Tag Archive: IRFAN PATHAN

  1. ഇര്‍ഫാന് മരുമകളുമായി അവിഹിത ബന്ധം, ഇര്‍ഫാന് മരുമകളുമായി അവിഹിത ബന്ധം, പത്താനോട് മാപ്പ് പറഞ്ഞ് പരാതിക്കാരന്‍

    Leave a Comment

    മുന്‍ ഇന്ത്യന്‍ ഓള്‍റൗണ്ടര്‍ ഇര്‍ഫാന്‍ പത്താനെതിരെ നടത്തിയ ആരോപണങ്ങള്‍ക്ക് മാപ്പ് പറഞ്ഞ് മുന്‍ പൊലീസ് ഉദ്യോഗസ്ഥനായ ഇബ്രാഹിം സയ്യാദ്. തന്റെ മരുമകളുമായി ഇര്‍ഫാന്‍ പത്താന് അവിഹിത ബന്ധമുണ്ടെന്നാണ് ഇബ്രാഹിം സയ്യാദ് ആരോപിച്ചത്.

    തെറ്റിധാരണയുടെ പുറത്താണ് ആരോപണങ്ങള്‍ ഉന്നയിച്ചതെന്നും മാപ്പ് പറയുന്നതായും ഭാര്യയോടൊപ്പം പ്രത്യക്ഷപ്പെട്ട വീഡിയോയില്‍ സയ്യാദ് പറയുന്നു. കഴിഞ്ഞ ബുധനാഴ്ച്ചയാണ് ഇര്‍ഫാനെതിരെ ക്രിക്കറ്റ് ലോകത്തെ ഞെട്ടിച്ച ആരോപണമുയര്‍ന്നത്.

    ഇത് സാമൂഹിക മാധ്യമങ്ങളില്‍ വൈറലായിരുന്നു. സയ്യാദിനെതിരെ മകന്റെ ഭാര്യ ഗാര്‍ഹിക പീഡന പരാതി നല്‍കിയതിന് പിന്നാലെയായിരുന്നു മരുമകള്‍ക്കും ഇര്‍ഫാനുമെതിരെ ആരോപണവുമായി രംഗത്തെത്തിയത. ഇര്‍ഫാന്റെ അടുത്ത ബന്ധുവാണ് സയ്യാദിന്റെ മരുമകള്‍.

    റിട്ട. പൊലീസുകാരനായിട്ടും തനിക്ക് പൊലീസില്‍നിന്ന് നീതി കിട്ടുന്നില്ലെന്നും താനും ഭാര്യയും ആത്മഹത്യ ചെയ്യുമെന്നും വിഡിയോയില്‍ സയ്യാദ് പറഞ്ഞിരുന്നു. ഗാര്‍ഹിക പീഡന കേസില്‍ ചോദ്യം ചെയ്യലിനായി വിളിപ്പിച്ചതിനു പിന്നാലെയാണ് വിഡിയോയിലൂടെ ആരോപണവുമായി എത്തിയത്.

    എന്നാല്‍, കഴിഞ്ഞ ദിവസം പുതിയ വിഡിയോയിലൂടെ ഇതിന് തിരുത്തുമായി സയ്യാദ് രംഗത്തെത്തുകയായിരുന്നു. തന്റെ ഭാഗത്തുണ്ടായ തെറ്റിധാരണയുടെ ഫലമായാണ് അത്തരമൊരു ആരോപണം ഉന്നയിച്ചതെന്നും അത് തെറ്റാണെന്ന്? അന്വേഷണത്തില്‍ ബോധ്യമായതിന്റെ അടിസ്ഥാനത്തില്‍ ഇര്‍ഫാനോട് നിരുപാധികം മാപ്പു പറയുന്നുവെന്നും വിഡിയോയില്‍ വ്യക്തമാക്കി.

    2018ലും സയ്യാദിനും കുടുംബത്തിനുമെതിരെ മരുമകള്‍ ഗാര്‍ഹിക പീഡന പരാതി നല്‍കിയിരുന്നു. കഴിഞ്ഞ വര്‍ഷം അത് ഒത്തുതീര്‍ക്കുകയായിരുന്നു. പിന്നീട് ഇക്കഴിഞ്ഞ മാര്‍ച്ചിലാണ് വീണ്ടും പരാതി നല്‍കുന്നത്. ഭര്‍ത്താവിന്റെ മാതാപിതാക്കളും ഭര്‍ത്താവും മാനസികമായും ശാരീരികമായും പീഡിപ്പിക്കുന്നുവെന്നാണ് പരാതിയില്‍ ഉന്നയിച്ചിട്ടുള്ളത്.

  2. അന്ന് ധോണി ഇര്‍ഫാനോട് ചെയ്തത്, ഇന്ത്യന്‍ ക്രിക്കറ്റിലെ മുറിവാണത്

    Leave a Comment

    ഇന്ത്യ കണ്ട ഏറ്റവും മികച്ച ഓള്‍റൗണ്ടര്‍മാരില്‍ ഒരാളായിരുന്നു ഇര്‍ഫാന്‍ പത്താന്‍. കരിയറിലെ തന്റെ പ്രതാഭ കാലത്ത് എതിരാളികള്‍ക്ക് മേല്‍ സമ്പൂര്‍ണ്ണ ആധിപത്യമാണ് ഇര്‍ഫാന്‍ പത്താന്‍ പുലര്‍ത്തിയത്. പാകിസ്ഥാന്‍ മുതല്‍ ലോകക്രിക്കറ്റിലെ പ്രതാഭികളായിരുന്ന ഓസ്‌ട്രേലിയ വരെ ഇര്‍ഫാന്‍ ബാറ്റിന്റേയും ബൗളിംഗിന്റേയും ചൂടറിഞ്ഞു.

    അക്കാലത്ത് ഇര്‍ഫാനെ അപമാനിച്ചവരെല്ലാം പിന്നീട് തിരുത്തിപറയേണ്ടി വന്നു. പാക് കോച്ചായിരുന്ന ജാവേദ് മിയാന്‍ദാദ് വരെ ഇര്‍ഫാനെ പരിഹസിച്ചതിന് ശിക്ഷയേറ്റ് വാങ്ങിയത് ഇന്ത്യന്‍ ക്രിക്കറ്റ് പ്രേമികള്‍ ആവേശത്തോടെ ഇന്നും ഓര്‍ക്കുന്ന സംഭവമാണ്.

    എന്നാല്‍ 2012ല്‍ വേട്ടയാടിയ പരിക്ക് ഇര്‍ഫാന്റെ കരിയറിനെ 29ാം വയസ്സില്‍ തന്നെ അന്ത്യം കുറിയ്ക്കുകയായിരുന്നു. താന്‍ കളിച്ച അവസാന ഏകദിന മത്സരത്തില്‍ ഇര്‍ഫാന്‍ തന്നെയായിരുന്നു മാന്‍ ഓഫ് ദ മാച്ച. എന്നാല്‍ പരിക്കില്‍ നിന്നും മുക്തനായ ഇര്‍ഫാനെ ടീമിലേക്ക് പരിഗണിക്കാന്‍ ഇന്ത്യന്‍ സെലക്ടര്‍മാര്‍ തയ്യാറായില്ല. ടീം നായകന്‍ മഹേന്ദ്ര സിംഗ് ധോണിയ്ക്ക് ഇര്‍ഫാനോടുളള വിശ്വാസം നഷ്ടപ്പെട്ടതായിരുന്നു ഇന്ത്യയുടെ എക്കാലത്തേയും മികച്ച ഓള്‍ റൗണ്ടര്‍ക്ക് തിരിച്ചടിയായത്.

