Tag Archive: RAVI SHASRI

  1. കളിക്കണമെന്നുണ്ടെങ്കില്‍ രോഹിത്തും ഇഷാന്തും ഇക്കാര്യം ചെയ്യണം, ഉപാധിവെച്ച് ശാത്രി

    Leave a Comment

    ഓസീസ് പര്യടനത്തിലെ ടെസ്റ്റ് ടീമില്‍ ഉള്‍പ്പെടുത്താന്‍ രോഹിത് ശര്‍മ്മയ്ക്കും ഇശാന്ത് ശര്‍മ്മയ്ക്കും മുന്നില്‍ ഉപാധി വെച്ച് ഇന്ത്യന്‍ പരിശീലകന്‍ രവി ശാസ്ത്രി. അടുത്ത മൂന്ന് നാല് ദിവസത്തിനുള്ളില്‍ ഓസ്ട്രേലിയയില്‍ എത്തണമെന്നാണ് ഇന്ത്യന്‍ ടീം പരിശീലകന്‍ രവി ശാസ്ത്രി ആവശ്യപ്പെട്ടിരിക്കുന്നത്.

    ക്വാറന്റീന്‍ നിയമങ്ങള്‍ നിലനില്‍ക്കുന്നതിനാല്‍ അതിനനുസരിച്ച് കാര്യങ്ങള്‍ നീക്കിയില്ലെങ്കില്‍ കാര്യങ്ങള്‍ ബുദ്ധിമുട്ടാകുമെന്ന് ശാസ്ത്രി പറഞ്ഞു. ദേശീയ ക്രിക്കറ്റ് അക്കാദമിയില്‍ പരിശീലനത്തിലാണ് ഇരുവരും.

    ‘രോഹിത്തും ഇഷാന്തുമാണ് എത്ര ദിവസം ബ്രേക്ക് വേണ്ടിവരുമെന്ന് തീരുമാനിക്കുക. പക്ഷേ, ഒരുപാട് വൈകിയാല്‍ കാര്യങ്ങള്‍ ബുദ്ധിമുട്ടാവും. ക്വാറന്റീന്‍ ഉള്ളതുകൊണ്ട് തന്നെ ടെസ്റ്റ് മത്സരങ്ങള്‍ക്ക് വേണ്ടി മാത്രം വന്നാലും കളിക്കുക ബുദ്ധിമുട്ടാവും. രോഹിത് ഒരിക്കലും വൈറ്റ് ബോള്‍ സീരീസ് കളിക്കില്ല.’

    ‘രോഹിത്തിന് എത്ര നാള്‍ വിശ്രമം വേണ്ടി വരുമെന്നാണ് ഞങ്ങള്‍ നോക്കുന്നത്. കാരണം, വിശ്രമത്തിന്റെ ദൈര്‍ഘ്യം വര്‍ധിക്കാന്‍ പാടില്ല. ടെസ്റ്റ് മത്സരം കളിക്കണമെങ്കില്‍ അടുത്ത മൂന്ന്, നാല് ദിവസങ്ങള്‍ക്കുള്ളില്‍ വിമാനം കയറണം. അല്ലെങ്കില്‍ അത് വളരെ ബുദ്ധിമുട്ടാവും’ രവി ശാസ്ത്രി പറഞ്ഞു.

    നാല് മത്സരങ്ങളടങ്ങിയ ടെസ്റ്റ് പരമ്പരയ്ക്ക് ഡിസംബര്‍ 17- ന് അഡ് ലെയ്ഡ് ഓവലിലാണ് തുടക്കമാകുക. എന്നാല്‍, 11ന് ഒരു സന്നാഹ മത്സരം ഉണ്ട്. അതുകൊണ്ട് തന്നെ നവംബര്‍ 26നെങ്കിലും എത്തിയാലേ രോഹിതിനും ഇശാന്തിനും പരമ്പരയില്‍ കളിക്കാന്‍ കഴിയൂ. ആദ്യ ടെസ്റ്റ് ഡേ-നൈറ്റ് മത്സരമാണ്. രണ്ടാം ടെസ്റ്റ് 26- ന് മെല്‍ബണില്‍ നടക്കും. മൂന്നാം മത്സരം ജനുവരി 7- ന് സിഡ്‌നിയിലും നാലാം മത്സരം ജനുവരി 15-ന് ബ്രിസ്‌ബേണിലും നടക്കും

