Tag Archive: FIFA

  1. യൂറോപ്യൻ സൂപ്പർ ലീഗ്, ശക്തമായ നടപടികളുമായി മുന്നോട്ടു പോവുമെന്ന് യുവേഫയ്ക്ക് പിന്തുണയുമായി ഫിഫ

    Leave a Comment

    യുവേഫ ചാമ്പ്യൻസ്‌ലീഗിന്റെ തന്നെ അന്ത്യമയേക്കാവുന്ന പുതിയ യൂറോപ്യൻ സൂപ്പർ ലീഗ് തുടങ്ങാൻ പന്ത്രണ്ടു യൂറോപ്യൻ വമ്പൻ ക്ലബ്ബുകളുടെ നേതൃത്വത്തിൽ പദ്ധതിയായിരിക്കുകയാണ്. ഇതിനെതിരെ യുവേഫക്ക് പിന്തുണയുമായി ലോക ഫുട്ബോൾ നിയന്ത്രിക്കുന്ന ഫിഫയും രംഗത്തെത്തിയിരിക്കുകയാണ്. ഫിഫ പ്രസിഡന്റായ ജിയോവാനി ഇൻഫെന്റിനോയും ശബദമുയർത്തിയിർത്തിയിരിക്കുകയാണ്.

    ഇതുമായി മുന്നോട്ടു പോവുകയാണെങ്കിൽ നേതൃത്വം നൽകുന്ന എല്ലാ ക്ലബ്ബുകളും അതിന്റെ അനന്തരഫലങ്ങൾ അനുഭവിക്കേണ്ടി വരുമെന്നാണ് ഇൻഫെന്റിനോ വ്യക്തമാക്കുന്നത്. ശക്തമായ ശിക്ഷാ നടപടികൾ തന്നെ ക്ലബ്ബുകൾക്കെതിരെ ഉയരുമെന്നും അദ്ദേഹം കൂട്ടിച്ചേർത്തു. ഭരണനിർവാഹകർ കൂടിച്ചേർന്നുള്ള യുവേഫ കോൺഗ്രസിൽ സംസാരിക്കുകയായിരുന്നു അദ്ദേഹം.

    “ഫിഫ സൂപ്പർലീഗിന്റെ രൂപീകരണത്തെ ശക്തമായി എതിർക്കാൻ മാത്രമാണ് തീരുമാനിച്ചിരിക്കുന്നത്. സൂപ്പർ ലീഗ് എന്നത് ഒരു അടച്ചു പൂട്ടിയ സ്ഥാപനം പോലെയാണ്. അത് നിലവിലെ സസ്ഥാപിത നിയമങ്ങളിൽ നിന്നും ലീഗുകളിൽ നിന്നും അസോസിയേഷനുകളിൽ നിന്നും യുവേഫയിൽ നിന്നും ഒപ്പം ഫിഫയിൽ നിന്നും വരെ അകന്നു പോവുന്ന ഒന്നായി മാറിയിരിക്കുകയാണ്.” ഇൻഫെന്റിനോ പറഞ്ഞു.

    യുവേഫയും ഫിഫയും ശക്തമായി തന്നെ ഇതിനെതിരെ നീങ്ങാൻ തന്നെയാണ് തീരുമാനിച്ചിരിക്കുന്നത്. ഇതിനു നേതൃത്വം നൽകിയിരിക്കുന്ന ക്ലബ്ബുകൾ യൂറോപ്പിലെ പ്രധാന വമ്പന്മാരാവാനുള്ള കാരണവും യുവേഫ തന്നെയാണെന്നാണ്‌ അവർ വാദിക്കുന്നുണ്ട്. അതിന് അവർ നന്ദി പറയേണ്ടതുണ്ടെന്നാണ് യുവേഫ പ്രസിഡന്റായ അലക്സാണ്ടർ കഫെറിൻ വ്യക്തമാക്കുന്നത്.

  2. യൂറോപ്യൻ ഫുട്ബോൾ രണ്ടു തട്ടിലേക്ക്, ചാമ്പ്യൻസ്‌ലീഗിന്റെ അന്തകനായി യൂറോപ്യൻ സൂപ്പർലീഗ് വരുന്നു

    Leave a Comment

    യൂറോപ്യൻ ഫുട്ബോൾ ഇനി രണ്ടു തട്ടിലേക്ക്. ഫിഫയുടെയും യുവേഫയുടെയും നിർദേശങ്ങൾ അവഗണിച്ചു കൊണ്ട് യൂറോപ്പിലെ 12 പ്രമുഖ വമ്പൻ ക്ലബ്ബുകളുടെ ആഭിമുഖ്യത്തിൽ ചാമ്പ്യൻസ്‌ലീഗിന് ബദലായി യൂറോപ്യൻ സൂപ്പർ ലീഗ് തുടങ്ങാനുള്ള തീരുമാനമെടുത്തിരിക്കുകയാണ്. ഫിഫയും യുവേഫയും ഇതിനെതിരെ ശക്തമായ എതിർപ്പുമായി രംഗത്തുണ്ട്.