    എന്നാല്‍ 2015ലെ ഐപിഎല്ലില്‍ ധോണിയുടെ ചെന്നൈ സൂപ്പര്‍ കിംഗ്‌സ് ലേലത്തിലൂടെ ഇര്‍ഫാനെ സ്വന്തമാക്കി. സിഎസ്‌കെയിലെത്തിയപ്പോള്‍ അതു അദ്ദേഹത്തിന്റെ കരിയറില്‍ വഴിത്തിരിവാകുമെന്നായിരുന്നു പലരും വിലയിരുത്തിയത്. ക്രിക്കറ്റിലേക്കു ഇര്‍ഫാന്റെ ശക്തമായി തിരിച്ചുവരവാണ് ഇതെന്നും പ്രതീക്ഷിച്ചു.

    പക്ഷെ രവീന്ദ്ര ജഡേജ, ഡ്വയ്ന്‍ ബ്രാവോ, സുരേഷ് റെയ്ന തുടങ്ങിയ ഓള്‍റൗണ്ടര്‍മാരുടെ സാന്നിധ്യം സിഎസ്‌കെയില്‍ അദ്ദേഹത്തിന്റെ വഴിയടച്ചു. സീസണ്‍ മുഴുവന്‍ ഇര്‍ഫാന് കാഴ്ചക്കാരനാവേണ്ടി വന്നു. സീസണിനു ശേഷം അദ്ദേഹം ഒഴിവാക്കപ്പെടുകയും ചെയ്തു.

  3. വീണ്ടും ഹൃദയം കീഴടക്കുകയാണവന്‍, നോവോടെയല്ലാതെ ആ ബാറ്റിംഗ് കാണാനാകുന്നില്ല

    Leave a Comment

    പ്രണവ് തെക്കേടത്ത്

    ഇന്ത്യയുടെ രണ്ടാം കപില്‍ദേവെന്ന വിളിപ്പേര് സമ്പാദിച്ച ആ ചുരുള മുടിക്കാരന് , പാതിവഴിയില്‍ എല്ലാം നഷ്ടപ്പെടുന്നത് അവിശ്വസനീയതയോടെ നോക്കി കണ്ടൊരു കാലമുണ്ട് ..

    സിഡ്നിയില്‍ ഗില്ലിയുടെ പ്രതിരോധം തകര്‍ത്ത ഇന്‍സ്വിങ്ങറും ,സ്റ്റീവോയെ കബളിപ്പിച്ച ആ ഔട്ട് സ്വിങ്ങറും വാനോളം പ്രതീക്ഷകള്‍ നല്‍കിയ ആ സ്വിങ് ബൗളര്‍ …..

    മൂന്നാമനായെത്തി സ്റ്റേഡിയത്തെ ഇളക്കി മറിച്ച ഇന്നിങ്സുകളിലൂടെ അയാളില്‍ ആ കാലം സ്വപ്നം കണ്ടിരുന്നത് ഒരു ഓള്‍ റൗണ്ടറെ ആയിരുന്നു …

    വര്‍ഷങ്ങള്‍ക്കിപ്പുറം ഒരിക്കല്‍ ഇന്ത്യയുടെ എക്കാലത്തെയും പ്രതീക്ഷയായിരുന്നവന്‍ ,വീണ്ടും ഹൃദയം കീഴടക്കുകയാണ് ..

    എവിടെയോ അവസാനിക്കേണ്ട ഒരു ചെയ്സിനെ അവസാന ഓവറിലേക്ക് വലിച്ചു നീട്ടി ,വിജയിക്കാനാവാതെ നടന്നു നീങ്ങുമ്പോഴും ഒരിക്കല്‍ അയാളെ ഇത്രമാത്രം ആഗ്രഹിച്ചതെന്തിനായിരുന്നു എന്ന് അയാള്‍ ഒരിക്കല്‍ കൂടി ഓര്മിപ്പിക്കുന്നുണ്ട്

    കടപ്പാട്: സ്‌പോട്‌സ് പാരഡൈസോ ക്ലബ്

  4. വെടിക്കെട്ട്, സംഹാരിയായി ഇര്‍ഫാന്‍ പത്താന്‍, പൊരുതി വീണ് ഇന്ത്യ

    Leave a Comment

    റായ്പൂര്‍: റോഡ് സേഫ്റ്റി ലോക സീരീസില്‍ ഇന്ത്യ ലെജന്റ്സിന് തോല്‍വി. കരുത്തരായ ഇംഗ്ലണ്ട് ഇംഗ്ലണ്ട് ലെജന്റ്സ് ആണ് ഇന്ത്യയുടെ വിജയത്തിന് കടിഞ്ഞാണിട്ടത്. ഒരു ഘട്ടത്തില്‍ വന്‍ തോല്‍വി മുന്നില്‍കണ്ട ഇന്ത്യയെ ഇര്‍ഫാന്‍ തന്റെ മാസ്മരിക ഇന്നിംഗ്‌സിലൂടെ മത്സരത്തിലേക്ക് തിരികെ കൊണ്ട് വരുകയായിരുന്നു. എന്നാല്‍ ആറു റണ്‍സകലെ ജയം കൈവിടുകയായിരുന്നു.

    സ്‌കോര്‍: ഇംഗ്ലണ്ട് ലെജന്റ്സ് ഏഴിന് 188. ഇന്ത്യ ലെജന്റ്സ് ഏഴിന് 182.

    ക്യാപ്റ്റന്റെ കളി കെട്ടഴിച്ച പീറ്റേഴ്സന്റെ വെടിക്കെട്ട് ബാറ്റിങും (75) ഇന്ത്യന്‍ വംശജനായ സ്പിന്നര്‍ മോണ്ടി പനേസറുടെ (മൂന്നു വിക്കറ്റ്) ഉജ്ജ്വല ബൗളിങുമാണ് ഇംഗ്ലണ്ടിന്റെ വിജയത്തിനു അടിത്തറയിട്ടത്. ഇന്ത്യന്‍ നിരയില്‍ ഇര്‍ഫാന്‍ പഠാന്‍ (61*), മന്‍പ്രീത് ഗോണി (35*), യുവരാജ് സിങ് (22) എന്നിവരാണ് ഇന്ത്യന്‍ നിരയില്‍ തിളങ്ങിയത്.

    ടോസിനു ശേഷം സച്ചിന്‍ ബൗളിങ് തിരഞ്ഞെടുക്കുകയായിരുന്നു. എന്നാല്‍ പീറ്റേഴ്സന്റെ പ്രകടനം സച്ചിന്റെ കണക്കുകൂട്ടലുകള്‍ തെറ്റിച്ചു. വെറും 37 ബോളില്‍ ആറു ബൗണ്ടറികളും അഞ്ചു സിക്സറുമടക്കം പീറ്റേഴ്സന്‍ വാരിക്കൂട്ടിയത്് 75 റണ്‍സാണ്. നിശ്ചിത 20 ഓവറില്‍ ഇംഗ്ലണ്ട് ഏഴു വിക്കറ്റിന് 188 റണ്‍സ് അടിച്ചെടുത്തു. ഡാരന്‍ മാഡി (29), ക്രിസ് സ്‌കോഫീല്‍ഡ് (15), ഗാവിന്‍ ഹാമില്‍റ്റണ്‍ (15), ഫില്‍ മസ്റ്റാര്‍ഡ് (14) എന്നിവരാണ് രണ്ടക്കം കടന്ന മറ്റുള്ളവര്‍. ഇന്ത്യക്കു വേണ്ടി യൂസുഫ് പഠാന്‍ മൂന്നു വിക്കറ്റുകളെടുത്തപ്പോള്‍ ഇര്‍ഫാന്‍ പത്താന്‍, മുനാഫ് പട്ടേല്‍ എന്നിവര്‍ രണ്ടു വിക്കറ്റ് വീതമെടുത്തു.

