത്സരത്തിൽ ഇരട്ട ഗോളുകളോടെ തകർപ്പൻ പ്രകടനമാണ് ഹാളണ്ട് പുറത്തെടുത്തത്.

    ബെൽജിയൻ ക്ലബ്ബായ ക്ലബ്ബ് ബ്രഗ്ഗെയുമായി നടന്ന മത്സരത്തിൽ സ്വന്തം തട്ടകത്തിൽ എതിരില്ലാത്ത മൂന്നു ഗോളുകൾക്കാണ് ഡോർട്മുണ്ട് വിജയം സ്വന്തമാക്കിയത്. ഇരട്ട ഗോളുകൾ നേടിയതോടെ മറ്റൊരു നേട്ടത്തിനു കൂടി ഉടമയായിരിക്കുകയാണ് ഹാളണ്ട്. യൂറോപ്യൻ കോമ്പറ്റിഷനിൽ  ഗോൾ വേട്ടയിൽ ഇതിഹാസതാരങ്ങളായ ബ്രസീലിയൻ റൊണാൾഡോ നസാരിയോയേയും സിനദിൻ സിദാനെയും മറികടന്നിരിക്കുകയാണ് ഈ ഇരുപതുകാരൻ.

    വെറും 12 മത്സരങ്ങളിൽ നിന്നും 16 ഗോളുകളാണ് ഹാളണ്ട് ഇതിനകം തന്നെ അടിച്ചു കൂട്ടിയിരിക്കുന്നത്. ബ്രസീലിയൻ ഇതിഹാസമായ റൊണാൾഡോക്ക്  യൂറോപ്യൻ കോമ്പറ്റിഷനുകളിൽ ആകെ   പതിനാലു ഗോളുകൾ മാത്രമാണ് തന്റെ കരിയറിൽ സ്വന്തമാക്കാനായത്. റൊണാൾഡോക്കൊപ്പം ഫ്രഞ്ച് മധ്യനിരതാരമായ സിനദിൻ സിദാനും പതിനാലു ഗോളുകളാണ് ആകെ നേടിയിട്ടുള്ളത്. ഈ രണ്ടു ഇതിഹാസങ്ങളെയാണ് വെറും ഇരുപതു വയസിൽ തന്നെ ഹാളണ്ട് മറികടന്നത്.

    ഡേവിഡ് വിയ്യയും മിറോസ്ലോവ് ക്ളോസേയും 14 ഗോളുകളുമായി സിദാനും റൊണാൾഡോക്കുമൊപ്പമുണ്ട്. ഒപ്പം കാർലോസ് ടെവസ്,ഒലിവർ ജിറൂഡ്‌(13) മൈക്കൽ ഓവൻ, ഡിയെഗോ കോസ്റ്റ(11), ക്രിസ്ത്യൻ വിയേരി(10)ഡെന്നിസ് ബെർക്ഹാംപ് (7) എന്നിവർക്കും മുകളിലാണ് ഹാളണ്ടിന്റെ സ്ഥാനമെന്നത് ഈ ഇരുപതുകാരന്റെ ഗോളടി മികവ് വിളിച്ചോതുന്നു. ചാമ്പ്യൻസ്‌ലീഗിൽ എക്കാലത്തെയും മികച്ച ഗോൾ സ്കോറർമാരായി ക്രിസ്ത്യാനോ റൊണാൾഡോയും(132) ലയണൽ മെസി(118)യുമാണ് ഒന്നും രണ്ടും സ്ഥാനങ്ങളിൽ മുന്നേറുന്നത്.

  2. ഗോൾവേട്ടയിൽ റൊണാൾഡോയുടെ റെക്കോർഡിനൊപ്പമെത്തി സുവാരസും ലയണൽ മെസിയും

    Leave a Comment

    പ്രിയസുഹൃത്തുക്കളായ ലയണൽ മെസിയും ലൂയിസ് സുവാരസും ഒരുമിച്ചു മറ്റൊരു നാഴികക്കല്ലിനടുത്തെത്തി നിൽക്കുകയാണ്. ലോകകപ്പ് യോഗ്യത മത്സരത്തിൽ പെനാൽറ്റികളിലൂടെ ഇരുവരും ഗോൾ നേടിയതോടെ ബ്രസീയൻ ഇതിഹാസതാരമായ റൊണാൾഡോ നസാരിയോയുടെ റെക്കോർഡിനൊപ്പമെത്തിയിരിക്കുകയാണ്.

    ഒരു ലാറ്റിനമേരിക്കൻ ടീമിനായി കോംപിറ്റിറ്റിവ് മത്സരങ്ങളിൽ ഏറ്റവും കൂടുതൽ ഗോൾ നേടിയ താരമെന്ന റൊണാൾഡോയുടെ റെക്കോർഡിനോപ്പമാണ് മെസിയും സുവാരസും ഗോൾവേട്ടയിലെത്തി നിൽക്കുന്നത്. നിലവിൽ മൂന്നു താരങ്ങളും 39 ഗോളുകൾ ലാറ്റിനമേരിക്കൻ ടീമുകൾക്കായി നേടിയിട്ടുണ്ട്.