    ലാലിഗയിൽ നിന്നും റയൽ മാഡ്രിഡ്‌, ബാഴ്‌സലോണ, അത്ലറ്റിക്കോ മാഡ്രിഡ്‌ ത്രയവും, പ്രീമിയർലീഗിൽ നിന്നും മാഞ്ചസ്റ്റർ യുണൈറ്റഡ്, ലിവർപൂൾ, ചെൽസി, ആഴ്‌സണൽ,മാഞ്ചസ്റ്റർ സിറ്റി, ടോട്ടനം ഹോട്സ്പർ എന്നിങ്ങനെ ആറു വമ്പന്മാരും, ഇറ്റാലിയൻ ലീഗിൽ നിന്നും എസി മിലാൻ,യുവന്റസ്, ഇന്റർമിലാൻ എന്നിങ്ങനെ മൂന്നു ശക്തികളും ചേർന്നാണ് സൂപ്പർലീഗിന് പദ്ധതിയിടുന്നത്. ഇതിന്റെ ഇതിന്റെ സ്ഥാപകക്ലബ്ബുകൾക്ക് 3.5 ബില്യൺ യൂറോ ആദ്യ പ്രതിഫലമായി ലഭിച്ചേക്കും.

    അതായത് ഒരു ക്ലബ്ബിന് 450 മില്യൺ യൂറോ വരെ യൂറോപ്യൻ സൂപ്പർലീഗിൽ ചേരുന്നതിനു മാത്രം ലഭിക്കും. ലീഗ് തുടങ്ങിയാൽ മൂന്നു ക്ലബ്ബുകളെക്കൂടി ഇതിലേക്ക് ക്ഷണിക്കുകയും മൊത്തത്തിൽ 15 ക്ലബ്ബുകളുമായി ഉദ്‌ഘാടനസീസണിൽ സൂപ്പർ ലീഗ് നടക്കുമെന്നാണ് റിപ്പോർട്ടുകൾ സൂചിപ്പിക്കുന്നത്.

    സൂപ്പർലീഗിന്റെ നടത്തിപ്പുകാരായി ഇതിൽ ചേർന്ന എല്ലാ ക്ലബ്ബുകൾക്കും അടുത്ത സീസണിലേക്കു സ്വാഭാവികമായി യോഗ്യത ലഭിക്കുകയും ലീഗ് ഫുട്ബോളിനിടക്ക് മറ്റൊരു ലീഗെന്ന നിലയിൽ സൂപ്പർലീഗ് നടത്തുമെന്നുമാണ് സ്ഥാപകർ അറിയിക്കുന്നത്. എന്നാൽ ഈ ലീഗിൽ പങ്കെടുക്കുന്ന എല്ലാ ക്ലബ്ബിലെയും താരങ്ങളെ ഫിഫയും യുവേഫയും വിലക്കുമെന്നും അവരുടെ നേതൃത്വത്തിൽ നടക്കുന്ന ഒരു അന്താരാഷ്ട്ര മത്സരങ്ങളിലും പങ്കെടുക്കാനാവില്ലെന്നും മുന്നറിയിപ്പു നൽകിയിട്ടുണ്ട്. വിലക്കുകൾ അവഗണിച്ചു കൊണ്ട് ഈ പദ്ധതിയുമായി ശക്തമായി മുന്നോട്ടു പോവാനാണ് ക്ലബ്ബുകളുടെ തീരുമാനം.

  3. യൂറോപ്യൻ സൂപ്പർ ലീഗ്, പങ്കെടുക്കാനിരിക്കുന്ന വമ്പന്മാർക്കും താരങ്ങൾക്കും വിലക്ക് പ്രഖ്യാപിച്ച് ഫിഫ

    Leave a Comment

    യൂറോപ്പിലെ മുൻ നിര വമ്പൻ ക്ലബ്ബുകൾ കൂടിച്ചേർന്നു നടത്താനിരുന്ന യൂറോപ്യൻ സൂപ്പർലീഗ് എന്ന ആശയത്തിനെതിരെ കനത്ത രീതിയിൽ പ്രതികരിച്ചിരിക്കുകയാണ് ഫിഫ. യൂറോപ്യൻ സൂപ്പർലീഗ് നടത്താനാവില്ലെന്നും അതിൽ പങ്കെടുക്കുന്ന താരങ്ങളെ ഫിഫയുടെ കീഴിൽ വരുന്ന മത്സരങ്ങളിൽ നിന്നും വിലക്കുമെന്നും ഫിഫ പ്രഖ്യാപിച്ചിരിക്കുകയാണ്.

    ഫിഫയും ആറു വൻകരകളിലെയും ഫുട്ബോൾ ഫെഡറേഷനുകളും ഒത്തു ചേർന്നാണ് ഇത്തരത്തിലൊരു തീരുമാനത്തിലെത്തിയിരിക്കുന്നത്. സൂപ്പർ ലീഗിനു വേണ്ടി ഒപ്പു വെച്ചിട്ടുണ്ടെന്നു മുൻ ബാഴ്സ പ്രസിഡന്റായ ബർതോമ്യു വെളിപ്പെടുത്തിയതിനു പിന്നാലെ റയൽ മാഡ്രിഡ്‌ പ്രസിഡന്റും ഈ ലീഗിനെ പിന്തുണച്ചുകൊണ്ട് രംഗത്തെത്തിയിരുന്നു. എന്നതായാലും ഇത്തരം വമ്പൻ ക്ലബ്ബുകൾക്ക് ഒരു തിരിച്ചടിയായിരിക്കുകയാണു ഫിഫയുടെ ഈ നീക്കം. പ്രസിഡന്റായ ജിയാനി ഇൻഫെന്റിനോയുടെ നാമത്തോട് കൂടിയ ഫിഫ ഇറക്കിയ പ്രസ്താവനയിലാണ് ഇക്കാര്യം വ്യക്തമാക്കുന്നത്.

