Tag Archive: Clement Lenglet

  1. പിക്വേക്ക് പിറകെ ലെങ്ലറ്റിനും പരിക്ക്, ഫസ്റ്റ് ടീമിലെ നാലു ഡിഫന്റർമാർ ബാഴ്സയിൽ നിന്നും പുറത്ത്

    Leave a Comment

    ഒസാസുനക്കെതിരായി ക്യാമ്പ് നൂവിൽ വെച്ചു നടന്ന ചാമ്പ്യൻസ്‌ലീഗ് മത്സരത്തിൽ എതിരില്ലാത്ത നാലു ഗോളുകൾക്ക് തകർപ്പൻ വിജയം സ്വന്തമാക്കിയിരിക്കുകയാണ് ബാഴ്സ. ബ്രാത്വൈറ്റും ഗ്രീസ്മാനും കൂട്ടിഞ്ഞോയും ഗോൾ കണ്ടെത്തിയ മത്സരത്തിൽ ഓപ്പൺ പ്ലേയിലൂടെ ലയണൽ മെസിക്കും ഗോൾ നേടാൻ സാധിച്ചു. ആ ഗോൾ മെസി സ്വന്തം രാജ്യത്തിന്റെ ദൈവസമാനനായ ഡിയെഗോ മറഡോണക്ക് സമർപ്പിച്ചാണ് മത്സരം അവസാനിപ്പിച്ചത്.

    നാലു ഗോളിന്റെ വിജയം കൂമാന്റെ ബാഴ്സക്ക് വലിയ ആശ്വാസമാണ് നൽകുന്നതെങ്കിലും ബാഴ്സയുടെ ഏക സീനിയർ പ്രതിരോധതാരമായ ലെങ്ലറ്റിനു രണ്ടാം പകുതിയിലേറ്റ പരിക്കു വലിയ തിരിച്ചടിയായിരിക്കുകയാണ്. ഇതോടെ നാലാമത്തെ പ്രതിരോധതാരത്തെയാണ് ബാഴ്സക്ക് നഷ്ടമായിരിക്കുന്നത്.

    അത്ലറ്റിക്കോക്കെതിരായി നടന്ന മത്സരത്തിൽ കാൽമുട്ടിനേറ്റ പരിക്കിൽ പ്രധാന പ്രതിരോധതാരമായ ജെറാർഡ് പിക്വേ നാലു മുതൽ അഞ്ചു മാസത്തേക്കാന്ന് കളിക്കളത്തിൽ നിന്നും പുറത്തായിരിക്കുന്നത്. യുവപ്രതിരോധതാരം റൊണാൾഡ്‌ അറോഹോയും സാമുവേൽ ഉംട്ടിറ്റിയും പരിക്കിന്റെ പിടിയിലായി കളിക്കളത്തിൽ നിന്നും പുറത്താണ്. ഇതോടെ ബാഴ്സയുടെ ഫസ്റ്റ് ടീം സ്‌ക്വാഡിലെ നാലു പ്രതിരോധതാരങ്ങളും നഷ്ടമായിരിക്കുകയാണ്.

    ലെങ്ലറ്റിനു പകരക്കാരനായി തത്കാലികമായി ഫ്രങ്കി ഡി ജോങ്ങാണ് ബാഴ്സയുടെ പ്രതിരോധം കാത്തതെങ്കിലും ഭാവിയിലേക്ക് ഇത് അധികകാലം ഉപയോഗിക്കാൻ കൂമാനു നന്നായറിയാം. ലെഫ്റ്റ്ബാക്കായ ജൂനിയർ ഫിർപ്പോയാണ് ആ പൊസിഷനിലേക്ക് കൂമാനു ഉപയോഗിക്കാനാവുന്ന ഏക താരം. പ്രതിരോധത്തിലെ നാലു പ്രധാനതാരങ്ങൾ പുറത്തായതോടെ വരുന്ന ജനുവരിയിൽ സിറ്റി താരം എറിക് ഗാർഷ്യക്കായുള്ള ശ്രമങ്ങൾ ഊർജിതമാക്കിയിരിക്കുകയാണ്.