    189 റണ്‍സിന്റെ ലക്ഷ്യത്തിലേക്കു ബാറ്റ് വീശിയ ഇന്ത്യ മികച്ച തുടക്കം ആഗ്രഹിച്ചിരുന്നു. എന്നാല്‍ രണ്ടാമത്തെ ഓവറില്‍ തന്നെ ഇന്ത്യക്കു വീരേന്ദര്‍ സെവാഗിനെ നഷ്ടമായി. മാത്യു ഹൊഗാര്‍ഡിനെതിരേ ബൗണ്ടറി പായിച്ച സെവാഗ് (6) തൊട്ടടുത്ത ബോളില്‍ ക്യാച്ചായി മടങ്ങി. തൊട്ടടുത്ത ഓവറില്‍ നായകന്‍ സച്ചിന്‍, മുഹമ്മദ് കൈഫ് എന്നിവരെ പുറത്താക്കി പനേസര്‍ ഇന്ത്യയെ നിസാഹയരാക്കി.

    മൂന്നിന 17 റണ്‍സില്‍ നിന്നും ഇന്ത്യ ഒരു ഘട്ടത്തില്‍ ഏഴിന് 119 റണ്‍സിലേക്കു വീണിരുന്നു. എസ് ബദ്രിനാഥ് (8), യുവരാജ് സിങ് (22), യൂസുഫ് പത്താന്‍ (17), നമാന്‍ ഓജ (12) എന്നിവര്‍ അടുത്തടുത്ത ഇടവേളകളില്‍ മടങ്ങിയത് ഇന്ത്യയെ സമ്മര്‍ദ്ദത്തിലാക്കി.

    എന്നാല്‍ എട്ടാം വിക്കറ്റില്‍ ഇര്‍ഫാന് കൂട്ടായി മന്‍പ്രീത് ഗോണി വന്നതോടെ കളിയുടെ ഗതി മാറി. 63 റണ്‍സ് ഇരുവരും ചേര്‍ന്നെടുത്തു. 34 ബോളില്‍ നാലു ബൗണ്ടറികളും അഞ്ചു സിക്സറുമടക്കം ഇര്‍ഫാന്‍ പുറത്താവാതെ 61 റണ്‍സ് വാരിക്കൂട്ടി. ഗോണിയാവട്ടെ 16 ബോളില്‍ നാലു സിക്സറും ഒരു ബൗണ്ടറിയുമടക്കം പുറത്താവാതെ 35 റണ്‍സും നേടി. അവസാന രണ്ടു ബോളില്‍ എട്ടു റണ്‍സായിരുന്നു ഇന്ത്യക്കു ജയിക്കാന്‍ വേണ്ടിയിരുന്നത്. പക്ഷെ സ്ട്രൈക്ക് നേരിട്ട ഗോണിക്കു ഒരു റണ്‍സ് മാത്രമേ നേടാനായുള്ളൂ.

  5. അടുത്ത കപിലാകുമെന്ന് കരുതിയ ആളാണ്, എന്നാല്‍ അയാള്‍ പൂര്‍ണ്ണനായ ഇര്‍ഫാന്‍ പോലുമായില്ല

    Leave a Comment

    സന്ദീപ് ദാസ്

    ഇര്‍ഫാന്‍ പത്താന്റെ ഹാട്രിക് പ്രകടനത്തിന് 15 വയസ്സ് പൂര്‍ത്തിയായിരിക്കുന്നു. അതിനേക്കാള്‍ കൂടുതല്‍ ആഘോഷിക്കപ്പെട്ട മറ്റൊരു ഹാട്രിക് ഇന്ത്യന്‍ ക്രിക്കറ്റില്‍ ഉണ്ടായിട്ടില്ലെന്ന് നിസ്സംശയം പറയാം.

    2006ലെ ഇന്ത്യ-പാക്കിസ്ഥാന്‍ ടെസ്റ്റ് പരമ്പരയിലെ മൂന്നാം ടെസ്റ്റിലാണ് ഇര്‍ഫാന്‍ ഹാട്രിക് നേടിയത്. ആദ്യ രണ്ടു ടെസ്റ്റുകളും വിരസമായ സമനിലയില്‍ അവസാനിക്കുകയായിരുന്നു. ഫ്‌ലാറ്റ് പിച്ചുകള്‍ ഒരുക്കിയതിന്റെ പേരില്‍ ആതിഥേയരായ പാക്കിസ്ഥാന്‍ അത്യാവശ്യം പഴി കേള്‍ക്കുകയും ചെയ്തു.

    കറാച്ചിയില്‍ നടന്ന മൂന്നാം ടെസ്റ്റില്‍ പച്ചപ്പട അതിനുള്ള പ്രായശ്ചിത്തം ചെയ്തു. ബോളര്‍മാരെ നല്ലതുപോലെ തുണയ്ക്കുന്ന പ്രതലമാണ് കറാച്ചിയില്‍ ഉണ്ടായിരുന്നത്. ആ പിച്ച് മുതലെടുക്കാനുള്ള ശേഷി ഇന്ത്യന്‍ ടീമിനില്ല എന്നാണ് പാക്കിസ്ഥാന്‍ കരുതിയത്.
    ഇര്‍ഫാന്‍ പത്താനെപ്പോലുള്ള ബോളര്‍മാര്‍ പാക്കിസ്ഥാന്റെ എല്ലാ തെരുവുകളിലും ഉണ്ട് എന്നാണ് മുന്‍ പാക് നായകന്‍ ജാവേദ് മിയാന്‍ദാദ് അഭിപ്രായപ്പെട്ടത്!

    എല്ലാവര്‍ക്കുമുള്ള മറുപടി ഇര്‍ഫാന്‍ സ്‌റ്റൈലായിത്തന്നെ നല്‍കി. കറാച്ചി ടെസ്റ്റിന്റെ ആദ്യ ഓവറില്‍ ഹാട്രിക്! സല്‍മാന്‍ ബട്ട്,യുനീസ് ഖാന്‍,മൊഹമ്മദ് യൂസഫ് എന്നിവരായിരുന്നു ഇരകള്‍.

    ലൈന്‍,ലെങ്ത്ത്,സ്വിംഗ് എന്നീ ആയുധങ്ങളുടെ പ്രദര്‍ശനം. സ്വന്തം മരുന്നിന്റെ രുചി പാക്കിസ്ഥാനികള്‍ അറിഞ്ഞു.

    ഇര്‍ഫാന്റെ ഹാട്രിക് പാക്കിസ്ഥാനെ 39/6 എന്ന ദയനീയാവസ്ഥയിലേക്കാണ് തള്ളിയിട്ടത്. എന്നാല്‍ കളിയുടെ ഫലം വിചിത്രമായിരുന്നു. ഇന്ത്യ 341 റണ്ണുകള്‍ക്ക് തോറ്റു! ക്രിക്കറ്റിന്റെ അപ്രവചനീയതയുടെ ഏറ്റവും മികച്ച ഉദാഹരണം!

    അടുത്ത കപില്‍ ദേവ് ആകുമെന്ന് പ്രതീക്ഷിച്ച താരമായിരുന്നു ഇര്‍ഫാന്‍. പക്ഷേ അയാള്‍ പൂര്‍ണ്ണനായ ഇര്‍ഫാന്‍ പത്താന്‍ പോലുമായില്ല. എന്താണ് ഇര്‍ഫാന് സംഭവിച്ചത്?