    ” അടുത്ത കാലത്തെ മാധ്യമങ്ങളുടെ ഊഹാപോഹങ്ങളുടെ വെളിച്ചത്തിൽ ചില യൂറോപ്ൻ ക്ലബ്ബുകളുടെ നേതൃത്വത്തിൽ നടത്താണിരിക്കുന്ന യൂറോപ്യൻ സൂപ്പർ ലീഗിനെ ഫിഫയുടെയും ആറു കോൺഫെഡറേഷൻസിന്റെയും പരിധിയിൽ വരില്ലെന്നും അത്തരമൊരു കോമ്പറ്റിഷൻ അംഗീകരിക്കില്ലെന്നും ശക്തമായ ഭാഷയിൽ ആവർത്തിക്കുകയാണ്.”

    “എന്തെങ്കിലും ക്ലബ്ബുകളോ അല്ലെങ്കിൽ കളിക്കാരനോ ഇത്തരം കോമ്പറ്റിഷനിൽ പങ്കെടുത്താലുള്ള അനന്തര ഫലം ഫിഫയുടെയോ അല്ലെങ്കിൽ കോൺഫെഡറേഷനുകളുടെയോ മത്സരങ്ങളിൽ പങ്കെടുക്കാൻ അനുവാദം നിഷേധിക്കുന്നതായിരിക്കും.” ഇൻഫെന്റിനോ പ്രസ്താവനയിലൂടെ പറഞ്ഞു.

  4. കരിയർ മാറ്റിമറിച്ചത് ഒരു അഗ്നിപർവതസ്ഫോടനം, പത്തുവർഷത്തിനിപ്പുറം ഫിഫ ബെസ്റ്റ് അവാർഡും

    Leave a Comment

    2020ലെ ഫിഫയുടെ ബെസ്റ്റ് പ്ലേയർ അവാർഡ് ഇത്തവണ ബയേൺ മ്യൂണിക്കിന്റെ പോളണ്ട് സൂപ്പർതാരം റോബർട്ട്‌ ലെവൻഡോവ്സ്‌കി സ്വന്തമാക്കിയിരിക്കുകയാണ്. സൂപ്പർതാരങ്ങളായ ലയണൽ മെസിയെയും ക്രിസ്ത്യാനോ റൊണാൾഡോയേയും പിന്നിലാക്കിയാണ് ലെവൻഡോവ്കി തന്റെ കരിയറിലെ ആദ്യ ഫിഫ best അവാർഡ് സ്വന്തമാക്കുന്നത്. 55 ഗോളുകളുമായി ബയേണിനൊപ്പം ട്രെബിൾ സ്വന്തമാക്കിയതാണ് ലെവൻഡോവ്സ്‌കിയെ ഫിഫ ബെസ്റ്റിനു അർഹനാക്കിയത്.

    പത്തുവർഷം മുൻപ് നടന്ന ഒരു അഗ്നിപർവത സ്ഫോടനമാണ് ലെവൻഡോവ്സ്‌കിയുടെ കരിയറിനെ തന്നെ മാറ്റി മറിച്ചത്. പത്തുവർഷം മുൻപ് 2010 ഏപ്രിൽ മാസത്തിലാണ് പോളിഷ് ക്ലബ്ബായ ലെച്ച് പോസ്നാനിൽ കളിക്കുന്ന 21കാരൻ ലെവൻഡോവ്സ്കിയിൽ ഇംഗ്ലീഷ് ക്ലബ്ബായ ബ്ലാക്ക്ബേൺ റോവേഴ്സ് നോട്ടമിടുന്നത്. ഇംഗ്ലീഷ് ക്ലബ്ബുമായി ധാരണയിലെത്തിയെങ്കിലും ബാക്കിയുണ്ടായിരുന്നത് ഇംഗ്ലണ്ടിലേക്കുള്ള ഒരു യാത്ര മാത്രമായിരുന്നു.

    എന്നാൽ ഐസ്ലാൻഡിലെ ഒരു സജീവ അഗ്നിപർവതം പൊട്ടിത്തെറിച്ചതോടെ അതിനു മുകളിലൂടെയുള്ള ലെവൻഡോവ്സ്കിയുടെ വിമാനയാത്ര മുടങ്ങുകയായിരുന്നു. ആ അഗ്നിപർവത സ്ഫോടനമാണ് ലെവൻഡോവ്സ്കിയുടെ കരിയറിൽ വിപ്ലവകരമായ ഒരു മാറ്റത്തിന് വഴിത്തിരിവായത്‌. ഇംഗ്ലീഷ് ക്ലബ്ബിലേക്കുള്ള ട്രാൻസ്ഫർ മുടങ്ങിയതോടെ താരത്തെ പിന്നീട് സ്വന്തമാക്കിയത് ജർമൻ വമ്പന്മാരായ ബൊറൂസിയ ഡോർട്മുണ്ടായിരുന്നു.

    അന്നത്തെ ഡോർട്മുണ്ട് പരിശീലകനായ യർഗൻ ക്ളോപ്പിനു കീഴിൽ മികച്ച പ്രകടനം കാഴ്ചവെച്ച് ലോകഫുട്ബോളിന്റെ നെറുകയിലേക്ക് ഉയരുകയായിരുന്നു. ഡോർമുണ്ടിനൊപ്പം ചാമ്പ്യൻസ്‌ലീഗ് നേടാനുള്ള അവസരം നഷ്ടമായെങ്കിലും പിന്നീട് ബയേണിലേക്ക് ചേക്കേറിയ താരം കഴിഞ്ഞ സീസണിൽ ബയേണിനൊപ്പം തകർപ്പൻ പ്രകടനത്തിലൂടെ ചാമ്പ്യൻസ്‌ലീഗടക്കം ട്രെബിൾ സ്വന്തമാക്കുകയായിരുന്നു. ആ അഗ്നിപർവത സ്ഫോടനത്തിനിപ്പുറം പത്തുവർഷങ്ങൾക്ക് ശേഷം തന്റെ കരിയറിലാദ്യമായി ഫിഫ ബെസ്റ്റ് പുരസ്കാരവും ലെവൻഡോവ്സ്‌കി സ്വന്തമാക്കിയിരിക്കുകയാണ്.

