പോരാട്ടവീര്യം പോലും പാകിസ്ഥാന്‍ കാണിച്ചില്ല, പൊട്ടിത്തെറിച്ച് അഫ്രീദി
പാകിസ്ഥാനെതിരെ ഇന്ത്യയുടെ തോല്‍വിയില്‍ മനംനൊന്ത് മുന്‍ പാക് നായകനും സൂപ്പര്‍ താരവുമായിരുന്നു ഷാഹിദ് അഫ്രീദി. കളിയില്‍ ജയവും തോല്‍വിയുമെല്ലാം സാദാരണമാണെങ്കിലും പാകിസ്ഥാന്‍ ചെറിയ പോരാട്ട വീര്യം പോലും പുറത്തെടുക്കാത്തതാണ് അഫ്രീദിയെ പ്രകോപിപ്പിക്കുന്നത്.
‘ജയിക്കുക അല്ലെങ്കില്‍ തോല്‍ക്കുക എന്നത് മത്സരത്തിന്റെ ഭാഗമാണ്, എന്നാല്‍ ഒരു പോരാട്ടം നടത്താതിരിക്കുക, വിജയിക്കാനുള്ള ഉദ്ദേശം കാണിക്കാതിരിക്കുക എന്നിവ മോശമാണ്’ അഫ്രീദി മത്സര ശേഷം എക്‌സില്‍ കുറിച്ചു.
Winning/losing is part of competing, but not putting up a fight, not showing intent to win is just poor. Exactly what I was referring to in my previous tweet.
India played as #1 on the field, batting & bowling. Congrats @imVkohli on achieving another dream milestone of ODI runs…— Shahid Afridi (@SAfridiOfficial) September 11, 2023
ഫീല്‍ഡിംഗിലും ബാറ്റിംഗിലും ബൗളിംഗിലും ഇന്ത്യ ഒന്നാം നമ്പര്‍ ആയിരുന്നു. ഏകദിന റണ്ണുകളുടെ മറ്റൊരു സ്വപ്ന നാഴികക്കല്ല് പിന്നിട്ടതില്‍ കോഹ്ലിയേയും മികച്ച സെഞ്ച്വറി നേടിയ കെഎന്‍ രാഹുലിനേയും താന്‍ അഭിനന്ദിക്കുന്നതായും അഫ്രീദി പറഞ്ഞു. വമ്പന്‍ തോല്‍വിയിലും പാകിസ്താന്‍ തളരരുതെന്നും അടുത്ത മത്സരത്തില്‍ നിങ്ങള്‍ക്ക് ഇതിലും മികച്ചത് ചെയ്യാന്‍ കഴിയുമെന്നും അഫ്രീദി സ്വന്തം ടീമിനെ ആശ്വസിപ്പിക്കുന്നു.
ഏഷ്യാ കപ്പ് സൂപ്പര്‍ ഫോര്‍ മത്സരത്തില്‍ പടുകൂറ്റന്‍ തോല്‍വിയാണ് പാകിസ്ഥാന്‍ വഴങ്ങിയത്. ഇന്ത്യ ഉയര്‍ത്തിയ 356 റണ്‍സ് ചെയ്‌സ് ചെയ്ത പാകിസ്താന്‍ 128 റണ്‍സിന് ഓള്‍ ഔട്ട് ആയിരുന്നു. ഇതോടെ 228 റണ്‍സിന്റെ കൂറ്റന്‍ ജയമാണ് ഇന്ത്യ സ്വന്തമാക്കിയത്. ഏകദിന ചരിത്രത്തില്‍ ഇന്ത്യയുടെ നാലാമത്തെ ഏറ്റവും വലിയ വിജയമാണ് കൊളംമ്പോയില്‍ സംഭവിച്ചിരിക്കുന്നത്.