ചെൽസി പരിശീലകനായതിനു പിന്നാലെ മൂന്ന് അർജന്റീന താരങ്ങളെ ടീമിലെത്തിക്കാൻ പോച്ചട്ടിനോ
Leave a Commentവമ്പൻ സൈനിംഗുകൾ നിരവധി നടത്തിയിട്ടും പരിശീലകരെ മാറിമാറി പരീക്ഷിച്ചു നോക്കിയിട്ടും ഈ സീസണിൽ ചെൽസി തകർന്നടിഞ്ഞു പോവുകയാണുണ്ടായത്. നിലവിൽ പോയിന്റ് ടേബിളിൽ ആദ്യപത്ത് സ്ഥാനങ്ങളിൽ എത്താൻ കഴിയുമെന്ന പ്രതീക്ഷ പോലും ചെൽസിക്കില്ല. ഈ സാഹചര്യങ്ങളെ മറികടന്ന് അടുത്ത സീസണിൽ മികച്ചൊരു ടീമിനെ സൃഷ്ടിക്കാനാണ് അർജന്റൈൻ പരിശീലകൻ പോച്ചട്ടിനോയെ നിയമിച്ചിരിക്കുന്നത്.
ചെൽസി പരിശീലകനായി സ്ഥാനമേറ്റെടുത്ത പോച്ചട്ടിനോയുടെ ആദ്യത്തെ ജോലി ടീമിൽ നിലവിലുള്ള താരങ്ങളിൽ പലരെയും ഒഴിവാക്കുകയെന്നതാണ്. നിരവധി കളിക്കാരെ വാങ്ങിയ ചെൽസി അതിനൊപ്പം ഒഴിവാക്കലുകൾ നടത്തിയിട്ടില്ല. അതു ടീമിന് ഒട്ടും സന്തുലിതാവസ്ഥ ഇല്ലാത്ത സാഹചര്യം സൃഷ്ടിച്ചിട്ടുണ്ട്. അത് പരിഹരിച്ചാൽ മാത്രമേ തന്റെ തന്ത്രങ്ങൾ ആവിഷ്കരിക്കാൻ പോച്ചട്ടിനോക്ക് കഴിയുകയുള്ളൂ.
🚨 BREAKING: Mauricio Pochettino wants Lautaro Martínez, Emiliano Martínez and Alexis Mac Allister in Chelsea. @draper_rob 🔵🇦🇷 pic.twitter.com/oBgqar1hxB
— All About Argentina 🛎🇦🇷 (@AlbicelesteTalk) May 13, 2023
അതേസമയം അടുത്ത സീസണിൽ ടീമിലേക്ക് പുതിയ മൂന്നു താരങ്ങളെ എത്തിക്കാൻ പരിശീലകനായ പോച്ചട്ടിനോക്ക് താല്പര്യമുണ്ടെന്നാണ് റിപ്പോർട്ടുകൾ. അർജന്റീന താരങ്ങളായ ലൗടാരോ മാർട്ടിനസ്, എമിലിയാനോ മാർട്ടിനസ്, മാക് അലിസ്റ്റർ എന്നിവരെ എത്തിക്കാനാണ് അദ്ദേഹം താൽപര്യപ്പെടുന്നത്. നിലവിൽ മറ്റൊരു അർജന്റീന താരമായ എൻസോ ഫെർണാണ്ടസ് ടീമിലുണ്ട് ഇവർ നാല് പേരും ഖത്തർ ലോകകപ്പിൽ അർജന്റീന കിരീടം നേടാൻ പങ്കു വഹിച്ച താരങ്ങളാണ്.
പണം വാരിയെറിയാൻ യാതൊരു മടിയുമില്ലാത്ത ചെൽസിക്ക് ഈ താരങ്ങളെ സ്വന്തമാക്കാൻ ഒരു മടിയുമില്ലെങ്കിലും ചാമ്പ്യൻസ് ലീഗ് ഫുട്ബോൾ ഇല്ലെന്നത് ക്ലബിന് തിരിച്ചടിയാണ്. ഈ താരങ്ങളെല്ലാം ചാമ്പ്യൻസ് ലീഗ് ഫുട്ബോൾ അടുത്ത സീസണിലും ആഗ്രഹിക്കുന്നുണ്ടാകും. ഈ സീസണിൽ ചാമ്പ്യൻസ് ലീഗ് ഫൈനൽ കളിക്കുന്നതിനിടെ അരികിലാണ് ലൗടാരോ. എമിലിയാനോയും യൂറോപ്യൻ കിരീടത്തിനായി പോരാടാനാണ് ആഗ്രഹിക്കുന്നത്. അതേസമയം മാക് അലിസ്റ്റർ ലിവർപൂളിൽ കളിക്കുമെന്നാണ് റിപ്പോർട്ടുകൾ.