  5. ലെവൻഡോവ്സ്‌കിക്ക് ആദ്യവോട്ട്, എന്നാൽ ഫിഫ ബെസ്റ്റ് ലെവൻഡോവ്സ്‌കിക്ക് നൽകിയതിൽ നിരാശനായി കാണപ്പെട്ട് ക്രിസ്ത്യാനോ

    Leave a Comment

    2020 ഫിഫ ബെസ്റ്റ് പുരസ്‌കാരം ഇത്തവണ സൂപ്പർതാരങ്ങളായ ക്രിസ്ത്യാനോ റൊണാൾഡോയെയും ലയണൽ മെസിയെയും പിന്തള്ളി ബയേൺ മ്യൂണിക്ക് താരമായ റോബർട്ട്‌ ലെവൻഡോവ്സ്കി സ്വന്തമാക്കിയിരിക്കുകയാണ്. ബയേണിനൊപ്പം ട്രെബിൾ നേട്ടവും കഴിഞ്ഞ സീസണിൽ ഏറ്റവും 55 ഗോളുകളും 9 അസിസ്റ്റും സ്വന്തമാക്കിയ താരത്തിന്റെ മികച്ച പ്രകടനമാണ് ഫിഫ ബെസ്റ്റിനു അർഹനാക്കിയിരിക്കുന്നത്.

    മെസിക്ക് 35 പോയിന്റും ക്രിസ്ത്യാനോക്ക് 38 പോയിന്റുകളും ലഭിച്ചപ്പോൾ ലെവൻഡോവ്സ്‌കി 55 പോയിന്റുകൾ നേടിയാണ് ഫിഫ ബെസ്റ്റ് പുരസ്കാരത്തിനു അർഹനായത്. പുരസ്‌കാരദാനചടങ്ങിൽ കോവിഡ് നിയന്ത്രണങ്ങൾ മൂലം മെസിയും ക്രിസ്ത്യാനോയും സ്വന്തം വീടുകളിൽ നിന്നും ലൈവിൽ വന്നപ്പോൾ ലെവൻഡോവ്സ്‌കി മാത്രമാണ് ചടങ്ങിൽ പങ്കെടുത്തത്.

    വോട്ടിങ്ങിൽ ക്രിസ്ത്യാനോയുടെ ആദ്യ വോട്ട് റോബർട്ട്‌ ലെവൻഡോവ്സ്കിക്കാണ് നൽകിയതെങ്കിലും പുരസ്‌കാരവേളയിൽ ഫിഫ ബെസ്റ്റ് ലെവൻഡോവ്സ്കിക്ക് നൽകിയപ്പോൾ ക്രിസ്ത്യാനോ നിരാശനായാണ് കാണപ്പെട്ടത്. പ്രകടമായ നിരാശ അദ്ദേഹത്തിന്റെ ശരീരപ്രകൃതത്തിൽ വ്യക്തമായി പ്രതിഫലിക്കുന്നുണ്ടായിരുന്നു. നിരാശനായി കൈകെട്ടിയിരിക്കുന്ന ക്രിസ്ത്യാനോയെയാണ് കാണാൻ സാധിച്ചത്.

    എല്ലാ പുരസ്‌കാരവേളയിലും അവാർഡ് നഷ്ടപ്പെടുന്നത് ക്രിസ്ത്യാനോക്ക് സഹിക്കുന്ന കാര്യമല്ല. തോൽവിക്കപ്പുറം വിജയമാണ് എപ്പോഴും ക്രിസ്ത്യാനോ ആഗ്രഹിക്കുന്നത്. ലെവൻഡോവ്സ്കിക്കും മെസിക്കും എംബാപ്പെക്കുമാണ് യഥാക്രമം വോട്ടു ചെയ്തതതെങ്കിലും വിജയിക്കാനാവുമെന്ന് ആത്മവിശ്വാസം ക്രിസ്ത്യാനോയിൽ ഉണ്ടായിരുന്നിരിക്കണം. മെസി നെയ്മറിനും എംബാപ്പെക്കും കീഴെ മൂന്നാമതായാണ് ലെവൻഡോവ്സ്‌കിക്ക് വോട്ട് നൽകിയിരിക്കുന്നത്.

  6. 2020 ഫിഫ ബെസ്റ്റ് ലെവൻഡോവ്സ്കിക്ക്, മെസിക്ക് വോട്ട് ചെയ്ത് ക്രിസ്ത്യാനോ റൊണാൾഡോ

    Leave a Comment

    കോവിഡ് മൂലം ബാലൺ ഡിയോർ അവാർഡ് ഉപേക്ഷിച്ചുവെങ്കിലും ഫിഫ ബെസ്റ്റ് അവാർഡുകൾ ഇത്തവണ മികച്ച രീതിയിൽ സംഘടിക്കപ്പെട്ടിരിക്കുകയാണ്. മെസിയും ക്രിസ്ത്യാനോയും ലെവൻഡോവ്സ്കിയുമടങ്ങിയ ഷോർട്ലിസ്റ്റിൽ നിന്നും ലെവൻഡോവ്സ്‌കി ഇത്തവണത്തെ ഫിഫ ബെസ്റ്റ് പുരസ്‌കാരം നേടിയിരിക്കുകയാണ്. 52 പോയിന്റുകൾ നേടിയാണ് ലെവൻഡോവ്സ്‌കി ഫിഫ ബെസ്റ്റ് പുരസ്കാരത്തിനു അർഹനായിരിക്കുന്നത്.