    ഇര്‍ഫാന്റെ വീഴ്ച്ച ഗ്രെഗ് ചാപ്പലിന്റെ സംഭാവനയാണെന്ന് ഭൂരിപക്ഷം പേരും വിശ്വസിക്കുന്നു. ഇര്‍ഫാന്‍ തന്നെയാണ് കുറ്റക്കാരന്‍ എന്ന് മറുഭാഗം വാദിക്കുന്നു. ചിലര്‍ എം.എസ് ധോനിയെ പ്രതിക്കൂട്ടില്‍ നിര്‍ത്തുന്നു.

    എന്തായാലും ഇര്‍ഫാന്റെ വീഴ്ച്ച ക്രിക്കറ്റിന്റെ നഷ്ടമായിരുന്നു…

    കടപ്പാട്: സ്‌പോട്‌സ് പാരഡൈസോ ക്ലബ്

  6. തകര്‍പ്പന്‍ റെക്കോര്‍ഡുമായി ഇര്‍ഫാന്‍, മുന്നില്‍ ജഡേജ മാത്രം

    Leave a Comment

    ട്വന്റി20 ക്രിക്കറ്റിലെ അപൂര്‍വ ഇരട്ട നേട്ടം സ്വന്തമാക്കി മുന്‍ ഇന്ത്യന്‍ ക്രിക്കറ്റ് താരം ഇര്‍ഫാന്‍ പത്താന്‍. ട്വന്റി20യില്‍ 150 വിക്കറ്റും 2000 റണ്‍സും സ്വന്തമാക്കുന്ന രണ്ടാമത്തെ ഇന്ത്യക്കാരന്‍ എന്ന നേട്ടമാണ് പത്താന്‍ സ്വന്തം പേരില്‍ കുറിച്ചത്. രവീന്ദ്ര ജഡേജയാണ് ഈ നേട്ടം സ്വന്തമാക്കിയ ആദ്യ ഇന്ത്യന്‍ താരം.

    ലങ്കന്‍ പ്രീമിയര്‍ ലീഗില്‍ കാന്‍ഡി ടസ്‌കേഴ്‌സിനായി കളിച്ചാണ് പത്താന്‍ ഈ നേട്ടത്തിലെത്തിയത്. കഴിഞ്ഞ ദിവസം ജാഫ്‌ന സ്റ്റാലിയന്‍സിനെതിരായ മത്സരത്തിലാണ് താരം 2000 റണ്‍സ് നേട്ടം പിന്നിട്ടത്. 142 ഇന്നിങ്‌സുകളില്‍നിന്നാണ് ഇര്‍ഫാന്‍ പത്താന്‍ 2000 റണ്‍സ് നേടിയത്. 173 വിക്കറ്റുകളും താരം സ്വന്തമാക്കി.

    ജാഫ്‌നയ്‌ക്കെതിരായ മത്സരത്തില്‍ 19 പന്തുകളില്‍നിന്ന് 25 റണ്‍സെടുത്തു പുറത്താകാതെ നിന്ന താരം ടീമിന് ആറു വിക്കറ്റിന്റെ വിജയവും നേടിക്കൊടുത്തു. അതെസമയം ലീഗില്‍ നാലു മത്സരങ്ങള്‍ കളിച്ചിട്ടും ഒരു വിക്കറ്റ് സ്വന്തമാക്കാന്‍ ഇര്‍ഫാാന് സാധിച്ചിട്ടില്ല.

    ഈ വര്‍ഷം ജനുവരിയിലാണ് ഇര്‍ഫാന്‍ രാജ്യാന്തര ക്രിക്കറ്റില്‍നിന്നു വിരമിച്ചത്. 2003 ല്‍ രാജ്യാന്തര തലത്തില്‍ അരങ്ങേറിയ താരം 2012ല്‍ ഇന്ത്യയ്ക്കായി അവസാന മത്സരം കളിച്ചു. 29 ടെസ്റ്റ്, 120 ഏകദിനം, 24 ട്വന്റി20 മത്സരങ്ങള്‍ താരം ഇന്ത്യയ്ക്കായി കളിച്ചിട്ടുണ്ട്.

    ഐപിഎല്ലില്‍ കിങ്‌സ് ഇലവന്‍ പഞ്ചാബ്, സണ്‍റൈസേഴ്‌സ് ഹൈദരാബാദ്, ചെന്നൈ സൂപ്പര്‍കിങ്‌സ്, റൈസിങ് പുണെ സൂപ്പര്‍ ജയന്റ്‌സ്, ഗുജറാത്ത് ലയണ്‍സ് ടീമുകള്‍ക്കു വേണ്ടിയും താരം കളിക്കാനിറങ്ങി.

  7. ഗെയിലിനൊപ്പം ബാറ്റേന്താന്‍ ഇന്ത്യന്‍ സൂപ്പര്‍ താരവും, ഈ ലീഗ് വേറെ ലെവലാകും

    Leave a Comment

    ലങ്ക പ്രീമിയര്‍ ലീഗില്‍ കളിക്കുന്നതിനായി മുന്‍ ഇന്ത്യന്‍ ഓള്‍റൗണ്ടര്‍ ഇര്‍ഫാന്‍ പത്താന്‍ ശ്രീലങ്കയിലെത്തി. ട്വിറ്ററിലൂടെയാണ് ഇര്‍ഫാന്‍ പത്താന്‍ ഇക്കാര്യം ആരാധകരെ അറിയിച്ചത്. ലങ്ക പ്രീമിയര്‍ ലീഗില്‍ കാന്‍ഡി ടസ്‌കേഴ്‌സിനു വേണ്ടിയാണ് ഇര്‍ഫാന്‍ കളിക്കുക. ക്രിസ് ഗെയില്‍, കുശാല്‍ പെരേര തുടങ്ങിയവരും കാന്‍ഡി ടസ്‌കേഴ്‌സില്‍ ഉണ്ട്.

    ഏറെ ആശങ്കകള്‍ക്ക് ഒടുവില്‍ ലങ്ക പ്രീമിയര്‍ ലീഗ് നവംബര്‍ 26 മുതലാണ് ആരംഭിക്കുന്നത്. അഞ്ച് ടീമുകളാണ് ലീഗില്‍ ഉള്ളത്. രണ്ട് ഇന്ത്യന്‍ താരങ്ങള്‍ ഉള്‍പ്പെടെ വിവിധ രാജ്യങ്ങളില്‍ നിന്നുള്ള 90 താരങ്ങള്‍ ലങ്ക പ്രീമിയര്‍ ലീഗില്‍ പങ്കെടുക്കും.

    ഡിസംബര്‍ 16നാണ് ഫൈനല്‍. നേരത്തെ നവംബര്‍ 14നു നിശ്ചയിച്ചിരുന്ന ലീഗ് ഇന്ത്യന്‍ പ്രീമിയര്‍ ലീഗ് അവസാനിക്കുന്നതുമായി ബന്ധപ്പെട്ട് റീഷെഡ്യൂള്‍ ചെയ്യുകയായിരുന്നു. ഓഗസ്റ്റ് 28 മുതല്‍ ലങ്ക പ്രീമിയര്‍ ലീഗ് ആരംഭിക്കാനാണ് ശ്രീലങ്ക തീരുമാനിച്ചിരുന്നത്. എന്നാല്‍, കൊവിഡ് മാനദണ്ഡങ്ങള്‍ കാരണം ലീഗ് നീട്ടിവെക്കുകയായിരുന്നു.