    വിവാദപരമായി റഫറി വിധിച്ച പെനാൽറ്റിയാണ് സുവാരസ് ലക്ഷ്യത്തിലെത്തിച്ചത്. മത്സരത്തിൽ മാക്സി ഗോമെസിന്റെ ഇഞ്ചുറി സമയത്തെ ഗോളാണ് ഉറുഗ്വായ്ക്ക് ഒന്നിനെതിരെ രണ്ടു ഗോളുകൾക്ക് ചിലിയെ തോൽപ്പിക്കുകയായിരുന്നു. എന്നാൽ ഒകാമ്പോസിനെ വീഴ്ത്തിയതിന് കിട്ടിയ പെനാൽറ്റി മെസി ലക്ഷ്യത്തിലെത്തിക്കുകയായിരുന്നു.

    റൊണാൾഡോയുടെ റെക്കോർഡിനൊപ്പം മെസിയും സുവാരസുമെത്തിയെങ്കിലും അന്താരാഷ്ട്രമത്സരങ്ങളിൽ ആകെ ഗോൾനേട്ടത്തിൽ 71 ഗോളുകളുമായി ഇരുവരേക്കാൾ വളരെ മുന്നിലാണ്. ഇതിനെകൂടാതെ ലോകകപ്പ് യോഗ്യതാ മത്സരങ്ങളിൽ ഏറ്റവും കൂടുതൽ ഗോളുകൾ നേടിയതും ഈ പ്രിയസുഹൃത്തുക്കൾ തന്നെയാണ്. 22 ഗോളുകളുമായി ഇരുവരും പട്ടികയിൽ ഒന്നും രണ്ടും സ്ഥാനത്തെത്തി നിൽക്കുകയാണ്.

  3. നടുക്കടലില്‍ അകപ്പെട്ട ബാഴ്‌സയെ മെസി കൈവിടരുത്, ബ്രസീലിയന്‍ ഇതിഹാസം തുറന്ന് പറയുന്നു

    Leave a Comment

    സൂപ്പർ താരം ലയണൽ മെസി ബാഴ്സ വിടുമോ ഇല്ലയോ എന്നത് ലോകമെമ്പാടുമുള്ള ഫുട്ബോൾ ആരാധകർ ഇപ്പോൾ ചർച്ചചെയ്യുന്ന വിഷയമാണ്. ഈ സമയം കൊണ്ടു തന്നെ ഫുട്ബോൾ ലോകത്തെ ഒട്ടേറെ പ്രമുഖർ ഈ വിഷയവുമായി ബന്ധപ്പെട്ട്  തങ്ങളുടെ അഭിപ്രായങ്ങളും പ്രതികരണങ്ങളും അറിയിച്ചു കഴിഞ്ഞു. ഇപ്പോഴിതാ ബ്രസീലിയൻ ഇതിഹാസം റൊണാൾഡോ ഡി ലിമയും  ഈ വിഷയത്തിൽ തന്റെ പ്രതികരണമറിയിച്ചിരിക്കുകയാണ്.

    ബാഴ്സയിൽ നിന്നും ഈ അവസരത്തിൽ മെസി പോകരുതെന്നാണ്  റൊണാൾഡോയുടെ അഭിപ്രായം. ഇങ്ങനെയൊരു പ്രതിസന്ധിയിൽ മെസി  ബാഴ്‌സയെ കൈവിടാൻ പാടില്ല എന്നാണ് റൊണാൾഡോയുടെ  പക്ഷം. സാന്റാന്റർ സംഘടിപ്പിച്ച വെബ്ബിനാറിൽ സംസാരിക്കുകയായിരുന്നു ബ്രസീലിയൻ  ഇതിഹാസം. താനായിരുന്നുവെങ്കിൽ മെസിയെ ക്ലബ് വിടാൻ അനുവദിക്കില്ലെന്നും അദ്ദേഹം അഭിപ്രായപ്പെട്ടു.

    “മെസ്സി ക്ലബ് വിടുന്നത് അനവസരത്തിലാണ്. പ്രത്യേകിച്ച് ഈ പ്രതിസന്ധി സമയത്ത് ബാഴ്സ വിടുന്നത് നല്ലതല്ല. ടീമിനു തന്നെ മാതൃകയാണ് മെസ്സി. ഞാനായിരുന്നു ബാഴ്സലോണയെങ്കിൽ അദ്ദേഹത്തെ ഒരിക്കലും ക്ലബ് വിടാൻ അനുവദിക്കില്ല.”

    ” ക്ലബുമായി വളരെയധികം ആഴത്തിലുള്ളതും കരുത്തേറിയതുമായ ബന്ധമാണ് മെസിക്കുള്ളത്. അത്കൊണ്ട് തന്നെ അദ്ദേഹത്തിന്റെ  ക്ലബ്ബിനോടുള്ള ഇഷ്ടത്തിന് ഒരിക്കലും  കുറവുണ്ടാകുമെന്നു തോന്നുന്നില്ല ” റൊണാൾഡോ  ഡി ലിമ അഭിപ്രായപ്പെട്ടു. ബാഴ്സക്ക് വേണ്ടി ഒരു സീസൺ  കളിച്ച താരമാണ് റൊണാൾഡോ. കൂടാതെ ബാഴ്സ ചിരവൈരികളായ റയൽ മാഡ്രിഡിന് വേണ്ടിയും റൊണാൾഡോ പന്തുതട്ടിയിട്ടുണ്ട്.