    രണ്ടാം സ്ഥാനത്തു 38 പോയിന്റുകൾ നേടി ക്രിസ്ത്യാനോ ഇടം നേടിയപ്പോൾ 35 പോയിന്റുമായി മൂന്നാം സ്ഥാനം നേടി. ക്രിസ്ത്യാനോയുടെ വോട്ട് ഇത്തവണ മെസിക്ക് കൂടി ലഭിച്ചപ്പോൾ മെസിയുടെ വോട്ട് ക്രിസ്ത്യനോക്ക് ലഭിച്ചില്ലെന്നതാണ് രസകരമായ മറ്റൊരു വസ്തുത. ക്രിസ്ത്യനോയുടെ വോട്ട് ലെവൻഡോവ്സ്‌കിക്കും മെസിക്കുംഎംബാപ്പെക്കും വോട്ട് ചെയ്തപ്പോൾ മെസി വോട്ട് നൽകിയത് നെയ്മറിനും എംബാപ്പെക്കും ലെവൻഡോവ്സ്‌കിക്കുമാണ്.

    വനിതാ ബെസ്റ്റ് താരമായി ലിയോൺ/മാഞ്ചസ്റ്റർ സിറ്റി താരമായ ലൂസി ബ്രോൻസിനെയാണ് തിരഞ്ഞെടുത്തത്. പുരുഷന്മാരുടെ ബെസ്റ്റ് ഗോൾകീപ്പറായി ബയേൺ ഗോൾകീപ്പർ മാനുവൽ നൂയറിനു നൽകിയപ്പോൾ വനിതാ ഗോൾകീപ്പറായി ലിയോണിന്റെ സാറ ബൗഹാദ്ദിയേ തിരഞ്ഞെടുത്തു. ഇത്തവണത്തെ ഫിഫ പുസ്കാസ് പുരസ്‌കാരം ബേൺലിക്കെതിരായ അവിശ്വസനീയ ഗോളിനു ടോട്ടനം താരം സൺ ഹ്യുങ് മിന്നിനെ തിരഞ്ഞെടുത്തു.

    ബെസ്റ്റ് പരിശീലകനായി രണ്ടാം വട്ടവും യർഗൻ ക്ളോപ്പ്‌ സ്വന്തമാക്കിയപ്പോൾ ബെസ്റ്റ് വനിതാ പരിശീലകയായി ഹോളണ്ട് പരിശീലക സാറ വെയിഗ്മാനെ തിരഞ്ഞെടുത്തു. ഇത്തവണത്തെ ബെസ്റ്റ് ആരാധകനുള്ള അവാർഡ് മരിവാൾഡോ ഫ്രാൻസിസ്‌കോ ഡാ സിൽവ സ്വന്തമാക്കിയപ്പോൾ ഫെയർ പ്ലേ അവാർഡ് മാറ്റിയ അഗ്നീസേ സ്വന്തമാക്കി. ഫിഫ്പ്രോ ഇലവനിൽ ഇടം നേടിയ താരങ്ങൾ: അലിസൺ ബെക്കർ, ട്രെന്റ് അലക്സാണ്ടർ അർണോൾഡ്,സെർജിയോ റാമോസ്,വിർജിൽ വാൻഡൈക്, അൽഫോൺസോ ഡേവീസ്,ജോഷ്വാ കിമ്മിച്ച്,കെവിൻ ഡിബ്രൂയ്നെ,തിയാഗോ അൽകന്റാര, ലയണൽ മെസി, റോബർട്ട്‌ ലെവൻഡോവ്സ്‌കി, ക്രിസ്ത്യാനോ റൊണാൾഡോ.

  7. ക്രിസ്ത്യാനോ, മെസി, ലെവൻഡോവ്സ്‌കി, ഫിഫ ബെസ്റ്റ് അവാർഡിന്റെ ഷോർട്ലിസ്റ്റ് പുറത്തു വിട്ടു

    Leave a Comment

    2019-20 സീസണിലെ ഫിഫ ബെസ്റ്റ് അവാർഡുകൾക്കായുള്ള അവസാന മൂന്നു താരങ്ങളുടെ ലിസ്റ്റ് ഫിഫ പുറത്തു വിട്ടിരിക്കുകയാണ്. പുരുഷന്മാരുടെ ഫിഫ ബെസ്റ്റ് അവസാനമൂന്നിലേക്ക് സൂപ്പർതാരങ്ങളായ ബാഴ്സലോണയുടെ ലയണൽ മെസിയും ബയേൺ മ്യൂണിക്കിന്റെ റോബർട്ട്‌ ലെവൻഡോവ്സ്‌കിയും യുവന്റസിന്റെ ക്രിസ്ത്യാനോ റൊണാൾഡോയേയും തിരഞ്ഞെടുക്കപ്പെട്ടു. മികച്ച ഗോളിനുള്ള ഫിഫ പുസ്കാസ് അവാർഡിന്റെ അവസാന മൂന്നിലേക്ക് മുൻ ബാഴ്സ താരം ലൂയിസ് സുവാരസും, സിയെര എസ് സിയുടെ ജോർജിയൻ ഡി അരസ്‌കേറ്റയും ടോട്ടനത്തിന്റെ സൺ ഹ്യുങ് മിന്നും തിരഞ്ഞെടുക്കപ്പെട്ടു.

