ബ്ലാസ്റ്റേഴ്‌സ് താരത്തെ സ്വന്തമാക്കി മുഹമ്മദന്‍, വീണ്ടും തകര്‍പ്പന്‍ നീക്കം
Leave a Commentഐഎസ്എല്‍ ക്ലബ് കേരള ബ്ലാസ്റ്റേഴ്‌സ് താരമായിരുന്ന അഫ്ദാലിനെ സ്വന്തമാക്കി കൊല്‍ക്കത്തന്‍ സൂപ്പര്‍ ക്ലബ് മുഹമ്മദന്‍ എസ്സി. ഒരു വര്‍ഷത്തേക്കാണ് അഫ്ദാലുമായി മുഹമ്മദന്‍ ക്ലബ് കരാര്‍ ഒപ്പിട്ടിരിക്കുന്നത്. ഐലീഗില്‍ ഇടവേളയ്ക്ക് ശേഷം ഇറങ്ങുന്ന മുഹമ്മദന്‍ മികച്ച തയ്യാറെടുപ്പാണ് നടത്തുന്നത്.
സെക്കന്‍ഡ് ഡിവിഷന്‍ ഐ ലീഗ് ക്ലബായ ഗര്‍വാള്‍ എഫ് സിയില്‍ നിന്നാണ് അഫ്ദാല്‍ മുഹമ്മദനിലേക്ക് എത്തുന്നത്. അടുത്ത ആഴ്ച നടക്കുന്ന ഐഎഫ്എ ഷീല്‍ഡില്‍ അഫ്ദാല്‍ മുഹമ്മദനിനായി ബൂട്ടണിയും എന്നാണ് ലഭിക്കുന്ന വിജയം.
കേരള ബ്ലാസ്റ്റേഴ്‌സ് റിസര്‍വ്വ് ടീമില്‍ കളിച്ചിട്ടുളള അഫ്ദാല്‍ കേരള പ്രീമിയര്‍ ലീഗില്‍ ബ്ലാസ്റ്റേഴ്‌സിനായി ആറ് ഗോളുകള്‍ നേടിയിരുന്നു. എന്നാല്‍ അഫ്ദാലിനെ സീനിയര്‍ ടീമിലേക്ക് പരിഗണിക്കാന്‍ ക്ലബ് മാനേജുമെന്റ് തയ്യാറായില്ല. ഇതോടെയാണ് അഫ്ദാല്‍ ക്ലബ് വിട്ടത്.
മുഹമ്മദന്‍നുമായി കരാര്‍ ഒപ്പിടാനായതോടെ പ്രധാന ക്ലബുകളുടെ ശ്രദ്ധപിടിച്ച് പറ്റുവാന്‍ ഈ യുവതാരത്തിനാകും. അതിനായി കഠിന പരിശീലനത്തിലാണ് സ്‌ന്തോഷ് ട്രോഫിയില്‍ കേരളത്തിനായി മികച്ച പ്രകടനം കാഴ്ച്ചവെച്ച അഫ്ദാല്‍ നിലവില്‍.
