ഫൈനലിൽ രണ്ടു കിടിലൻ ഗോളുകൾ നേടി ഗുൻഡോഗൻ, ആവേശം ബാഴ്സലോണയിൽ
Leave a Commentകഴിഞ്ഞ ദിവസം നടന്ന എഫ്എ കപ്പ് ഫൈനൽ മത്സരത്തിൽ മാഞ്ചസ്റ്റർ സിറ്റിയുടെ വിജയത്തിൽ നിർണായക പങ്കു വഹിച്ചത് ജർമൻ താരമായ ഇൽകെയ് ഗുണ്ടോഗനായിരുന്നു. ഒന്നിനെതിരെ രണ്ടു ഗോളുകൾക്ക് മാഞ്ചസ്റ്റർ സിറ്റി വിജയം നേടിയ മത്സരത്തിൽ രണ്ടു പകുതികളിലുമായി മാഞ്ചസ്റ്റർ സിറ്റിയുടെ രണ്ടു ഗോളുകളും നേടിയത് ജർമൻ താരമായിരുന്നു.
രണ്ടു ഗോളുകളും കിടിലൻ ഗോളുകളായിരുന്നു എന്നതാണ് പ്രത്യേകത. മത്സരത്തിന്റെ ഒന്നാം മിനുട്ടിലാണ് ആദ്യത്തെ ഗോൾ പിറന്നത്. കെവിൻ ഡി ബ്രൂയ്ന്റെ തലയിൽ തട്ടി വന്ന പന്ത് ഒരു കിടിലൻ വോളിയിലൂടെ താരം വലയിലെത്തിക്കുകയായിരുന്നു. അതിനു ശേഷം രണ്ടാം പകുതിയിൽ ഡി ബ്രൂയ്ൻ തന്നെ എടുത്ത കോർണറിൽ നിന്നും മറ്റൊരു വോളിയിലൂടെ താരം വിജയഗോളും നേടി.
Ilkay Gundogan scoring the FASTEST goal in FA Cup final history. pic.twitter.com/po4r9I4VEt
— City Report (@cityreport_) June 3, 2023
മാഞ്ചസ്റ്റർ സിറ്റിയുടെ വിജയത്തിൽ നിർണായക പങ്കു വഹിച്ച ജർമൻ താരം കിടിലൻ ഫോമിൽ കളിക്കുമ്പോൾ ആവേശം ബാഴ്സലോണ ആരാധകർക്ക് കൂടിയാണ്. ഈ സീസണോടെ മാഞ്ചസ്റ്റർ സിറ്റിയുമായുള്ള കരാർ അവസാനിക്കുന്ന ഗുണ്ടോഗൻ അതു പുതുക്കാൻ തയ്യാറായിട്ടില്ല. റിപ്പോർട്ടുകൾ പ്രകാരം ഈ സീസണിന് ശേഷം താരം ബാഴ്സയിലേക്ക് ചേക്കേറാൻ ഒരുങ്ങുകയാണ്.
Gundogan 2nd goal pic.twitter.com/CN4LL67OQG
— Live Sport (@AllGoalsLive_) June 3, 2023
ഈ സീസൺ കഴിയുന്നതോടെ ബാഴ്സലോണ മധ്യനിര താരം സെർജിയോ ബുസ്ക്വറ്റ്സ് ടീം വിട്ടു പുറത്തു പോവുകയാണ്. അതിനു പകരക്കാരനായി സാവി കണ്ടെത്തിയത് ജർമൻ താരത്തെയാണെന്നാണ് റിപ്പോർട്ടുകൾ. താരവും ബാഴ്സലോണയിലേക്ക് ചേക്കേറാൻ സമ്മതം മൂളിയെന്നാണ് സൂചനകൾ. ആഴ്സണൽ അടക്കമുള്ള ക്ലബുകൾ ജർമൻ താരത്തിനായി ശ്രമം നടത്തുന്നുണ്ട്.
ഗുണ്ടോഗൻ ബാഴ്സലോണയിലേക്ക് വരികയാണെങ്കിൽ അത് ക്ലബിന് വലിയ മുതൽക്കൂട്ടാണ്. മാഞ്ചസ്റ്റർ സിറ്റി ടീമിന്റെ ഏറ്റവും പ്രധാനപ്പെട്ട താരമായി കളിക്കുന്ന ജർമൻ താരത്തിന് തന്റെ പരിചയസമ്പത്ത് ഉപയോഗിക്കാൻ കഴിയും. ബുസ്ക്വറ്റ്സിന് പകരം ബാഴ്സയ്ക്ക് വേണ്ടതും അതുപോലെയൊരു താരത്തെ തന്നെയാണ്.