    ബാഴ്സക്ക് വേണ്ടി മായ്യോർക്കക്കെതിരെ സുവരാസ് നേടിയ ബാക്ഹീൽ ഗോളും ഫ്ലമെൻഗോക്കെതിരെ സിയേര എസ് സി താരം അരസ്‌കേറ്റയുടെ ഓവർ ഹെഡ് കിക്ക് ഗോളും ടോട്ടനത്തിനായി സൺ ഹ്യുങ് മിന്നിന്റെ ബേൺലി ടീമിനെ ഒന്നടങ്കം ഡ്രിബിൾ ചെയ്തു നേടിയ സോളോ ഗോളുമാണ് പുസ്കാസിന്റെ അവസാന മൂന്നിൽ ഇടം പിടിച്ചത്. പുരുഷന്മാരിലെ ബെസ്റ്റ് ഗോൾകീപ്പർ അവാർഡിലെ അവസാന മൂന്നിലേക്ക് ലിവർപൂളിന്റെ അലിസൺ ബെക്കറും ബയേണിന്റെ മാനുവൽ നൂയറും അത്ലറ്റിക്കോ മാഡ്രിഡിന്റെ ജാൻ ഒബ്ലാക്കും തിരഞ്ഞെടുക്കപ്പെട്ടു.

    ഫിഫയുടെ ബെസ്റ്റ് പരിശീലകനുള്ള അവാർഡിന്റെ അവസാനമൂന്നിലേക്ക് ലീഡ്‌സിന്റെ അർജന്റൈൻ പരിശീലകൻ മാഴ്‌സെലോ ബിയേൽസയും ബയേണിന്റെ ജർമൻ പരിശീലകൻ ഹാൻസ് ഫ്ലിക്കും ലിവർപൂളിന്റെ ജർമൻ പരിശീലകനായ യർഗൻ ക്ലോപ്പിനെയും തിരഞ്ഞെടുത്തപ്പോൾ മികച്ച വനിതാ പരിശീലകരുടെ അവസാന മൂന്നിലേക്ക് ചെൽസിയുടെ എമ്മാ ഹായേസിനെയും ലിയോണിന്റെ ജീൻ ലുക് വാസറെയും ഹോളണ്ട് ടീമിന്റെ പരിശീലകയായ സറിന വെയ്ഗ്മാനേയും തിരഞ്ഞെടുത്തു.

    ഫിഫ ബെസ്റ്റ് വനിതാ താരത്തിനുള്ള അവാർഡിന്റെ അവസാനമൂന്നിലേക്ക് ലിയോൺ താരം ലൂസി ബ്രോൻസും വോൾവ്സ്ബെർഗ് താരമായ പെർനിലേ ഹാർഡറും മറ്റൊരു ലിയോൺ താരമായ വെൻഡീ റെനാർഡുമാണ് തിരഞ്ഞെടുക്കപ്പെട്ടത്. ഡിസംബർ 17നു ഫിഫയുടെ ആസ്ഥാനമായ സൂറിച്ചിൽ വെച്ചാണ് പുരസ്‌കാരദാനം നടക്കുക. ഫിഫ ഫാൻ അവാർഡും ഫിഫ ഫെയർ പ്ലേ അവാർഡും അതേ ദിവസം തന്നെ പ്രഖ്യാപിക്കും

  8. ഫിഫ ബെസ്റ്റ് നോമിനികളെ പ്രഖ്യാപിച്ചു, മെസി, ക്രിസ്ത്യാനോ,നെയ്മർ എന്നിവർ ലിസ്റ്റിലിടം നേടി

    Leave a Comment

    ഫ്രഞ്ച് ഫുട്ബോൾ അസോസിയേഷൻ ബാലൺ ഡിയോർ ഇത്തവണ നൽകുന്നില്ലെന്നു പ്രഖ്യാപിച്ചുവെങ്കിലും 2020ലെ മികച്ച താരത്തിനുള്ള ബെസ്റ്റ് അവാർഡ്‌ ഇത്തവണ നൽകുമെന്ന് ഫിഫ പ്രഖ്യാപിച്ചിരുന്നു. അതിനുള്ള ആദ്യപടിയായി നോമിനികളെ ഫിഫ പുറത്തു വിട്ടിരിക്കുകയാണ്. പുരുഷന്മാരുടെയും വനിതകളുടെയും ലിസ്റ്റ് ഫിഫ പുറത്തുവിട്ടു. സൂപ്പർതാരങ്ങളായ ലയണൽ മെസിയും ക്രിസ്ത്യാനോ റൊണാൾഡോയും നെയ്മറും ലിസ്റ്റിൽ ഉൾപ്പെട്ടിട്ടുണ്ട്.

