Tag Archive: Josep Maria Berthemeu

  1. വീഡിയോ റഫറിയിംഗ് പ്രവർത്തിക്കുന്നത് റയലിനുവേണ്ടി!ഗുരുതര ആരോപണവുമായി ബാഴ്‌സലോണ

    Leave a Comment

    ലാലിഗയിലെ വീഡിയോ റഫറി സംവിധാനത്തിന്റെ അപാകതകള്‍ക്കെതിരെ രൂക്ഷവിമര്‍ശനവുമായി ബാഴ്സലോണ പ്രസിഡന്റ് ജോസെപ് മരിയ ബെര്‍തെമ്യു രംഗത്ത്. ബാഴ്സയുടെ മത്സരഫലങ്ങളെ നല്ല രീതിയില്‍ വീഡിയോ റഫറീയിങ് ബാധിക്കുന്നുണ്ടെന്നും പലപ്പോഴും അത് എതിര്‍ടീമുകള്‍ക് വേണ്ടിയാണു പ്രവര്‍ത്തിക്കുന്നതെന്നും ബെര്‍തെമ്യു കുറ്റപ്പെടുത്തി.

    ലാലിഗയില്‍ തുടര്‍ച്ചയായി സമനിലകള്‍ കൊണ്ട് തൃപ്തിപ്പെടേണ്ടി വന്ന ബാഴ്സ വിയ്യാറലുമായി അടുത്ത് നടന്ന മത്സരത്തില്‍ 4-1ണ് വിജയിച്ചിരുന്നു. എന്നാല്‍ ഈ മത്സരത്തിലും വീഡിയോ റഫറീയിങ് ബാഴ്സയുടെ ഗോള്‍ നിഷേധിച്ചിരുന്നു.

    റയല്‍ മാഡ്രിഡുമായി നാല് പോയന്റ് വ്യത്യാസത്തില്‍ നിലവില്‍ രണ്ടാമതാണ് ബാഴ്സലോണ.

    കൂടാതെ റയല്‍ മാഡ്രിഡിന് അനുകൂലമായാണ് പലപ്പോഴും വീഡിയോ റഫറി സംവിധാനം പ്രവര്‍ത്തിക്കുന്നതെന്ന് ബാഴ്സ പ്രസിഡന്റ് ജോസെപ് മരിയ ബെര്‍തെമ്യു ആരോപിച്ചു. അത്‌ലറ്റിക് ബില്‍ബോയുമായി അവരുടെ സ്റ്റേഡിയത്തില്‍ നടന്ന റയല്‍ മാഡ്രിഡ് മത്സരത്തിലെ വീഡിയോ റഫറി തീരുമാനങ്ങളെ അദ്ദേഹം ചൂണ്ടികാണിക്കുന്നു.

    ‘ഞാന്‍ ബില്‍ബാവോ മത്സരം അവസാനം വരെ കണ്ടതാണ്. നമ്മള്‍ ലോകത്തിലെ ബെസ്റ്റ് ലീഗായിട്ടും കോറോണക്ക് ശേഷമുള്ള വീഡിയോ റഫറിയിങ് വളരെ മോശമായാണ് പ്രവര്‍ത്തിക്കുന്നത്. അതിപ്പോള്‍ ഒരു പ്രത്യേക ടീമിന് വേണ്ടി മാത്രമാണ് പ്രവര്‍ത്തിക്കുന്നത്’ വിയ്യാറലുമായുള്ള മത്സര ശേഷം ബെര്‌തെമ്യു അഭിപ്രായപ്പെട്ടു.

  2. മെസിയുടേയും സെറ്റിയന്റേയും ഭാവിയെന്ത്?, നിലപാട് പ്രഖ്യാപിച്ച് ബാഴ്‌സലോണ

    Leave a Comment

    കാറ്റാലന്‍ റേഡിയോയുമായുള്ള അഭിമുഖത്തില്‍ അടുത്ത സീസണില്‍ കികെ സെറ്റിയന്‍ തന്നെ തുടരുമെന്ന് ബാഴ്സ പ്രസിഡന്റ് ബെര്‍തെമ്യു. ബാഴ്സയുടെ കളിയില്‍ താന്‍ സന്തുഷ്ടനാണെന്നും സെറ്റിയന്‍ ബാഴ്സയില്‍ തന്നെ പരിശീലകസ്ഥാനത്തില്‍ തുടരുമെന്നും അദ്ദേഹം കൂട്ടിച്ചേര്‍ത്തു.

    ‘ഞാന്‍ പുതിയ പരിശീലകനെ കുറിച്ച് ചിന്തിച്ചിട്ടില്ല. മറിച്ച് അടുത്ത സീസണിലേക്ക് കഠിനമായി പരിശ്രമിക്കാനും തയാറെടുക്കാനുമുള്ള സമയമാണിത്. ലിയോ ബാഴ്സയില്‍ തന്നെ വിരമിക്കുമെന്ന് പലവട്ടം പറഞ്ഞതാണ്. അതിലെനിക്കൊരു സംശയവുമില്ല. അത് എനിക്കൊപ്പമല്ലെങ്കില്‍ മറ്റൊരു പ്രസിഡന്റിനൊപ്പം.’ ബെര്‍തെമ്യു അഭിപ്രായപ്പെട്ടു.

    ലോകത്തിലെ തന്നെ മികച്ച കളിക്കാരനായ മെസിയെ നിലനിര്‍ത്തേണ്ടത് ഞങ്ങളുടെ കര്‍ത്തവ്യമാണെന്നും ഇനിയും ബാഴ്സയില്‍ ഒരുപാടു കാലം മെസിക്ക് കളിക്കാന്‍ ബാക്കിയുണ്ടെന്നും ബെര്‍തെമ്യു പറഞ്ഞു. ആരും ആരെയും അപകീര്‍ത്തിപ്പെടുത്താന്‍ ശ്രമിച്ചിട്ടില്ലെന്നും ഐത്രീവെഞ്ചേഴ്സ് ആരെയും അതിനായി നിയോഗിച്ചിട്ടില്ലെന്നും പലതും കെട്ടിച്ചമച്ച വ്യാജവാര്‍ത്തകളാണെന്നും ബെര്‍തെമ്യു അഭിപ്രായപ്പെട്ടു.

    ഇതൊക്കെ ആരാണ് ചെയ്യുന്നതെന്ന് കണ്ടുപിടിക്കാന്‍ വളരെയധികം ബുദ്ദിമുട്ടാണെന്നും തെറ്റായി ഞങ്ങളൊന്നും പ്രവര്‍ത്തിച്ചിട്ടില്ലെന്നും അത് ഔദ്യോഗികമായ കണക്കു പരിശോധനയില്‍ തെളിഞ്ഞതാണെന്നും ബെര്‍്‌തെമ്യു അവകാശപ്പെട്ടു. എനിക്ക് തോന്നുന്നത് അധികൃതര്‍ ഇതിനെപറ്റി കൂടുതല്‍ മികച്ച പരിശോധന നടത്തണമെന്നും ബാഴ്സ ഇതു വരെ ഒന്നും തെറ്റായി ചെയ്തിട്ടില്ലെന്നും ബെര്‍തെമ്യു കൂട്ടിച്ചേര്‍ത്തു.