    നേരത്തെ അഞ്ച് വിദേശ താരങ്ങള്‍ ലീഗില്‍ നിന്ന് പിന്മാറിയിരുന്നു. ആന്ദ്രേ റസല്‍, ഫാഫ് ഡുപ്ലെസി, മന്‍വിന്ദര്‍ ബിസ്ല, ഡേവിഡ് മില്ലര്‍, ഡേവിഡ് മലന്‍ എന്നിവരാണ് പിന്മാറിയത്. കാല്‍മുട്ടിനേറ്റ പരിക്കിനെ തുടര്‍ന്നാണ് റസലിന്റെ പിന്മാറ്റം. ഇംഗ്ലണ്ടിനെതിരായ ദക്ഷിണാഫ്രിക്കന്‍ പരമ്പരയില്‍ ഉള്‍പ്പെട്ടതിനെ തുടര്‍ന്നാണ് ഡുപ്ലസി, ഡേവിഡ് മില്ലര്‍, ഡേവിഡ് മലന്‍ എന്നിവര്‍ വിട്ടുനില്‍ക്കുന്നത്.

  8. കണക്കുകളേക്കാള്‍ എത്രയോ മീതെയായിരുന്നു അവന്റെ പ്രതിഭ, പൊന്മുട്ട ഇടുന്ന താറാവിനെ ടീം ഇന്ത്യ കൊന്നതെന്തിന്?

    Leave a Comment

    ധനേഷ് ദാമോദരന്‍

    ‘ഞാന്‍ നിങ്ങളുടെ മകനെ പറ്റി ഒന്നും പറഞ്ഞിട്ടില്ല ‘
    തന്റെ പ്രതാപകാലത്ത് ലോകമെമ്പാടുമുള്ള ബൗളര്‍മാരെ വിറപ്പിച്ച മിയാന്‍ദാദ് പക്ഷെ മെഹബൂബ് ഖാന്‍ എന്ന വൃദ്ധനെ കണ്ട മാത്രയില്‍ ചൂളിപ്പോയി .

    മിയാന്‍ദാദിന്റെ പരുങ്ങല്‍ കണ്ട വൃദ്ധന്റെ ചിരിയില്‍ മുഴുവന്‍ പരിഹാസവും ഉണ്ടായിരുന്നു .
    ‘ ഞാന്‍ താങ്കളോട് ആ വിഷയത്തെപ്പറ്റി സംസാരിക്കാനേ അല്ല വന്നത് .നിങ്ങള്‍ ഒരു മഹാനായ ബാറ്റ്‌സ്മാന്‍ ആണ് .നേരിട്ട് കാണണമെന്ന് തോന്നി ‘.

    സത്യത്തില്‍ ആ വിഷയത്തെപ്പറ്റി സംസാരിക്കാന്‍ തന്നെയായിരുന്നു ബറോഡയില്‍ ഒരു പള്ളിയിലെ സാധാരണ ജോലികള്‍ ചെയ്ത് ഉപജീവനം നടത്തിയിരുന്ന മെഹബൂബ് ഖാന്‍ മിയാന്‍ദാദിന്റെ അടുത്ത് പോയത് .കാരണം പത്രത്തില്‍ തന്റെ മകനെ പറ്റിയുള്ള മിയാന്‍ദാദിന്റെ പരാമര്‍ശം അയാളെ വല്ലാതെ വേദനിപ്പിച്ചിരുന്നു .പക്ഷെ മിയാന്‍ദാദിന്റെ മുന്‍കൂര്‍ ജാമ്യം അദ്ദേഹത്തെ ചിരിപ്പിച്ചു .

    ‘Bowlers like Irfan Pathan are in every gully & mohalla of Pakistan .We don’t even bother to look at them ‘
    2003-04 ലെ ഇന്ത്യയുടെ പാക് പര്യടനത്തിന് മുന്‍പ് ഇര്‍ഫാന്‍ പത്താനെ പോലുള്ളവര്‍ പാകിസ്ഥാന്റെ ഓരോ മുക്കിലും മൂലയിലും ഉണ്ടെന്നും ഷോയിബ് അക്തറും മുഹമ്മദ് സാമിയും ഇന്ത്യന്‍ ബാറ്റിങ് നിരയെ തകര്‍ക്കുന്നതു പോലെ തിരിച്ചു ചെയ്യാനുള്ള അതിവേഗം ഇര്‍ഫാന്‍ പത്താനില്ലെന്നും ആയിരുന്നു മിയാന്‍ദാദിന്റെ വാദം .
    പക്ഷെ പരമ്പര കഴിഞ്ഞപ്പോഴേക്കും മിയാന്‍ദാദിന് തന്റെ വാക്കുകള്‍ വിഴുങ്ങേണ്ടി വന്നു .ഗാംഗുലിയുടെ ഇന്ത്യ ടെസ്റ്റ് പരമ്പര 2-1 നും ഏകദിന പരമ്പര 3-2 നും ജയിച്ചു .ഇര്‍ഫാന്‍ പത്താന്‍ പരമ്പരയിലുടനീളം മനോഹരമായി പന്തെറിയുകയും ചെയ്തതോടെ മിയാന്‍ദാദ് പരിഹാസ്യനായി.

    ആ 6 ആഴ്ചകള്‍ ഇന്ത്യന്‍ ക്രിക്കറ്റിന് ആഘോഷമായിരുന്നു .ഇന്ത്യക്ക് പാകിസ്ഥാനെതിരെ പരമ്പര വിജയം ,സെവാഗിന്റെ ട്രിപ്പിള്‍ ,ദ്രാവിഡിന്റെ ഇരട്ട സെഞ്ചുറി ,ബാലാജിയുടെ പ്രകടനം ,ഇര്‍ഫാന്റെ മാജിക് .പരമ്പരക്കൊടുവില്‍ ഇതേ മിയാന്‍ദാദ് ഇന്ത്യന്‍ ടീമിനെ വീട്ടിലേക്ക് ക്ഷണിച്ച് വിരുന്ന് കൂടി നല്‍കുകയുണ്ടായി .

    സത്യത്തില്‍ അതിന് തൊട്ടു മുന്‍പ് നടന്ന ആസ്‌ട്രേലിയന്‍ പര്യടനത്തില്‍ ആഡം ഗില്‍ക്രിസ്റ്റിനെ ക്ലീന്‍ ബൗള്‍ ചെയ്ത മനോഹരമായ പന്തു കണ്ട് ക്രിക്കറ്റ് ലോകം ഇര്‍ഫാനെ ‘വസിം അക്രത്തിന്റെ പിന്‍ഗാമി ‘ എന്ന് വിശേഷിപ്പിച്ചതായിരിക്കാം മിയാന്‍ദാദിനെ അലോസരപ്പെടുത്തിയത് .പക്ഷെ അതേ പ്രായത്തില്‍ അക്രത്തെക്കാള്‍ മികച്ച പ്രതിഭ പുറത്തെടുത്ത ഇര്‍ഫാനെ അങ്ങനെ വിശേഷിപ്പിച്ചില്ലായിരുന്നെങ്കിലായേനെ അത്ഭുതം . ഇര്‍ഫാന്റെ എല്ലാ മികച്ച പ്രകടനങ്ങളും പിറന്നതും തന്നെ ആക്ഷേപിച്ച മിയാന്‍ദാദിന്റെ നാടിനെതിരെയായിരുന്നു എന്നത് യാദൃശ്ചികമാകാം .