    ഡിസംബർ പതിനേഴിനാണ് ഫിഫ ബെസ്റ്റ് ജേതാക്കളെ പ്രഖ്യാപിക്കുന്നത്. ആരാധകർക്ക് വോട്ട് രേഖപ്പെടുത്താൻ ഡിസംബർ ഒമ്പതു വരെ ഫിഫ അവസരം നൽകിയിട്ടുണ്ട്. ഇവരാണ് ആ പുരുഷന്മാരുടെ ലിസ്റ്റിലുള്ള താരങ്ങൾ 1 തിയാഗോ അലകന്റാര (സ്പെയിൻ/ബയേൺ മ്യൂണിക്ക് 2ക്രിസ്ത്യാനോ റൊണാൾഡോ(പോർച്ചുഗൽ/യുവന്റസ് ) 3കെവിൻ ഡി ബ്രൂയ്നെ(ബെൽജിയം/മാഞ്ചസ്റ്റർ സിറ്റി 4റോബർട്ട്‌ ലെവൻഡോവ്സ്‌കി (പോളണ്ട് /ബയേൺ മ്യൂണിക്ക് ) 5സാഡിയോ മാനെ(സെനഗൽ/ലിവർപൂൾ)

    6കിലിയൻ എംബാപ്പെ(ഫ്രാൻസ്/പിഎസ്‌ജി) 7ലയണൽ മെസി (അർജന്റീന/ബാഴ്സലോണ) 8നെയ്മർ ജൂനിയർ(ബ്രസീൽ/പിഎസ്‌ജി) 9സെർജിയോ റാമോസ്(സ്പെയിൻ/റയൽ മാഡ്രിഡ്‌) 10 മുഹമ്മദ് സലാ(ഈജിപ്ത് /ലിവർപൂൾ ) 11വിർജിൽ വാൻ ഡൈക്(നെതർലാൻഡ്സ്/ലിവർപൂൾ) വനിതാ നോമിനികൾ :- 1ലൂസി ബ്രോൻസ്(ഇംഗ്ലണ്ട്/ലിയോൺ/സിറ്റി) 2ഡെൽഫിൻ കാസ്കാറിനോ(ഫ്രാൻസ്/ലിയോൺ) 3കരോലിൻ ഗ്രഹാം ഹാൻസെൻ(നോർവേ/ബാഴ്സലോണ)

    4 പെർണിൽ ഹാർഡർ(ഡെൻമാർക്ക്‌/വോൾവ്സ്ബർഗ്/ചെൽസി) 5ജെന്നിഫർ ഹെർമോസോ(സ്പെയിൻ /ബാഴ്സലോണ) 6ജി സോയുൻ (കൊറിയ റിപ്പബ്ലിക്/ചെൽസി) 7സാം കെർ(ഓസ്ട്രേലിയ/ചെൽസി) 8സാകി കമുഗായ്(ജപ്പാൻ/ലിയോൺ) 9ജെന്നിഫർ മറോസാൻ(ജർമ്മനി/ലിയോൺ) 10വിവിയെന്നെ മെയ്ഡെമ(നെതർലാൻഡ്സ്/ആഴ്‌സണൽ) 11വെൻഡീ റെനാർഡ്(ഫ്രാൻസ്/ലിയോൺ )

  9. മെസിക്കൊപ്പം കളിക്കാനായത് തന്നെ വലിയ കാര്യം, മെസിക്ക് നന്ദി അറിയിച്ച്‌ ഇവാൻ റാക്കിറ്റിച്ച്

    Leave a Comment

    ഇക്കഴിഞ്ഞ സമ്മർ ട്രാൻഫറിൽ ബാഴ്സ വിട്ട ക്രൊയേഷ്യൻ മധ്യനിരതാരമാണ് ഇവാൻ റാക്കിറ്റിച്ച്. തന്റെ പഴയ ക്ലബ്ബായ സെവിയ്യയിലേക്ക് തന്നെയാണ് താരം ബാഴ്സയിൽ നിന്നും കൂടുമാറിയത്. ഇക്കാലയളവിലെ തന്റെ ഫുട്ബോൾ കരിയറിനെക്കുറിച്ച് ഫിഫ്യ്ക്ക് വേണ്ടി മനസു തുറന്നിരിക്കുകയാണ് ഇവാൻ റാക്കിറ്റിച്ച്. മുപ്പത്തിരണ്ടുകാരനായ റാക്കിറ്റിച്ച് ആറു വർഷത്തെ ബാഴ്സ കരിയറിന് ശേഷമാണ്  സെവിയ്യയിലേക്ക് തിരിച്ചു പോവുന്നത്. അതിൽ ബാഴ്സക്കായി 13 കിരീടനേട്ടങ്ങൾക്കും പങ്കുവഹിച്ചിരുന്നു.

      ഫുട്ബോൾ തനിക്കു തന്ന നേട്ടങ്ങൾ കൊണ്ട് താൻ ഏറ്റവും അനുഗ്രഹീതനായ മനുഷ്യനായാണ് അനുഭവപ്പെടുന്നതെന്നാണ് റാക്കിറ്റിച്ചിന്റെ  പക്ഷം. ക്രൊയേഷ്യക്കായും സെവിയ്യക്കും ബാഴ്സലോണക്കുമായും മുന്നേറിയതെല്ലാം ബുദ്ദിമുട്ടേറിയ പാതകളായിരുന്നുവെന്നും താരം ചൂണ്ടിക്കാട്ടി. ഒപ്പം ലൂക്ക മോഡ്രിച്ചിനൊപ്പമുള്ള മധ്യനിര കൂട്ടുകെട്ടുണ്ടാക്കാനും  സൂപ്പർതാരം ലയണൽ മെസിക്കു  പിന്നിൽ നിന്ന് നയിക്കാൻ ലഭിച്ച അവസരങ്ങളെക്കുറിച്ചും റാക്കിറ്റിച്ച് വിസ്‌മൃതനായി.