  2. ബാഴ്സക്ക് ലാലിഗ നേടാനാവും, ശുഭാപ്തി വിശ്വാസം പ്രകടിപ്പിച്ച്‌ ബാഴ്സ പ്രതിരോധതാരം

    Leave a Comment

    അത്ലറ്റിക്കോ മാഡ്രിഡുമായി നടന്ന ലാലിഗ മത്സരത്തിൽ ഏകപക്ഷീയമായ ഒരു ഗോളിനു തോൽവി രുചിച്ചിരിക്കുകയാണ് കാറ്റാലൻ വമ്പന്മാരായ ബാഴ്സ. ബാഴ്സയുമായുള്ള വിജയത്തോടെ ലീഗിൽ രണ്ടാംസ്ഥാനത്തെത്താൻ അത്ലറ്റിക്കോക്ക് സാധിച്ചു. ഇതോടെ പോയിന്റ് ടേബിളിൽ ഒന്നാമതുള്ള റയൽ സോസീഡാഡുമായി 12 പോയിന്റു വ്യത്യാസത്തിൽ പതിനൊന്നാം സ്ഥാനത്താണ് ബാഴ്സലോണ.

    കാറ്റാലൻ വമ്പന്മാരുടെ ചരിത്രത്തിൽ തന്നെ മോശം തുടക്കമാണ് കൂമാന്റെ ബാഴ്സ അഭിമുഖീകരിക്കുന്നതെങ്കിലും ബാഴ്സക്ക് ലാലിഗ നേടാനാവുമെന്നു ശുഭാപ്തിവിശ്വാസം പ്രകടിപ്പിച്ചിരിക്കുകയാണ് ബാഴ്സ പ്രതിരോധതാരം ക്ലമന്റ് ലെങ്ലറ്റ്. ഡൈനമോ കീവുമായി നടക്കാനിരിക്കുന്ന ചാമ്പ്യൻസ്‌ലീഗ് മത്സരത്തിന്റെ മുന്നോടിയായി നടന്ന പത്രസമ്മേളനത്തിലാണ് താരം ബാഴ്സയുടെ ലാലിഗയിലെ മോശം തുടക്കത്തേക്കുറിച്ച് സംസാരിച്ചത്.

    മോശം തുടക്കത്തിലും ബാഴ്സക്കിനി ലാലിഗ നേടാനുള്ള സാധ്യതകളുണ്ടോയെന്ന ചോദ്യത്തിനാണ് ലെങ്ലറ്റ് മറുപടി നൽകിയത്. “അതേ, ഈ അവസ്ഥയിലും ലാലിഗ ഞങ്ങൾക്ക് ജയിക്കാനാവും. ഞങ്ങൾ ഇപ്പോൾ തലകുനിച്ചാൽ അതൊരിക്കലും പ്രൊഫഷനലിസത്തിനു ചേരുന്നതായിരിക്കില്ല. അത് കൂടുതൽ അപമാനകരമായിരിക്കും. ഞങ്ങൾക്ക് ഇതിനെയെല്ലാം മറികടക്കേണ്ടതുണ്ട്.” ലെങ്ലറ്റ് വ്യക്തമാക്കി.

    ചാമ്പ്യൻസ്‌ലീഗിൽ ഡൈനമോ കീവിന്റെ തട്ടകത്തിൽ വെച്ചാണ് ബാഴ്സക്ക് മത്സരമുള്ളത്. ബുധനാഴ്ച പുലർച്ചെ നടക്കാനിരിക്കുന്ന മത്സരത്തിന്റെ സ്‌ക്വാഡിൽ നിന്നും സൂപ്പർതാരം ലയണൽ മെസിയെയും മധ്യനിരതാരം ഫ്രങ്കി ഡിയോങ്ങിനെയും കൂമാൻ ഒഴിവാക്കി.ഗ്രൂപ്പിൽ ബാഴ്സ മികച്ച സ്ഥിതിയിലാണുള്ളതെന്നതിനാൽ കൂമാൻ ഇരുവർക്കും വിശ്രമം നൽകാൻ തീരുമാനിക്കുകയായിരുന്നു. പരിക്കേറ്റ പിക്കെക്കു പകരക്കാരനായി ബാഴ്സ ബി താരം ഓസ്കാർ മിൻഗ്വേസയെയാണ് കൂമാൻ സ്‌ക്വാഡിൽ ഉൾപ്പെടുത്തിയത്.