    അന്താരാഷ്ട്ര കരിയര്‍ ആരംഭിക്കുന്നതിനു മുന്‍പെ പ്രിയപ്പെട്ടതായിരുന്നു ഇര്‍ഫാന് പാക് മണ്ണ് .2003 ലെ ഏഷ്യന്‍ U- 19 ടൂര്‍ണമെന്റില്‍ ബംഗ്‌ളാദേശിനെതിരെ ഇര്‍ഫാന്‍ പത്താന്‍ നടത്തിയ പ്രകടനം അത്ര മാത്രം അതിശയകരമായിരുന്നു .


    ലാഹോര്‍ ഗദ്ദാഫി സ്റ്റേഡിയത്തില്‍ അമ്പാട്ടി റായിഡു നയിച്ച ഇന്ത്യന്‍ ടീം 50 ഓവറില്‍ നേടിയത് 223 റണ്‍ .77 റണ്‍ നേടിയ ദിനേശ് കാര്‍ത്തിക്കും 47 റണ്‍ നേടിയ സുരേഷ് റെയ്‌നയും മികച്ച പ്രകടനം നടത്തിയ മച്ചില്‍ മലയാളിയായ റൈഫി വിന്‍സന്റ് ഗോമസ് അരങ്ങേറ്റം കുറിച്ചപോള്‍ പാതി മലയാളിയായ റോബിന്‍ ഉത്തപ്പയും ടീമിലുണ്ടായിരുന്നു .വാലറ്റത്ത് ഇര്‍ഫാന്‍ പത്താന്‍ 31 പന്തില്‍ നേടിയ 34 റണ്‍സ് നിര്‍ണായകമായിരുന്നു .
    മറുപടിയില്‍ ബംഗ്‌ളാദേശിന്റെ തകര്‍ച്ച ദയനീയമായിരുന്നു .ഇന്നിങ്ങ്‌സ് നീണ്ടത് വെറും 14.5 ഓവര്‍ മാത്രം .34 റണ്‍സിന് ഓള്‍ ഔട്ട് .ഇന്ത്യന്‍ ഇന്നിങ്‌സില്‍ പത്താന്‍ നേടിയ സ്‌കോര്‍ മാത്രമാണ് ബംഗ്‌ളാദേശ് നേടിയത് .

    10.4 ഓവര്‍ ആയപ്പോഴേക്കും ബംഗ്‌ളാദേശ് 22 ന് 7 ലെത്തിയിരുന്നു .പന്തെറിഞ്ഞത് 2 പേര്‍ മാത്രം .പത്താനും വി.ആര്‍. വി. സിങ്ങും .വി.ആര്‍.വി 7 ഓവറില്‍ 17 റണ്‍സിന് 1 വിക്കറ്റ് വീഴ്ത്തിയപ്പോള്‍ പത്താന്റേത് വിശ്വസിക്കാന്‍ പ്രയാസമുള്ള ബൗളിങ് ഫിഗര്‍ ആയിരുന്നു . 7.5-3-16-9

    പാക് മണ്ണില്‍ 2006 ല്‍ കറാച്ചി ടെസ്റ്റിലെ ആദ്യ ഓവറില്‍ സല്‍മാന്‍ ബട്ട് ,യൂനിസ് ഖാന്‍ ,മുഹമ്മദ് യൂസഫ് എന്നീ ലോകോത്തര ബാറ്റ്‌സ്മാന്‍മാരെ തുടര്‍ച്ചയായ പന്തുകളില്‍ മടക്കി ഹാട്രിക് നേടുമ്പോള്‍ ഇര്‍ഫാന് പ്രായം 22 .നൂറ്റാണ്ടുകള്‍ പഴക്കമുള്ള ടെസ്റ്റ് ചരിത്രത്തില്‍ ടെസ്റ്റിന്റെ ആദ്യ ഓവറില്‍ ഹാട്രിക് നേടാന്‍ ഇര്‍ഫാന്‍ പത്താന്‍ ജനിക്കേണ്ടി വന്നു .

    ടെസ്റ്റ് ക്രിക്കറ്റിലെ ആദ്യ ഓവറിലെ ഏറ്റവും മികച്ച പ്രകടനം നടത്തിയിട്ടും ഇന്ത്യ 341 റണ്‍സിന് തോറ്റ അതേ വിധി തന്നെയായിരുന്നു ഇര്‍ഫാന്റ കരിയറിലും പിന്നീട് കണ്ടത് .ഇന്ത്യ കണ്ട ഏറ്റവും മികച്ച ഓള്‍ റൗണ്ടര്‍ ആകേണ്ടിയിരുന്ന ഒരാള്‍ 100 ടെസ്റ്റ് വിക്കറ്റുകളിലൊതുങ്ങേണ്ടി വന്നതിനപ്പുറം ദൗര്‍ഭാഗ്യമില്ല .

    2007 ല്‍ ഇന്ത്യ പാകിസ്ഥാനെ കീഴടക്കി T20 ലോകകിരീടത്തില്‍ മുത്തമിട്ടപ്പോള്‍ അവിടെയും പാകിസ്ഥാന് വില്ലനായത് പത്താന്‍ തന്നെ ആയിരുന്നു .4 ഓവറില്‍ 16 റണ്‍സ് വഴങ്ങി 3 വിക്കറ്റ് വീഴ്ത്തിയ പത്താന്‍ ഫൈനലില്‍ മാന്‍ ഓഫ് ദ മാച്ച് ആയി. പിന്നാലെ അടുത്ത വര്‍ഷം ലോക ക്രിക്കറ്റില്‍ വിപ്ലവം സൃഷ്ടിച്ച IPL ന്റെ ആദ്യ സീസണില്‍ സഹോദരന്‍ യൂസഫ് പത്താന്‍ ഫൈനലില്‍ കളിയിലെ കേമന്‍ ആയതോടെ 2 വിലപ്പെട്ട മെഡലുകളാണ് ഒരു വീട്ടിലേക്ക് പോയത്.


    പിതാവിന്റെ കൂടെ പള്ളിയില്‍ പോയി പള്ളി കോമ്പൗണ്ടില്‍ കളി തുടങ്ങി ഇന്ത്യന്‍ ടീമിലെത്തിയ കഥയാണ് പത്താന്‍മാര്‍ക്ക് പറയാനുള്ളത് .പാകിസ്ഥാന്‍ പര്യടനത്തിന് പോകുന്നതിന് തലേ ദിവസം വരെ പള്ളിയിലെ വാട്ടര്‍ ടാങ്ക് വൃത്തിയാക്കിയ പത്താനെയും നാട്ടുകാര്‍ക്കറിയാം .

    ജവഗല്‍ ശ്രീനാഥ് അയാളെ വിശേഷിപ്പിച്ചത് കുറഞ്ഞത് 300 + ടെസ്റ്റ് വിക്കറ്റ് ക്ലബ്ബിലെ ഷുവര്‍ ബെറ്റ് എന്നായിരുന്നു .അന്ന് പത്താന് പ്രായം വെറും 19 വയസ് .അയാളിലെ പ്രതി കണ്ട ഇമ്രാന്‍ ഖാന്‍ ആദ്യനോട്ടത്തില്‍ വാഴ്ത്തിയത് വസിം അക്രമിനേക്കാള്‍ മികച്ചവനാകും എന്നായിരുന്നു .
    ആദ്യ സീസണില്‍ രഞ്ജി ട്രോഫിയില്‍ സഹീര്‍ ഖാന് പകരമായിരുന്നു പത്താന്‍ ടീമിലെത്തിയത് .ആ സീസണില്‍ രഞ്ജി കിരീടം നേടിയ ബറോഡ ഇറാനി ട്രോഫിയില്‍ പരാജയപ്പെട്ടു .അന്ന് സെഞ്ചുറി നേടിയ വി.വി.എസ് ലക്ഷ്മണിനെ തുടരെ തുടരെ പരീക്ഷിച്ച ചെറുപ്പക്കാരനെ പറ്റി ലക്ഷ്മണ്‍ പറഞ്ഞത് ഇയാള്‍ സഹീറിനെ അനുസ്മരിപ്പിക്കുന്നു എന്നായിരുന്നു .
    വാഴ്ത്തിയതു പോലെ തന്നെയായിരുന്നു ഇര്‍ഫാന്റെ തുടര്‍ന്നുള്ള കാലങ്ങളും .സ്വിങ്ങ് ബൗളിങ്ങിന്റെ മനോഹാരിതക്കൊപ്പം മികച്ച ബാറ്റിങ്ങും പുറത്തെടുത്തതോടെ പത്താന്‍ ചരിത്രത്തിലേക്കുള്ള യാത്രയിലായിരുന്നു .