  2. ഗാംഗുലിയെ ചൊറിഞ്ഞ് വീണ്ടും ശാസ്ത്രി, ആഞ്ഞടിച്ച് ക്രിക്കറ്റ് ലോകം

    Leave a Comment

    എല്ലാ വെല്ലുവിളിയേയും അതിജീവിച്ച് മനോഹരമായിട്ടായിരുന്നല്ലോ ഇപ്രവശ്യം ഐപിഎല്‍ യുഎഇയില്‍ ബിസിസിഐ നടത്തിയത്. ഇത്രയും ദൈര്‍ഘ്യമേറിയ ടൂര്‍ണമെന്റ് വിജയകരമായി സംഘടിപ്പിച്ചതിന് ബിസിസിഐയെയും ഐപിഎല്‍ ഭരണസമിതിയെയും ക്രിക്കറ്റ് ലോകം അഭിനന്ദനങ്ങള്‍ കൊണ്ട് മൂടുകയും ചെയ്തു.

    ഐപിഎല്ലിന്റെ വിജയകരമായ നടത്തിപ്പിന് ചുക്കാന്‍ പിടിച്ചത് ഐപിഎല്‍ ഭരണസമിതി ചെയര്‍മാന്‍ ബ്രിജേഷ് പട്ടേലും ബിസിസിഐ പ്രസിഡന്റ് സൗരവ് ഗാംഗുലിയും ചേര്‍ന്നായിരുന്നു. ലോകം മുഴുവന്‍ ഇരുവരേയും അഭിനന്ദം കൊണ്ട് മൂടുകയാണിപ്പോള്‍.

    എന്നാല്‍ ഇന്ത്യന്‍ പരിശിലീകകന്‍ രവി ശാസ്ത്രി ഐപിഎല്‍ വിജയകരമായി പൂര്‍ത്തിയാക്കിയതിനെ അഭിനന്ദിച്ച് ട്വീറ്റിട്ടപ്പോള്‍ ബിസിസിഐ പ്രസിഡന്റായ ഗാംഗുലിയുടെ പേര് മനപ്പൂര്‍വ്വം ചേര്‍ത്തില്ല. ബ്രിജേഷ് പട്ടേലിന്റെയും ബിസിസിഐ സെക്രട്ടറി ജയ് ഷായുടെയും പേരുകള്‍ എടുത്ത് പറയാനും ശാസത്രി മറന്നില്ല. ഇത് ഇപ്പോള്‍ വിവാദമായിരിക്കുകയാണ്.

    ഐപിഎല്ലിലെ മെഡിക്കല്‍ സംഘത്തെവരെ അഭിനനന്ദിച്ചപ്പോഴാണ് ഗാംഗുലി ശാസ്ത്രിയെ മനപ്പൂര്‍വ്വം ഒഴിവാക്കിയത്. ഇതോടെ ശാസ്ത്രിയുടെ ട്വീറ്റ് വിവാദമായിരിക്കുകയാണ്.

    മുമ്പ് ഇന്ത്യന്‍ പരിശീലകനെ തെരഞ്ഞെടുക്കാനുള്ള അഭിമുഖത്തില്‍ ശാസ്ത്രിയെ തഴഞ്ഞ് അനില്‍ കുബ്ലെയെ പരിശീലകനാക്കിയത് മുതല്‍ ഗാംഗുലിയോട് ശാസ്ത്രിയ്ക്കുളള നീരസം പരസ്യമാണ്. ഇതാണ് ശാസ്ത്രി വീണ്ടും പ്രകടിപ്പിച്ചിരിക്കുന്നത്. എന്നാല്‍ ശാസ്ത്രിയുടെ ഈ ട്വീറ്റിനെതിരെ ക്രിക്കറ്റ് ലോകത്ത് പ്രതിഷേധം ശക്തമാണ്.

    Sourav Ganguly