    ആറു വർഷത്തെ ബാഴ്സലോണ കരിയറിനെക്കുറിച്ചും താരം മനസു തുറന്നു. ബാഴ്സയ്ക്കൊപ്പം  13  കിരീടങ്ങൾ നേടിയ താരം 311 മത്സരങ്ങൾ ബാഴ്സക്കായി കളിച്ചിട്ടുണ്ട്. ബാഴ്സയുടെ ഹിസ്റ്ററിയുടെ തന്നെ ഭാഗമാണു താനെന്നും  ആന്ദ്രേസ് ഇനിയെസ്റ്റയുമായി മികച്ച സൗഹൃദം പുലർത്തുന്നയാളാണ് താനെന്നും ബാഴ്സയും ആ നാഗരവുമെല്ലാം എന്റെ കുടുംബത്തിന്റെ ഭാഗമാണെന്നും റാക്കിറ്റിച്ച് അഭിപ്രായപ്പെട്ടു. ലയണൽ മെസിയെക്കുറിച്ചു എന്താണ് ചിന്തിക്കുന്നതെന്ന  ചോദ്യത്തിനും റാക്കിറ്റിച്ച് മറുപടി നൽകി.

    “നൂറു  ശതമാനം ഫുട്ബോൾ എന്ന് പറയാം. നിങ്ങൾ ആരാണെന്നുള്ളത് ഇവിടെ പ്രസക്തമല്ല നിങ്ങൾ ഈ മനുഷ്യനെ നോക്കിക്കാണുകയും ആസ്വദിക്കുകയും മാത്രം ചെയ്താൽ മതി. അദ്ദേഹം മറ്റൊരു തലത്തിലാണുള്ളത്. മറ്റു മികച്ച താരങ്ങളോടുള്ള ബഹമാനത്തോടുകൂടി തന്നെ പറയുകയാണ്. ഒന്നാമനായി ഒരാളെ ഉള്ളൂ. അത് ലിയോ ആണ്. അദ്ദേഹത്തിനൊപ്പം 311 മത്സരങ്ങൾ കളിക്കാനാവുകയെന്നത് ഒരു സ്വപ്നമായിരുന്നു. അതു ഞാൻ ഒരുപാട് ആസ്വദിച്ചു. ഒരു കാര്യം എനിക്ക് പറയാനുണ്ട്: എല്ലാറ്റിനും നന്ദി ലിയോ, കാരണം നിന്റെയൊപ്പം കളിക്കാൻ സാധിക്കുകയെന്നത് എനിക്ക് എത്രത്തോളം വലിയകാര്യമാണെന്ന് നിനക്കറിയില്ല.” റാക്കിറ്റിച്ച് പറഞ്ഞു.

  10. ഫുട്‌ബോള്‍ അടിമുടി മാറും, നിര്‍ണ്ണായക മാറ്റം പ്രഖ്യാപിച്ച് ഫിഫ, ഇന്ത്യയ്ക്ക് സന്തോഷ വാര്‍ത്ത

    Leave a Comment

    കോവിഡ് 19 ലോകത്തെയാകെ പിടിച്ചുകുലുക്കിയതോടെ ലോകം മുഴുവന്‍ എല്ലാ കാര്യങ്ങളിലും സമൂലമായ മാറ്റം പ്രവചിക്കപ്പെട്ടിരിക്കുകയാണല്ലോ. ഏറ്റവും ഒടുവില്‍ കോടികണക്കിന് ആരാധകരുളള ഫുട്‌ബോളിലും കോവിഡ് ചില നിര്‍ണ്ണായക മാറ്റം സൃഷ്ടിയ്ക്കുമെന്നാണ് ഫിഫ നല്‍കുന്ന സൂചന.

    ഫുട്‌ബോളില്‍ പ്രധാനമായ ചില പരിഷ്‌ക്കാരത്തിനാണ് ഫിഫ ഒരുങ്ങുന്നത്. ഇന്റര്‍നാഷണല്‍ ഫുട്‌ബോള്‍ അസോസിയേഷന്‍ ബോര്‍ഡിന്റെ അംഗീകാരം ലഭിച്ചാല്‍ മാത്രമേ ഈ മാറ്റങ്ങള്‍ നിയമമാകു.

    ഒരു മത്സരത്തില്‍ മൂന്നിന് പകരം ഇനി അഞ്ച് സബ്സ്റ്റിറ്റിയൂകള്‍ അനുവദിക്കാനാണ് ഫിഫ ആലോചിക്കുന്നത്. ദീര്‍ഘ കാലം മത്സരങ്ങള്‍ നിര്‍ത്തിവെച്ചതോടെ കൂടുതല്‍ മത്സരങ്ങള്‍ ചുരുങ്ങിയ സമയത്തിനുള്ളില്‍ കളിക്കേണ്ടിവരുമെന്ന കാര്യം മുന്‍നിര്‍ത്തിയാണ് ഫിഫ അഞ്ച് സബ്സ്റ്റിറ്റിയൂകള്‍ എന്ന ആശയം അവതരിപ്പിക്കുന്നത്.

    എന്നാല്‍ പകരക്കാരെ ഇറക്കാന്‍ ഹാഫ് ടൈം സമയവും കൂടാതെ മൂന്ന് അവസരങ്ങളും മാത്രമാണ് ഫിഫ അനുവദിക്കുക. ഇത് പ്രകാരം അനാവശ്യമായ രീതിയില്‍ അധിക സമയം നല്‍കുന്നത് ഒഴിവാക്കാന്‍ കഴിയും. ഇന്ത്യ പോലുളള രാജ്യങ്ങള്‍ ഏറെ അനുഗ്രഹമാണ് ഈ നിയമം.