    പക്ഷെ എവിടെയോ പിഴച്ചു .ഒപ്പം പരിക്കുകളും അവഗണനയും കൂനിന്‍മേല്‍ കുരുവായി .
    2007-08 ല്‍ പെര്‍ത്തില്‍ ആദ്യമായി ഇന്ത്യ ഒരു ടെസ്റ്റ് ജയിച്ചപ്പോള്‍ 5 വിക്കറ്റും രണ്ടാമിന്നിങ്‌സില്‍ നേടിയ നിര്‍ണായകമായ 46 റണ്‍സും നേടി മാന്‍ ഓഫ് ദ മാച്ചായ പത്താന്‍ പിന്നീട് കളിച്ചത് ഒരു ടെസ്റ്റ് മാത്രം .2012 ല്‍ ശ്രീലങ്കക്കെതിരായ ഏകദിനത്തില്‍ 5 വിക്കറ്റും ,അതിവേഗത്തില്‍ നേടിയ 28 റണ്‍സ് പ്രകടനത്തിന് ശേഷം ഒരു ഏകദിനത്തില്‍ പോലും അയാള്‍ക്ക് അവസരം കിട്ടിയില്ല .
    എല്ലാവരും കരിയര്‍ തുടങ്ങുന്ന ,അല്ലെങ്കില്‍ കരിയറിലെ നല്ല കാലം ആരംഭിക്കുന്ന സമയത്ത് 27 ആം വയസില്‍ പത്താന്‍ തന്റെ അവസാന അന്താരാഷ്ട്ര മത്സരവും കളിച്ചു കഴിഞ്ഞിരുന്നു .

    29 ടെസ്റ്റുകളിലെ 100 വിക്കറ്റുകള്‍ ,120 ഏകദിനങ്ങളിലെ 173 വിക്കറ്റുകള്‍ ,28 T20 വിക്കറ്റുകള്‍ പുറമെ മികച്ച ബാറ്റിങ്ങ് പ്രകടനങ്ങള്‍ .
    കണക്കുകളേക്കാള്‍ എത്രയോ മീതെയായിരുന്നു പത്താന്റെ പ്രതിഭ .ഏകദിന ക്രിക്കറ്റില്‍ അരങ്ങേറ്റം കുറിച്ച് 1059 ദിവസത്തിനുള്ളില്‍ 1000 റണ്‍സും 100 വിക്കറ്റും നേടി റെക്കോര്‍ഡ് സൃഷ്ടിച്ച പത്താന് 27 ആം വയസില്‍ വെറും 301 വിക്കറ്റുകളുമായി കളം വിടേണ്ടി വന്നതില്‍ പത്താനെക്കാള്‍ വിഷമം ക്രിക്കറ്റ് ആരാധകര്‍ക്കായിരുന്നു .
    ടെസ്റ്റ് ക്രിക്കറ്റില്‍ തന്നെ ഒഴിവാക്കിയതെന്തിന് എന്ന ഇര്‍ഫാന്റെ ചോദ്യത്തിന് ഇന്ന് ഒരു മറുപടി ആര്‍ക്കും കൊടുക്കാന്‍ പറ്റിയിട്ടില്ല .

    2005 ല്‍ 4 ടെസ്റ്റ് ഇന്നിങ്ങ്‌സില്‍ 3 തവണ 80 ലധികം സ്‌കോര്‍ ചെയ്ത പത്താന്‍ സാക്ഷാല്‍ കപില്‍ദേവിന്റെ സിംഹാസനത്തിലേക്കുള്ള കുതിപ്പിലായിരുന്നു .ഒരു പക്ഷെ എല്ലാം തികഞ്ഞ ഒരു ഓള്‍റൗണ്ടര്‍ ആകാനുള്ള പത്താന്റെ ശ്രമം അയാളിലെ ബൗളിങ്ങിന്റെ മൂര്‍ച്ച കുറച്ചതാകാം. കപിലും ഇമ്രാനും ഹാഡ്‌ലിയും തങ്ങളുടെ ബൗളിങ്ങില്‍ മാത്രം ശ്രദ്ധിച്ച് സ്വാഭാവിക ബാറ്റിങ്ങില്‍ മാത്രം പ്രാധാന്യം നല്‍കിയപ്പോള്‍ ഇര്‍ഫാന്‍ രണ്ടിലും ശ്രദ്ധ കേന്ദ്രീകരിക്കാന്‍ ശ്രമിച്ചത് തിരിച്ചടിയായതാകാം .
    ഒരു നിര്‍ധന കുടുംബത്തില്‍ നിന്നും വന്ന് 301 അന്താരാഷ്ട്ര വിക്കറ്റുകളും ഒരു പാട് നേട്ടങ്ങളും ഇര്‍ഫാന്‍ പത്താന്‍ എന്ന പ്രതിഭയുടെ വിജയമാകാം .എന്നാല്‍ അതിലേക്കളുപരി വരും തലമുറകള്‍ക്ക് വെല്ലുവിളി സൃഷ്ടിക്കാന്‍ ഉതകുന്ന തരത്തില്‍ സൃഷ്ടിക്കാന്‍ കഴിയുന്ന പല റെക്കോര്‍ഡുകളും അവശേഷിപ്പിച്ച് മടങ്ങിയത് കൊണ്ട് തന്നെ ഇര്‍ഫാന്‍ ക്രിക്കറ്റ് പ്രേമികളുടെ നെഞ്ചില്‍ ഒരു നോവാണ് ,നീറ്റലാണ് .

    കടപ്പാട്: സ്‌പോട്‌സ് പാരഡൈസോ ക്ലബ്

  9. ടീം ഇന്ത്യയ്‌ക്കെതിരെ കളിക്കാന്‍ ധോണിയും യുവിയും വീരുവും, വിരമിച്ചവരുടെ ടീമുമായി ഇര്‍ഫാന്‍

    Leave a Comment

    ഇന്ത്യന്‍ ക്രിക്കറ്റിലെ ഇതിഹാസ താരങ്ങളായിട്ടും മാന്യമായി വിരമിക്കാന്‍ അവസരം ലഭിക്കാത്തവരുടെ ടീമൊരുക്കി മുന്‍ ഇന്ത്യന്‍ താരം ഇര്‍ഫാന്‍ പത്താന്‍. നിലവിലെ ഇന്ത്യന്‍ ടീമുമായി ഏറ്റുമുട്ടാന്‍ ഈ ടീമിന് അവസരം നല്‍കാനാകുമോയെന്നാണ് ഇര്‍ഫാന്‍ ചോദിക്കുന്നത്.