  3. ബെന്‍സിമ എക്കാലത്തേയും മികച്ച താരം, പുകഴ്ത്തി ബാഴ്‌സ സൂപ്പര്‍ താരം

    Leave a Comment

    സ്പാനിഷ് വമ്പന്‍മാരായ റയല്‍ മാഡ്രിഡിന്റെ ഫ്രഞ്ച് സൂപ്പര്‍ താരം കരീം ബെന്‍സിമയെ പുകഴ്ത്തി ബാര്‍സലോണ പ്രതിരോധനിര താരം ക്ലമന്റ് ലെങ്‌ലെറ്റ്. ഫ്രഞ്ച് മാധ്യമമായ ലെ പാരിസിയനു നല്‍കിയ അഭിമുഖത്തിലാണ് ലെങ്‌ലെറ്റ് കരീം ബെന്‍സിമയെ പ്രശംസിച്ചത്.

    ഫ്രഞ്ച് ഫുട്‌ബോള്‍ ചരിത്രത്തിലെ തന്നെ ഏറ്റവും മികച്ച മുന്നേറ്റനിരക്കാരില്‍ ഒരാളാണ് ബെന്‍സിമയെന്നാണ് ക്ലമന്റ് ലെങ്‌ലെറ്റ് ലെ പാരിസിയനോട് പറഞ്ഞത്.

    ലാലിഗയില്‍ 32 കളികളില്‍ നിന്ന് 17 ഗോളുകളുകളാണ് ബെന്‍സിമ ഇതുവരെ സ്വന്തമാക്കിയത്. ലാലിഗ ടോപ്‌സ്‌കോറര്‍ പട്ടികയില്‍ ലയണല്‍ മെസിക്ക് താഴെ രണ്ടാം സ്ഥാനത്താണ് നിലവില്‍ ഫ്രഞ്ച് താരം. എസ്പാന്യോളുമായി നടന്ന മത്സരത്തില്‍ ബാക്ക്ഹീല്‍ അസിസ്റ്റോടു കൂടി സമീപകാലത്തെ മികച്ച പ്രകടനമാണ് റയല്‍ മാഡ്രിഡിനു വേണ്ടി ബെന്‍സിമ കാഴ്ച വെക്കുന്നത്.

    തന്റെ സഹതാരമായ സൂപ്പര്‍ താരം അന്റോണിയോ ഗ്രീസ്മാന്റെ ഇപ്പോഴത്തെ ഫോമില്ലായിമയെ പറ്റിയും ക്ലമന്റ് ലെങ്‌ലെറ്റ് തന്റെ നിരീക്ഷണങ്ങള്‍ പങ്കുവെച്ചു.

    ഡ്രസ്സിങ് റൂമില്‍ കളിക്കാരുമായി മികച്ച ബന്ധം പുലര്‍ത്തുന്ന ഗ്രീസ്മാന്‍ പരിശീലനസമയത്ത് കഠിനമായി പ്രയത്‌നിക്കുന്ന കളിക്കാരനാന്നെന്നാണ് ലെങ്‌ലെറ്റ് പറയുന്നത്. ഗ്രീസ്മാന്‍ ബാഴ്‌സയിലെത്തിയ ആദ്യ സീസണ്‍ തന്നെ 14 ഗോളുകളും ധാരാളം അസിസ്റ്റുകള്‍ നേടിയെന്നും അത് അത്ര മോശം പ്രകടനമായി കണക്കാക്കാന്‍ പറ്റില്ലെന്നും ലെങ്‌ലെറ്റ് കൂട്ടിച്ചേര്‍ത്തു.