Tag Archive: Qater Worldcup

  1. ഇന്ത്യന്‍ ക്ലബുകളെ ഖത്തറിലേക്ക് സ്വാഗതം ചെയ്ത് ലോകകപ്പ് മേധാവി

    Leave a Comment

    ഇന്ത്യന്‍ ക്ലബുകളെ ഖത്തറിലേക്ക് സ്വാഗതം ചെയ്ത് 2022 ഫിഫ ലോകകപ്പ് സിഇഒ നാസര്‍ അല്‍ ഖാദര്‍. ഇന്ത്യന്‍ ക്ലബുകള്‍ക്കായി ഖത്തറിന്റെ വാതിലുകള്‍ എന്നും തുറന്ന് കിടക്കുമെന്നും പിരിശീലനത്തിനായോ മത്സരങ്ങള്‍ക്കായോ എപ്പോ വേണമെങ്കിലും ഖത്തറിലേക്ക വരാമെന്നും നാസര്‍ അല്‍ ഖാദര്‍ വ്യക്തമാക്കി.

    ‘ഇന്ത്യന്‍ ക്ലബ്ബുകള്‍ക്ക് എപ്പോ വേണമെങ്കിലും ഖത്തറിലേക്കു വരാം, പരിശീലനത്തിന് വേണ്ടിയാണെങ്കിലും മത്സരങ്ങള്‍ക്ക് വേണ്ടിയാണെങ്കിലും നിങ്ങള്‍ ഇവിടേക്ക് വരുന്നതില്‍ യാതൊരു തടസ്സവും ഇല്ല. ലോകോത്തര നിലവാരത്തില്‍ ഫുട്‌ബോള്‍ ആസ്വദിക്കാനും കളിക്കാനും ഖത്തറില്‍ നിങ്ങള്‍ക്കാകും’ നാസര്‍ അല്‍ ഖാദര്‍ പറഞ്ഞു.

    നിലവില്‍ 2022 നടക്കുന്ന ഫുട്‌ബോള്‍ ലോകകപ്പിനായി വന്‍ മുന്നൊരക്കമാണ് ഖത്തര്‍ നടത്തുന്നത്. ലോകോത്തര നിലവാരത്തിലുളള നിരവധി സ്‌റ്റേഡിയങ്ങളുടെ പണി ഇതിനോടകം പൂര്‍ത്തികരിച്ച ഖത്തര്‍ നിലവില്‍ രണ്ട് വര്‍ഷം മുമ്പെ ലോകകപ്പിനായി സര്‍വ്വ സജ്ജമായി കഴിഞ്ഞു.

    ലോകകപ്പിന് ശേഷവും തയ്യാറാക്കി ഈ അടിസ്ഥാന സൗകര്യങ്ങള്‍ വിവിധ ക്ലബുകള്‍ക്കും ടൂര്‍ണമെന്റുകള്‍ക്കുമായി വിട്ട് നല്‍കാമെന്നാണ് ഖത്തറിന്റെ നയം. ഇതിന്റെ ഭാഗമായാണ് ഇന്ത്യന്‍ ക്ലബുകളെ ഖത്തര്‍ സ്വാഗതം ചെയ്യുന്നത്.

  2. ഖത്തര്‍ ലോകകപ്പ് കാണാന്‍ സൗജന്യമായി പോകാം, ചെയ്യേണ്ടതിത്ര മാത്രം

    Leave a Comment

    ദോഹ: 2022 – ഖത്തര്‍ ലോക കപ്പിനുള്ള മുന്നൊരുക്കങ്ങള്‍ക്കായി വളണ്ടിയര്‍മാരെ ക്ഷണിച്ച് സുപ്രീം കമ്മിറ്റി ഫോര്‍ ലെഗസി ആന്‍ഡ് ഡെലിവറി. ഖത്തറിലുള്ളവര്‍ക്കും ഇതര രാജ്യങ്ങളിലുള്ളവര്‍ക്കും വോളണ്ടിയര്‍ സേവനം ചെയ്യുവാനുള്ള അവസരമാണ് ഒരുക്കിയിരിക്കുന്നത്. ഇതിനു വമ്പിച്ച പ്രതികരണമാണ് ലഭിച്ചു കൊണ്ടിരിക്കുന്നത്. വളണ്ടിയര്‍ രജിസ്ട്രേഷന്‍ ആരംഭിച്ച മണിക്കൂറുകള്‍ക്കുള്ളില്‍ തന്നെ 25000 ത്തോളം പേരാണ് രജിസ്റ്റര്‍ ചെയ്തത്.

    സ്റ്റേഡിയങ്ങളുടെ ലോഞ്ചിങ്, പരീക്ഷണാടിസ്ഥാനത്തിലുള്ള ഇവന്റുകള്‍, ഹോസ്പിറ്റാലിറ്റി, മാര്‍ക്കറ്റിംഗ്, കമ്മ്യൂണിക്കേഷന്‍സ്, ഓഡിയന്‍സ് മാനേജ്മന്റ്, മെഡിക്കല്‍, സെക്യൂരിറ്റി തുടങ്ങി വ്യത്യസ്ത മേഖലകളിലായിരിക്കും വളണ്ടിയര്‍ മാരുടെ സേവനം ഉപയോഗപ്പെടുത്തുക. 16 വയസ്സിനു മുകളില്‍ പ്രായമുള്ളവരാണ് വളണ്ടിയര്‍ സേവനത്തിന് രജിസ്റ്റര്‍ ചെയേണ്ടത്. മുന്‍ പരിചയം ഇല്ലാത്തവര്‍ക്കും രജിസ്റ്റര്‍ ചെയ്യാവുന്നതാണ്.

    ലോകകപ്പ് സംഘാടനം ഏറ്റവും മികവുറ്റതാക്കാന്‍ വളണ്ടിയര്‍മാരുടെ സേവനം നിര്‍ണായകമാണെന്ന് സുപ്രീം കമ്മിറ്റി ഫോര്‍ ഡെലിവറി ആന്‍ഡ് ലെഗസി ചെയര്‍മാന്‍ ഹസ്സന്‍ അല്‍ തവാദി പറഞ്ഞു. ദോഹയിലെ ഫോര്‍ സീസണ്‍ ഹോട്ടലില്‍ നടന്ന ചടങ്ങില്‍ വ്യത്യസ്ത രാജ്യക്കാരായ 22 വളണ്ടിയര്‍മാരെ തെരെഞ്ഞെടുത്തു. വളണ്ടിയര്‍ സേവനത്തിനു താല്പര്യമുള്ളവര്‍ www.seeyouin2022.qa. എന്ന വെബ്സൈറ്റില്‍ രജിസ്റ്റര്‍ ചെയ്യാവുന്നതാണ്