    Many people are talking about a farewell game for retired players who didn't get a proper send-off from the game. How…

    Posted by Irfan Pathan on Saturday, August 22, 2020

    രാജ്യന്തര ക്രിക്കറ്റില്‍ നിന്ന് വിരമിച്ച മഹേന്ദ്ര സിംഗ് ധോണിയ്ക്ക് വിടവാങ്ങല്‍ മത്സരം ഒരുക്കാന്‍ ബിസിസിഐ ആലോചിക്കുന്നതിനിടേയാണ് സുപ്രധാന നിര്‍ദേശവുമായി ഇര്‍ഫാന്‍ രംഗത്തെത്തിയിരിക്കുന്നത്.

    ‘ടീം ഇന്ത്യയില്‍ നിന്നും മാന്യമായി വിരമിക്കാന്‍ സാധിക്കാത്തവര്‍ക്കായി ഒരു വിടവാങ്ങള്‍ മത്സരം നടത്തുന്നതിനെ കുറിച്ച് ധാരാളം ആളുകള്‍ സംസാരിക്കുന്നുണ്ട്. വിരമിച്ച താരങ്ങളും ഇപ്പോഴത്തെ ഇന്ത്യന്‍ താരങ്ങളും തമ്മിലുളള ഒരു ചാരിറ്റി വിടവാങ്ങള്‍ മത്സരം സംഘടിപ്പിച്ചാല്‍ എങ്ങനെയുണ്ടായിരിക്കും’ തന്റെ ഫെയ്‌സ്ബുക്ക് പേജിലൂടെ ചോദിക്കുന്നു.

    വിരമിച്ചവരുടെ ഒരു ടീമും ഇര്‍ഫാന്‍ അവതരിപ്പിക്കുന്നുണ്ട്. ടീമില്‍ ഓപ്പണര്‍മാരായ ഗൗതം ഗംഭീറും വീരേന്ദ്ര സെവാഗുമാണ് ഉളളത്. രാഹുല്‍ ദ്രാവിഡ് മൂന്നാമനായും വിവിഎസ് ലക്ഷ്മണ്‍ നാലാമനായും ഇര്‍ഫാന്റെ വിരമിച്ചവരുടെ ടീമില്‍ ഇടംപിടിച്ചു.

    യുവരാജ് സിംഗും സുരേഷ് റെയ്‌നയും ഇര്‍ഫാന്‍ പത്താനുമാണ് ഓള്‍ റൗണ്ടര്‍മാര്‍. ധോണി വിക്കറ്റ് കീപ്പറായി ടീമില്‍ സ്ഥാനം പിടിച്ചപ്പോള്‍ അജിത് അഗാള്‍ക്കറും സഹീര്‍ ഖാനും പേസ് ബൗര്‍മാരായി ടീമിലുണ്ട്. പ്രഖ്യാന്‍ ഓജയാണ് 11 അംഗ വിരമിച്ചവരുടെ ടീമിലെ സ്പിന്നര്‍.

    ഇര്‍ഫാന്‍ ഈ ആശയം പങ്കുവെച്ചതിന് പിന്നാലെ പതിനായിരകണക്കിന് ആരാധകരാണ് ഇക്കാര്യം പിന്തുണച്ച് രംഗത്തെത്തിയിരിക്കുന്നത്. ഇര്‍ഫാന്റെ ആശയം ഗാംഗുലി നേതൃത്വം നല്‍കുന്ന ബിസിസിഐ ചെവികൊള്ളുമോയെന്ന് കാത്തിരുന്ന കാണാം.

  10. വിദേശ പ്രീമിയര്‍ ലീഗില്‍ കളിക്കാന്‍ ഇര്‍ഫാന്‍, വന്‍ തിരിച്ചുവരവിന് ഒരുങ്ങുന്നു

    Leave a Comment

    ന്യൂഡല്‍ഹി: മുന്‍ ഇന്ത്യന്‍ സൂപ്പര്‍ താരം ഇര്‍ഫാന്‍ പത്താന്‍ ക്രിക്കറ്റ് കളത്തിലേക്ക് തിരിച്ച് വരാന്‍ ഒരുങ്ങുന്നു. ലങ്കന്‍ പ്രീമിയര്‍ ലീഗില്‍ പന്തെറിയനാണ് ഈ മുന്‍ ഓള്‍റൗണ്ടര്‍ തയ്യാറെടുക്കുന്നത്. വിദേശ താരങ്ങളുടെ ഡ്രാഫ്റ്റ് തയാറാക്കുന്നതായും, താര ലേലവും മറ്റും വൈകാതെ ആരംഭിക്കുമെന്നും പ്രമുഖ കായിക മാധ്യമമായ ക്രിക്ക് ഇന്‍ഫോ റിപ്പോര്‍ട്ട് ചെയ്യുന്നു.

    ഓഗസ്റ്റ് 28ന് ആരംഭിക്കുന്ന ശ്രീലങ്കന്‍ പ്രീമിയര്‍ ലീഗിലെ 70 വിദേശ താരങ്ങളില്‍ വിലപിടിപ്പുള്ള താരങ്ങളിലൊരാളാണ് ഇര്‍ഫാന്‍ എന്നാണ് സൂചന. ജനുവരിയില്‍ വിരമിക്കല്‍ പ്രഖ്യാപിച്ച ഇര്‍ഫാനെ ടൂര്‍ണമെന്റില്‍ പങ്കെടുക്കുന്ന അഞ്ച് ടീമുകളില്‍ ഒന്നിന്റെ മാര്‍ക്വീ താരമാക്കിയേക്കും.

    ഇന്ത്യയിലെ ദേശീയ-അഭ്യന്തര ക്രിക്കറ്റിന്റെ ഭാഗമായ താരങ്ങള്‍ക്ക് വിദേശ ലീഗില്‍കളിക്കാന്‍ അനുമതിയില്ല. വിരമിക്കല്‍ പ്രഖ്യാപിച്ചാല്‍ അനുമതിയോടെ പങ്കെടുക്കാമെന്നാണ് ചട്ടം. ഇതുപയോഗപ്പെടുത്തിയാണ് ഇര്‍ഫാന്‍ ലങ്കന്‍ പ്രീമിയര്‍ ലീഗിന്റെ ഭാഗമാകാന്‍ ഒരുങ്ങുന്നത്.

    നിലവില്‍ 35കാരനായ ഇര്‍ഫാന്‍ ഇന്ത്യയ്ക്കായി മുന്നൂറിലധികം വിക്കറ്റ് നേടിയിട്ടുളള താരമാണ്. ബാറ്റിംഗിലും തിളങ്ങാറുളള താരം അന്താരാഷ്ട്ര ക്രിക്കറ്റ് നാലായിരത്തോളം റണ്‍സും അടിച്ച് കൂട്ടിയിട്ടുണ്ട്. 2012ലാണ് ഇര്‍ഫാന്‍ അവസാനമായി ഇന്ത്യയ്ക്കായി കളിച്ചത്. ശ്രീലങ്കയായിരുന്നു ആ മത്സരത്തില്‍ ഇന്ത്യയുടെ എതിരാളി. മത്സരത്തിലെ മാന്‍ ഓഫ് ദ മാച്ചു ഇര്‍ഫാനായിരുന്നു.

    പിന്നീട് പരിക്കിന്റെ പിടിയിലായ താരം പരിക്കില്‍ നിന്ന് മോചിതനായിട്ടും ഇന്ത്യന്‍ ടീമില്‍ അവസരം ലഭിച്ചില്ല. നീണ്ട കാത്തിരിപ്പിന് ശേഷം ഒടുവില്‍ ഈ വര്‍ഷം ഇര്‍ഫാന്‍ ക്രിക്ഖര്‌റില്‍ നിന്ന് വിരമിക്കുകയായിരുന്നു.